କନକ ବ୍ୟୁରୋ : ଦୁଇଟି ବିବାହ ଯୋଗୁଁ ଗଲା ମେୟର ପଦ । ପ୍ରଥମ ସ୍ୱାମୀଙ୍କୁ ଛାଡପତ୍ର ନଦେଇ ଦିତୀୟ ବିବାହ କରିବା ମହଙ୍ଗା ପଡିଲା ବ୍ରହ୍ମପୁର ମେୟର କେ ମାଧବୀଙ୍କୁ । ଆଜି ଜିଲ୍ଲା ଦୌରା ଜଜ୍ ଏହି ମାମଲାକୁ ବିଚାର କରି ତାଙ୍କର କର୍ପୋରେଟର ପଦକୁ ଅସିଦ୍ଧ ଘୋଷଣା କରିଛନ୍ତି । ଫଳରେ କେ ମାଧବୀଙ୍କୁ ମେୟର ପଦ ହରାଇବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
କେ. ମାଧବୀ ଦୁଇ ଜଣଙ୍କୁ ବିବାହ କରିଥିବା ନେଇ ୨୦୧୪ରେ ଡିଷ୍ଟ୍ରିକ୍ଟ କୋର୍ଟରେ ମାମଲା ଦାୟର କରିଥିଲେ ବ୍ରହ୍ମପୁରର ପୂର୍ବତନ ମେୟର ଶିବଶଙ୍କର ଦାସ । ନିର୍ବାଚନ ସତ୍ୟପାଠରେ ମାଧବୀ ଭୂଲ ତଥ୍ୟ ଦେଇଥିବା ଶିବଶଙ୍କର ଅଭିଯୋଗ କରିଥିଲେ । ଏହାର ବିଚାର କରି ଜିଲ୍ଲା ଜଜ ଆଜି ରାୟ ଶୁଣାଇଛନ୍ତି । ତାଙ୍କର କର୍ପୋରେଟର ଓ ମେୟର ପଦକୁ ଅସିଦ୍ଧ ଘୋଷଣା କରିଛନ୍ତି କୋର୍ଟ ।