ଜୀବନ ବଂଚାଇବା ପାଇଁ ଦିଆଯାଉଥିଲା ତାଲିମ, କିନ୍ତୁ ଚାଲିଗଲା ଜୀବନ : କୋଏମ୍ବାଟୁରରେ ବିପର୍ଯ୍ୟୟ ମୁକାବିଲା ପ୍ରଶିକ୍ଷଣ ବେଳେ ଦ୍ୱିତୀୟ ମହଲାରୁ ଡେଇଁ ଛାତ୍ରୀଙ୍କ ମୃତ୍ୟୁ
କନକ ବ୍ୟୁରୋ : ଜୀବନ ବଂଚାଇବାର ତାଲିମ ଦିଆଯାଉଥିଲା, କିନ୍ତୁ ଜୀବନ ଚାଲିଗଲା । ତାମିଲନାଡୁ କୋଏମ୍ବାଟୋରରେ ଏକ କଲେଜରେ ଗୁରୁବାର ଡିଜାଷ୍ଟର ଡ୍ରିଲ ବେଳେ ଜଣେ ୧୯ ବର୍ଷୀୟା ଛାତ୍ରୀଙ୍କ ମୃତ୍ୟୁ ଘଟିଛି । ସେ କଲାଇ ମଗଲ କଳା ଓ ବିଜ୍ଞାନ କଲେଜର ଦ୍ୱିତୀୟ ବର୍ଷର ଛାତ୍ରୀ । ବିପଦକାଳୀନ ପରିସ୍ଥିତିରେ ଛାତ୍ରଛାତ୍ରୀ କିପରି କଲେଜ କୋଠାରୁ ସୁରକ୍ଷିତ ଭାବେ ବାହାରି ପାରିବେ ,ସେ ନେଇ କଲେଜ ପରିସରରେ ଏକ ବିପର୍ଯ୍ୟୟ ମୁକାବିଲା ପ୍ରଶିକ୍ଷଣ ଦିଆଯାଉଥିଲା । ଅନ୍ୟ ଛାତ୍ରଛାତ୍ରୀଙ୍କ ଭଳି ଲୋକେଶ୍ୱରୀ ବି ଏଥିରେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏକ ଭିଡିଓରେ ଦେଖିବାକୁ ମିଳିଛି ଯେ ପ୍ରଶିକ୍ଷଣ ବେଳେ ସେ କଲେଜ କୋଠାର ଦୁଇ ମହଲାରେ ଥିବା ବାଲକୋନୀରେ ବସିଛନ୍ତି । ପ୍ରଶିକ୍ଷକ ତାଙ୍କୁ ସେଠାରୁ ଡେଇଁବାକୁ ନିର୍ଦ୍ଦେଶ ଦେଉଛନ୍ତି । କିନ୍ତୁ ସେ ରାଜି ହେଉନାହାନ୍ତି । କିଛି ସମୟ ପରେ ପ୍ରଶିକ୍ଷକ ତାଙ୍କୁ ଧକ୍କା ଦେଇଥିଲେ । ତାଙ୍କୁ ଧରିବା ପାଇଁ ତଳେ ବ୍ୟବସ୍ଥା କରାଯାଇଥିଲା । କିନ୍ତୁ ଦୁର୍ଭାଗ୍ୟର କଥା ଏଥିପାଇଁ ନିୟୋଜିତ ଲୋକେ ତାଙ୍କୁ ଧରିପାରିନଥିଲୋ ଫଳରେ ଲୋକେଶ୍ୱରୀ ତଳେ ପଡିଯାଇଥିଲେ । ତା ପରେ ତାଙ୍କୁ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ୍ୟୁ ସମୟର ଏହି ଭିଡିଓ କ୍ୟାମେରାରେ କଏଦ ହୋଇଛି ।