ଘରୋଇ ଗ୍ୟାସର ଅନଲାଇନ୍ ବ୍ୟବସ୍ଥାରେ ହେଉଛି ବଡ ଧରଣର କଳାବଜାରୀ ! ଘଟଣା ଜାଣି ଉପଭୋକ୍ତାଙ୍କୁ ଲାଗିବ ଶକ୍ତ ଝଟକା ।
ସରକାର ଘରୋଇ ସିଲିଣ୍ଡର ଗ୍ୟାସ୍ ର କଳାବଜାରୀକୁ ରୋକିବା ପାଇଁ ଏହାର ଅନଲାଇନ୍ ବ୍ୟବସ୍ଥା ସିନା କାଢିଦେଲେ କିନ୍ତୁ ଏହି ଧନ୍ଦାରେ ପାରଙ୍ଗମ ଥିବା ଲୋକ ମଧ୍ୟ ଏହାର ଅନ୍ୟ ବାଟ ବାହାର କରିଦେଇଛନ୍ତି । ଉପଭୋକ୍ତାଙ୍କ କହିବାନୁସାରେ ଏଜେନ୍ସି ସଂଚାଳକ ବିନା ସୁଚନାରେ ଉପଭୋକ୍ତାଙ୍କ ନାମରେ ୨ ରୁ ୩ ଟି ସିଲିଣ୍ଡର ନେବା ଆରମ୍ଭ କରିଦେଲେଣି । ତେବେ ଏହି କଳାବଜାରୀର ଖୁଲାସା ସେତେବେଳେ ଜଣାପଡିଲା ଯେତେବେଳେ ସିଲିଣ୍ଡର ବିନା ବୁକ୍ କରି ମଧ୍ୟ ଉପଭୋକ୍ତାଙ୍କ ଖାତାରେ ସବସିଡି ପହଞ୍ôଚଲା । ତେବେ ଏଭଳି ଘଟଣା ଏବେ ଗ୍ରାହକଙ୍କ ପାଇଁ ଏକପ୍ରକାର ସମସ୍ୟାର କାରଣ ପାଲଟି ଯାଇଛି । କିଛି ଏଜେନ୍ସି ଏଭଳି କାମ କରି ନିଜ ଲାଭ ସକାଶେ ଲୋକଙ୍କୁ ହଇରାଣ କରିବାକୁ ପଛାଉନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗ୍ୟାସ୍ ସିଲିଣ୍ଡରର ବୁକିଙ୍ଗ୍ କରାଇନାହାନ୍ତି କିନ୍ତୁ ସବସିଡି ଆସିଯାଉଛି
ଜଣେ ଗ୍ରାହକ ସେପ୍ଟେମ୍ବର ଏବଂ ଅକ୍ଟୋବର ମାସରେ ଗ୍ୟାସ୍ ସିଲିଣ୍ଡରର ବୁକିଂ କରିନଥିଲେ କିନ୍ତୁ ଦୁଇମାସର ସବସିଡି ତାଙ୍କ ପାଖରେ ଆସି ପହଞ୍ଚିଥିଲା । ତେବେ ଗୋଟିଏ କିମ୍ବା ଦୁଇଟି ନୁହଁ ଏଭଳି ଶହ ଶହ ଅଭିଯୋଗ ଆସୁଛି । ଉଲ୍ଲେଖନୀୟ ଯେ କେନ୍ଦ୍ର ସରକାର ଦୁଇ ବର୍ଷ ପୂର୍ବରୁ ରୋଷେଇ ଗ୍ୟାସର କଳାବଜାରୀକୁ ରୋକିବା ପାଇଁ ସିଲିଣ୍ଡରର ଅନଲାଇନ୍ ବ୍ୟବସ୍ଥା ଆରମ୍ଭ କରିଥିଲେ । ନୂଆ ବ୍ୟବସ୍ଥା ଅନୁସାରେ ଉପଭୋକ୍ତାଙ୍କୁ ପୁରା ଦାମରେ ସିଲିଣ୍ଡର ଦିଆଗଲା । ଯାହାର ସବସିଡି ତାଙ୍କ ଖାତାରେ ଟ୍ରାନ୍ସଫର କରିଦିଆଗଲା ।
ଚିହ୍ନଟ କରି ଉପଭୋକ୍ତାଙ୍କ ସୂଚି ପ୍ରସ୍ତୁତ କରାଯାଏ
କିଛି ଦିନ ପର୍ଯ୍ୟନ୍ତ ଏହି ବ୍ୟବସ୍ଥାର ସକାରାତ୍ମକ ପରିଣାମ ସାମ୍ନାକୁ ଆସିଲା ଏବଂ କିଛି ଦିନ ପର୍ଯ୍ୟନ୍ତ କଳାବଜାରୀ ଉପରେ ମଧ୍ୟ ରୋକ ଲଗାଯାଇପାରିଲା । କିନ୍ତୁ ଏବେ ଏଜେନ୍ସି ସଞ୍ଚାଳକ ଘରୋଇ ଗ୍ୟାସ୍ ର କଳାବଜାରୀର ରାସ୍ତା ଖୋଜିବାରେ ସଫଳ ହୋଇଯାଇଛନ୍ତି । ଏଜେନ୍ସି ସଞ୍ଚାଳକ ଉପଭୋକ୍ତାଙ୍କୁ ନ ପଚାରି ତାଙ୍କ କନେକ୍ସନର ସିଲିଣ୍ଡର ନେଇଯାଉଛନ୍ତି । ଏହାର ସୂଚନା ଉପଭୋକ୍ତାଙ୍କୁ ତାଙ୍କ ଖାତାରେ ସବସିଡି ପହଞ୍ôଚବା ପରେ ଜଣାପଡିଲା ।
ତେବେ ଜଣେ ଉପଭୋକ୍ତାଙ୍କୁ ଏକ ବର୍ଷରେ ୧୨ ଟି ସିଲିଣ୍ଡର ମିଳିଥାଏ । କିଛି ଉପଭୋକ୍ତା ବର୍ଷେ ମଧ୍ୟରେ ଏଥିରୁ ଅଧା ସିଲିଣ୍ଡର ହିଁ ନେଇଥାନ୍ତି । ଗ୍ୟାସ୍ ଏଜେନ୍ସି ଏଭଳି ଉପଭୋକ୍ତାଙ୍କୁ ଚିହ୍ନଟ କରିଥାଏ । ତେବେ ବର୍ତ୍ତମାନ ଅକ୍ଟୋବର ମାସ ଚାଲିଛି । ତେବେ ଯେଉଁ ଉପଭୋକ୍ତା ମାନେ ସାତରୁ ଆଠ ଟି ସିଲିଣ୍ଡର ନେଇଛନ୍ତି ସେମାନଙ୍କ ତାଲିକା ବାହାର କରି ଏଜେନ୍ସି କଳାବଜାରୀ କରିବା ଆରମ୍ଭ କରିଦେଇଛି ।