ଆଦାନୀଙ୍କୁ ମହଙ୍ଗା ପଡିଲା ହିଣ୍ଡେନବର୍ଗ ରିପୋର୍ଟ: ବିଶ୍ୱ ଧନୀ ତାଲିକାର ୩ ନମ୍ବରରୁ ୧୫ ନମ୍ବର ସ୍ଥାନକୁ ଖସିଲେ ଗୌତମ ଅଦାନୀ
କନକ ବ୍ୟୁରୋ: ଆମେରିକାର ଏକ ଘରୋଇ ଅର୍ଥନୈତିକ ଗବେଷଣା ସଂସ୍ଥା ହିଣ୍ଡେନବର୍ଗର ରିପୋର୍ଟ ଗୌତମ ଅଦାନୀଙ୍କ ପାଇଁ ମହଙ୍ଗା ପଡିଛି । ଅଦାନୀ ଗ୍ରୁପର ସେୟାର ମୂଲ୍ୟ ହ୍ରାସ ପାଉଥିବା ବେଳେ ରିଲାଏନ୍ସ ଇଣ୍ଡଷ୍ଟିଜର ଚେୟାରମେନ୍ ମୁକେଶ ଅମ୍ବାନୀ ଗୌତମ ଅଦାନୀଙ୍କୁ ପଛରେ ପକାଇ ବିଶ୍ୱ ସବୁଠୁ ଅଧିକ ଧନୀ ଭାରତୀୟର ମାନ୍ୟତା ପାଇଛନ୍ତି । ଫୋର୍ବସ ରିଅଲ ଟାଇମ୍ ପ୍ରକାଶ କରିଥିବା କୋଟିପତି ତାଲିକାରୁ ଏହା ସ୍ପଷ୍ଟ ହୋଇଛି । ଅଦାନୀ ଗ୍ରୁପର ବିଭିନ୍ନ ସଂସ୍ଥାର ସେୟାର ମୂଲ୍ୟ ୨୦ ପ୍ରତିଶତରୁ ଅଧିକ ହ୍ରାସ ପାଇଥିବା ଦେଖିବାକୁ ମିଳିଛି । ଯାହା ଗୌତମ ଅଦାନୀଙ୍କୁ ଚିନ୍ତାରେ ପକାଇଦେଇଛି । ଏପରି ସ୍ଥିତିରେ ହିଣ୍ଡେନବର୍ଗ ଉପରେ ଆଇନଗତ ପଦକ୍ଷେପ ନେବାକୁ ପ୍ରସ୍ତୁତ ହେଉଛି ଅଦାନୀ ଗ୍ରୁୁପ୍ ।
Kanak News is now on WhatsApp
Join and get latest news updates delivered to you via WhatsApp
ହିଣ୍ଡେନବର୍ଗର ରିପୋର୍ଟ ପ୍ରକାଶ ପାଇବା ପରେ ଆଦାନୀ ଗ୍ରୁପ୍ ସେୟାର ମୂଲ୍ୟ ଦୁଇଟି ଟ୍ରେଡିଂ ଦିନରେ ୫୦ ବିଲିୟନ ଡଲାର ଅର୍ଥାତ ୪ ଲକ୍ଷ କୋଟି ଟଙ୍କାରୁ ଅଧିକ ହ୍ରାସ ପାଇଥିଲା । ଆଉ ଅଦାନୀଙ୍କୁ ୨୦ ବିଲିୟନ ଡଲାରର କ୍ଷତି ସହିବାକୁ ପଡିଥିଲା ଯାହା ତାଙ୍କ ମୋଟ ଆୟର ୫ ଭାଗରୁ ଭାଗେ ।
୨୦୨୨ ପ୍ରାରମ୍ଭରେ ଏଲଭିଏମଚ ସିଇଓ ବେର୍ନାର୍ଡ ଅର୍ନାଲ୍ଟ, ଟେସଲା ସିଇଓ ଏଲନ ମସ୍କଙ୍କ ପରେ
୧୨୧ ବିଲିୟର ଡଲାରର ସମ୍ପତି ସହ ଅଦାନୀ ବିଶ୍ୱର ତିନି ନମ୍ବର ଧନୀ ଥିଲେ ।
ହିଣ୍ଡେନବର୍ଗର ରିପୋର୍ଟ ସାମ୍ନାକୁ ଆସିବା ପରେ ଅଦାନୀ ଗ୍ରୁପର ସମ୍ପତ୍ତି ହ୍ରାସ ପାଇ ୭୫ ଦଶମିକ୍ ୧ ବିଲିୟନ ଡଲାରରେ ପହଂଚିଛି ।
ଫଳରେ ବିଶ୍ୱର ଶ୍ରେଷ୍ଠ ଧନୀ ତାଲିକାର ୩ ନମ୍ବରରୁ ୧୫ କୁ ଖସିଆସିଛନ୍ତି ଅଦାନୀ ।
ମୁକେଶ ଅମ୍ବାନୀ ୮୩ ଦଶମିକ ୮ ବିଲିୟନ ଡଲାର ସମ୍ପତ୍ତି ସହ ଏହି ତାଲିକାର ୯ ନମ୍ବରରେ ଅଛନ୍ତି ।
ଯଦି ଏଭଳି ଭାବେ ଅଦାନୀ ଗ୍ରୁପର ସେୟାର ମୂଲ୍ୟ କମିବାରେ ଲାବେ ତେବେ ଗୌତମ ଅଦାନୀଙ୍କୁ ଏସିଆର ସର୍ବଶ୍ରେଷ୍ଠ ଧନୀ ତାଲିକାରୁ ହଟାଇ ପାରନ୍ତି ମୁକେଶ ଅମ୍ବାନୀ ।