ରେଭେନସାରେ ମିଥ୍ୟା ପ୍ଲେସମେଂଟ ପ୍ରତିଶ୍ରୃତି ଅଭିଯୋଗ ! ଆମରଣ ଅନଶନରେ ଏମବିଏ ଛାତ୍ରଛାତ୍ରୀ
କନକ ବ୍ୟୁରୋ : ରେଭେନ୍ସା ଭଳି ଐତିହାସିକ ବିଶ୍ୱବିଦ୍ୟାଳୟରେ ପ୍ଲେସମେଂଟ ନେଇ ମିଥ୍ୟା ପ୍ରତିଶ୍ରୁତି ଅଭିଯୋଗ ହୋଇଛି । ଏଭଳି ଅଭିଯୋଗ ଆଣିି ଆମରଣ ଅନଶନରେ ବସିଛନ୍ତି ଏମବିଏ ଛାତ୍ରଛାତ୍ରୀ । ଆଜି କି ୬ ଦିନ ହେବ ଛାତ୍ରଛାତ୍ରୀ ଅନଶନରେ ବସିଥିବା ବେଳେ ସେମାନଙ୍କ ମଧ୍ୟରୁ ଦୁଇ ଜଣ ଛାତ୍ର ଅସୁସ୍ଥ ହୋଇଯିବାରୁ ତାଙ୍କୁ ଡାକ୍ତରଖାନାରେ ଭର୍ତି କରାଯାଇଛି । ତେବେ ଏ ସଂର୍ପକରେ ରେଭେନଶା କୁଳପତି କହିଛନ୍ତି ପିଲାମାନଙ୍କ ଦାବୀ ମାନିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
କାରଣ ପିଲାମାନେ ଉଚ୍ଚ ବେତନରେ ନିଶ୍ଚିନ୍ତ ନିଯୁକ୍ତି ଦାବୀ କରୁଛନ୍ତି, ଆଡମିଶନ ସମୟରେ ସେଭଳି କୈାଣସି ପ୍ରତିଶ୍ରୁତି ଦେଇ ନଥିଲା ବିଶ୍ୱ ବିଦ୍ୟାଳୟ । ଅନ୍ୟପଟେ ଛାତ୍ରଛାତ୍ରୀ ନିଜ ଇଚ୍ଛାରେ ଡିନ୍ ଚୟନ କରିବାକୁ ଚାହୁଁଛନ୍ତି, ଯାହାକୁ ଅନୁମତି ଦିଆଯାଇ ପାରିବ ନାହିଁ । ଏମିତି କି କୁଳପତି ଆନ୍ଦୋଳନରତ ଛାତ୍ରଛାତ୍ରୀଙ୍କୁ ଚେତାବନୀ ମଧ୍ୟ ଦେଇଛନ୍ତି, ଯଦି ଆଗକୁ ଛାତ୍ରଛାତ୍ରୀମାନେ ସେମାନଙ୍କ ଦାବୀ ପୂରଣ ପାଇଁ ବିଶୃଙ୍ଖଳା ପରିସ୍ଥିତି ସୃଷ୍ଟି କରନ୍ତି ତେବେ ସେମାନଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ ।