ରାଜ୍ୟପାଳଙ୍କ ଭତ୍ତାକୁ ନେଇ କେନ୍ଦ୍ର ସରକାରଙ୍କ ନୂଆ ଗାଇଡଲାଇନ ! ଜାଣନ୍ତୁ କିଏ ପାଇବେ କେତେ ?
ରାଜ୍ୟପାଳମାନଙ୍କୁ ମିଳୁଥିବା ଭତ୍ତାରେ ପରିବର୍ତ୍ତନ ଆଣିବାକୁ ଯାଉଛନ୍ତି କେନ୍ଦ୍ର ସରକାର । ଆଗରୁ ମିଳୁଥିବା ଭତ୍ତା ଏବଂ ଅନ୍ୟାନ୍ୟ ସୁବିଧାରେ ପରିବର୍ତ୍ତନ ଆଣି ଏକ ନୂଆ ଗାଇଡ଼ଲାଇନ୍ ପ୍ରସ୍ତୁତ କରିଛନ୍ତି କେନ୍ଦ୍ର ସରକାର । କେନ୍ଦ୍ର ଗୃହ ମନ୍ତ୍ରାଳୟ ତରଫରୁ ଜାରି କରାଯାଇଥିବା ସୂଚନା ଅନୁଯାୟୀ ସମସ୍ତ ରାଜ୍ୟର ରାଜ୍ୟପାଳଙ୍କ ଅପେକ୍ଷା ପଶ୍ଚିମବଙ୍ଗର ରାଜ୍ୟପାଳଙ୍କୁ ଅଧିକ ଭତ୍ତା ଦିଆଯିବ । ୧.୮୧କୋଟି ଟଙ୍କା ତାଙ୍କୁ ଭତ୍ତା ଆକାରରେ ମିଳିବା ସହ କୋଲକାତା ଏବଂ ଦାର୍ଜିଲିଙ୍ଗରେ ଥିବା ରାଜଭବନର ରକ୍ଷଣବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୭୨.୦୬ଲକ୍ଷ ଏବଂ ୮୦ଲକ୍ଷ ଟଙ୍କା ଦିଆଯିବ ବୋଲି ସୂଚନା ଦିଆଯାଇଛି । ପଶ୍ଚିମବଙ୍ଗର ରାଜ୍ୟପାଳଙ୍କ ପରେ ଅଛନ୍ତି ତାମିଲନାଡ଼ୁର ରାଜ୍ୟପାଳ ।
Kanak News is now on WhatsApp
Join and get latest news updates delivered to you via WhatsApp
ତାମିଲନାଡ଼ୁର ରାଜ୍ୟପାଳଙ୍କୁ ଭତ୍ତା ଆକାରରେ ୧.୬୬କୋଟି ଟଙ୍କା ମିଳିବା ସହ ଚେନ୍ନାଇ ଏବଂ ଉଟିରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୬.୫କୋଟି ଏବଂ ୭.୫୦ଲକ୍ଷ ଟଙ୍କା ଦିଆଯିବ ବୋଲି ଘୋଷଣା କରାଯାଇଛି । ସେହିପରି ବିହାରର ରାଜ୍ୟପାଳଙ୍କୁ ଭତ୍ତା ଆକାରରେ ୧.୬୨କୋଟି ମିଳୁଥିବା ବେଳେ ପାଟନାରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୮୦.୨ଲକ୍ଷ ଏବଂ ୬୨ଲକ୍ଷ ଟଙ୍କା ଦିଆଯିବ ।
ସେହିପରି ମହାରାଷ୍ଟ୍ରର ରାଜ୍ୟପାଳଙ୍କୁ ଭତ୍ତା ଆକାରରେ ୧.୧୪କୋଟି ଦିଆଯିବା ସହ ମୁମ୍ବାଇ, ପୁଣେ ଏବଂ ନାଗପୁରରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୧.୮କୋଟି ଏବଂ ୨୬.୭ଲକ୍ଷ ଦିଆଯିବ । କର୍ଣ୍ଣାଟକର ରାଜ୍ୟପାଳ ୧.୦୫କୋଟି ଟଙ୍କା ଭତ୍ତା ଅକାରରେ ପାଇବା ସହ ବେଙ୍ଗାଲୁରୁରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୩୮.୨ଲକ୍ଷ ଟଙ୍କା ଏବଂ ୬.୫ଲକ୍ଷ ଟଙ୍କା ଦିଆଯିବ । ରାଜସ୍ଥାନର ରାଜ୍ୟପାଳଙ୍କୁ ୯୫ଲକ୍ଷ ଟଙ୍କା ଭତ୍ତା ଆକାରରେ ମିଳିବା ସହ ଜୟପୁର ଏବଂ ମାଉଣ୍ଟଆବୁରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୭୩.୨ଲକ୍ଷ ଟଙ୍କା ଏବଂ ୧ଲକ୍ଷ ଟଙ୍କା ଦିଆଯିବ । ଉତ୍ତରପ୍ରଦେଶର ରାଜ୍ୟପାଳଙ୍କୁ ୬୬ଲକ୍ଷ ଟଙ୍କା ଭତ୍ତା ଆକାରରେ ମିଳିବା ସହ ଲକ୍ଷ୍ନୌରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୩.୫୩କୋଟି ଟଙ୍କା ଏବଂ ୧୦ଲକ୍ଷ ଟଙ୍କା ଦିଆଯିବ । ଗୁଜୁରାଟ ରାଜ୍ୟପାଳଙ୍କୁ ୫୫ଲକ୍ଷ ଟଙ୍କା ଭତ୍ତା ଆକାରରେ ମିଳିବା ସହ ଗାନ୍ଧିନଗରରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୨୦ଲକ୍ଷ ଟଙ୍କା ଏବଂ ୧୫ଲକ୍ଷ ଟଙ୍କା ଦିଆଯିବ । ହରିୟାଣା ରାଜ୍ୟପାଳଙ୍କୁ ୫୪.୫ଲକ୍ଷ ଟଙ୍କା ଭତ୍ତା ଆକାରରେ ମିଳିବା ସହ ଚଣ୍ଡିଗଡ଼ରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୨୧.୬ ଲକ୍ଷ ଟଙ୍କା ଏବଂ ୧୦ଲକ୍ଷ ଟଙ୍କା ଦିଆଯିବ । ଅରୁଣାଚଳପ୍ରଦେଶ ରାଜ୍ୟପାଳଙ୍କୁ ୫୪ ଲକ୍ଷ ଟଙ୍କା ଭତ୍ତା ଆକାରରେ ମିଳିବା ସହ ଇଟାନଗରରେ ଥିବା ରାଜଭବନର ରକ୍ଷଣାବେକ୍ଷଣ ଏବଂ ଫର୍ଣ୍ଣିଚର କାମ ପାଇଁ ୩୦.୭୫ଲକ୍ଷ ଟଙ୍କା ଏବଂ ୧୦ ଲକ୍ଷ ଟଙ୍କା ଦିଆଯିବ ।