ପରିଶ୍ରମ କଲେ , ସଫଳତାର ସ୍ୱାଦ ଚାଖିଲେ ଫୁଡ଼୍ ଡେଲିଭରୀ ବଏ । କମ୍ ସମୟ ଭିତରେ କିଣିଲେ କାର୍ , ନିଜ ରୋଜଗାରରେ ଉଚ୍ଚଶିକ୍ଷା ପାଇଁ ଭରିଲେ ଫିସ୍
ସମାଜ ଆମକୁ ଶିଖାଏ ଯେ କୌଣସି ବ୍ୟବସାୟ ବଡ଼ କି ଛୋଟ ନଥାଏ କି ବ୍ୟବସାୟ କରିବାର ବୟସ ନଥାଏ । କିନ୍ତୁ ସେହି ସମାଜ ବ୍ୟକ୍ତିର ପେସା , ବ୍ୟବସାୟକୁ ନେଇ ହିଁ ସମ୍ମାନ ଦିଏ । ଆପଣ ଯଦି କୌଣସି ଫୁଡ୍ ଡେଲିଭରି ବଏଙ୍କୁ ଦେଖନ୍ତି ମନରେ କ’ଣ ପ୍ରଶ୍ନ ଆସେ? ନିହାତିଭାବେ ପ୍ରତିଦିନର ରୋଜଗାରକୁ ନେଇ ପ୍ରଶ୍ନ ଆସୁଥିବ । ଯୁବକଟି କେତେ ରୋଜଗାର କରୁଥିବ , ଘରକୁ କେମିତି ଚଳାଉଥିବ ଇତ୍ୟାଦି, ଇତ୍ୟାଦି । ତେବେ ବେଳେବେଳେ ଏହି ଛୋଟ ବ୍ୟବସାୟ ହିଁ ଭାଗ୍ୟ ବଦଳାଇଦିଏ । ଆମେ ଆଜି ଆପଣଙ୍କୁ ଏମିତି ଜଣେ ଯୁବକଙ୍କ ବିଷୟରେ କହିବାକୁ ଯାଉଛୁ ଯାହାଙ୍କ ଭାଗ୍ୟ ନିମିଷକ ମାତ୍ରେ ବଦଳିଗଲା ।
Kanak News is now on WhatsApp
Join and get latest news updates delivered to you via WhatsApp
୧୯ ବର୍ଷର ଜଣେ ଚୀନ୍ ଯୁବକ ଯାହାଙ୍କ ନାଁ ଝାଓ ଚୁୟାଙ୍ଗ୍ ଫୁଡ୍ ଡେଲିଭରି ବଏ ଭାବରେ କାମ କରିଆସୁଥିଲେ । କିଛି ଦିନ ତଳେ ସୋସିଆଲ୍ ମିଡିଆରେ ସେ ଖୁବ୍ ଭାଇରାଲ୍ ହୋଇଥିଲେ । ୨୦୨୧ ରେ ଏହି ଫୁଡ଼୍ ଡେଲିଭରି ବଏ ଜଣକ ୨୦,୦୦୦ ୟୁଆନ୍ ଭାରତୀୟ ଟଙ୍କା ହିସାବରେ ୨ ,୨୭,୩୦୧ ଟଙ୍କା ସଞ୍ଚୟ କରି ଏକ ଇଲେକ୍ଟ୍ରି କାର୍ କିଣିବାରେ ସଫଳ ହୋଇଥିଲେ । ଖାଲି ଏତିକି ନୁହଁ ଉଚ୍ଚଶିକ୍ଷା ପାଇଁ ଫିସ୍ ବି ପଇଠ କରିଥିଲେ । ଝାଓଙ୍କ ପ୍ରତିଦିନର ରୁଟିନ୍ କହିଲେ ସାଢେ ୬ ଟା ବେଳେ କାମକୁ ବାହାରି ରାତି ୧୧ ଟାରେ ସେ ଘରକୁ ଫେରୁଥିଲେ ଏବଂ ବହୁତ କମ୍ ଛୁଟି ନେଉଥିଲେ । ଝଡ଼ , ବର୍ଷା,ଖରାକୁ ଖାତିର୍ ନକରି ସେ ନିଜ କାମ ପ୍ରତି ସମର୍ପିତ ଥିଲେ । ପରିବାର ମୁଣ୍ଡ ଉପରୁ ଟଙ୍କାର ବୋଝକୁ କମ୍ କରିବା ପାଇଁ ସେ ଲଗାତାର୍ କଠିନ ପରିଶ୍ରମ କରୁଥିଲେ । ଆଜିକାଲିର ଯୁବଗୋଷ୍ଠୀଙ୍କୁ ଝାଓ ଚୁୟାଙ୍ଗ୍ ଙ୍କଠାରୁ କିଛି ଶିଖିବାର ଆବଶ୍ୟକତା ରହିଛି । କୌଣସି କାମକୁ ଛୋଟ ଭାବି ବଡ଼ ବ୍ୟବସାୟର ଅପେକ୍ଷାରେ ରହିଲେ ଭବିଷ୍ୟତ ମଧ୍ୟ ଅପେକ୍ଷାରେ ହିଁ ବିତିଯିବ । ଛୋଟରୁ ଆରମ୍ଭ କଲେ ସଫଳତା ନିଶ୍ଚୟ ପାଦ ଚୁମିବ ।