ଜାମ୍ମୁକାଶୀରରେ ସେନା-ଆତଙ୍କବାଦୀ ଗୁଳି ବିନିମୟ ! ୪ ଯବାନ ସହିଦ, ସେନା ଗୁଳିରେ ଜଣେ ଆତଙ୍କୀ ନିହତ ।
କନକ ବ୍ୟୁରୋ : ସାରା ଦେଶ ବୀର ପାଇଲଟ୍ ଅଭିନନ୍ଦନଙ୍କୁ ସ୍ୱାଗତ କରିବା ପାଇଁ ଚାହିଁ ବସିଥିବା ବେଳେ ସେପଟେ ସୀମାରୁ ଆସିଛି ଆଉ ଏକ ଦୁଃଖ ଖବର । ଉତ୍ତର କାଶ୍ମୀରର କୁପୱାଡା ଜିଲ୍ଲାର ହିନ୍ଦୱାଡା ଠାରେ ଭାରତୀୟ ସୁରକ୍ଷାବଳ ଏବଂ ଆତଙ୍କବୀଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ୪ଜଣ ଯବାନ ସହିଦ ହୋଇଥିବା ସୂଚନା ମିଳିଛି । ଯେଉଁଥିରେ ସିଆରପିଏଫର ଦୁଇ ଜଣ ଯବାନ ଏବଂ ଜାମ୍ମୁକାଶ୍ମୀର ପୋଲିସର ଦୁଇ ଜଣ ଯବାନ ସହିଦ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସେନାର ଗୁଳିରେ ଜଣେ ଆତଙ୍କୀ ନିହତ ହୋଇଥିବା ବେଳେ ଆଉ ଜଣେ ଆତଙ୍କବାଦୀ ମଲବେ ଅଞ୍ଚଳରେ ଲୁଚି ରହିଛି । ଗୋଟିଏ ପଟେ ପାକିସ୍ତାନ ଶାନ୍ତିର କଥା କହୁଥିବା ବେଳେ, ସୀମାରେ ଚାଲିଥିବା ଗୁଲି ବିନିମୟ ପାକିସ୍ତାନର ଅସଲ ମୁଖା ପଦାରେ ପକାଉଛି । ଏବେବି ହିନ୍ଦୱାଡା ଠାରେ ଆତଙ୍କବାଦୀ ଏବଂ ସୁରକ୍ଷା ବଳ ମଧ୍ୟରେ ଗୁଳି ବିନିମୟ ଜାରି ରହିଛି ।