ପରିବାର ପାଇଁ ବରଦାନ ସାଜିଲା ସୋଶିଆଲ ମିଡିଆ : ୧୩ ବର୍ଷ ପରେ ଘରକୁ ଫେରିଲା ହଜିଯାଇଥିବା ପୁଅ
ଦିନକୁ ଦିନ ସୋଶିଆଲ ମିଡିଆର ବ୍ୟବହାର ବଢ଼ି ବଢ଼ି ଯାଉଛି । ଏହି ମଧ୍ୟରେ ସୋଶିଆଲ ମିଡିଆ ହଜିଯାଇଥିବା ଲୋକଙ୍କୁ ଫେରାଇ ଆଣିବାର କାମ କରୁଛି । ରାଜସ୍ଥାନର ସିକରର ଏମିତି ଏକ ମାମଲା ସାମନାକୁ ଆସିଛି । ଏତେ ଦିନ ପରେ ପୁଅକୁ ଦେଖି ମାଁର ଆଖି ଛଳ ଛଳ ହୋଇଗଲା । ଫେସବୁକ୍ ଏକ ପରିବାରକୁ ତାଙ୍କ ହଜିଯାଇଥିବା ପୁଅ ଫେରାଇଲା ।
Kanak News is now on WhatsApp
Join and get latest news updates delivered to you via WhatsApp
ଲକ୍ଷ୍ମଣଗଢ଼ ସହରର ୱାର୍ଡ ନମ୍ବର ୧୬ର ନିବାସୀ ମାୟା ଦେବୀଙ୍କ ୧୦ ବର୍ଷୀୟ ପୁଅ ବିମଲ ଯୋଶୀ ଓରଫ୍ ବଣ୍ଟି ୨୦ ଫେବୃୟାରୀ ୨୦୦୫ରେ ଘର ବାହାରେ ଖେଳୁଥିଲା । ସେଇଠୁ ବଣ୍ଟି ହଠାତ୍ ହଜିଯାଇଥିଲା । ବହୁତ ଖୋଜିବା ପରେ ବି ଘର ଲୋକଙ୍କୁ ମିଳିନଥିଲା । ସେଦିନ ଏମିତି ହୋଇଥିଲା କି ସେ ଖେଳିଲାବେଳେ ଜଣେ ସାଧୁ ଆସିଲେ ଓ ତାକୁ ଫୁସୁଲେଇ କି ନିଜ ସାଙ୍ଗରେ ନେଇଯାଇଥିଲେ । ଯିବା ସମୟରେ ବଣ୍ଟି ନିଜ ସାଙ୍ଗରେ କିଛି ଟଙ୍କା ବି ନେଇଯାଇଥିଲା । ସାଧୁ ତାକୁ ଆସାମ ନେଇଗଲା ଓ ଘର କାମ କରାଇଲା । ପାଖାପାଖି ୨ବର୍ଷ ସାଧୁ ପାଖରେ ରହିବା ପରେ ଗୋଟିଏ ଦିନ ତା’ ପାଖରୁ ଖସି ଆସିିଲା ଓ ଟ୍ରେନ୍ ରେ ଜୟପୁର ଆସିଗଲା । କିଛି ଦିନ ସେଠି ବୁଲିବା ପରେ ଯୋଧପୁର ଚାଲିଗଲା । ଯୋଧପୁରରେ ସେ ଏକ ମୁସଲିମ୍ ବ୍ୟବସାୟୀ ପାଖରେ କାମ କଲା ଓ ତା’ ସଂପର୍କୀୟଙ୍କ ପାଖରେ ମାଉଣ୍ଟ ଆବୁରେ ୩ ବର୍ଷ କାମ କଲା । ମାଉଣ୍ଟ ଆବୁରୁ ଚୈାମୁ ଆସିଗଲା ଓ ଜଣେ ମହିଳାଙ୍କ ଘରେ କାମ କଲା ।
ପୁଣି ୧୩ ବର୍ଷ ପରେ ବଣ୍ଟି ନିଜ ଦାଦା ପୁଅ ଗୈାରବ ଯୋଶୀଙ୍କ ସହ ଫେସବୁକ୍ ରେ ସଂପର୍କ କଲା । ସମସ୍ତ କାହାଣୀ ସେ ଫେସବୁକ୍ରେ ଜଣାଇଲା । ତା’ ପରେ ଫୋନ୍ ନମ୍ବର ଆଦାନ ପ୍ରଦାନ କଲେ । ଗୈାରବ ବୁଝାଇବା ପରେ ବଣ୍ଟି ୪ ଜୁଲାଇରେ ଘରକୁ ଫେରିଲା ।