ଟୁଲକିଟ୍ ମାମଲାରେ ଦିନିକିଆ ରିମାଣ୍ଡରେ ଯିବେ ଦିଶା ରବି । ନିକିତା ଜାକବ, ଶାନ୍ତନୁ ଓ ଦିଶା ରବିଙ୍କୁ ଏକାଠି ପଚାରଉଚୁରା କରିବ ଦିଲ୍ଲୀ ପୋଲିସ ।
କନକ ବ୍ୟୁରୋ: ଚାଷୀ ଆନ୍ଦୋଳନ ସହ ଜଡିତ ଟୁଲକିଟ୍ ମାମଲାକୁ ନେଇ ସୋମବାର ଦିଶା ରବିଙ୍କୁ କୋର୍ଟରେ ହାଜର କରାଯାଇଛି । ଯେଉଁଠି କୋର୍ଟ ତାଙ୍କୁ ଦିନିକିଆ ପୋଲିସ ରିମାଣ୍ଡରେ ପଠାଇ ଦେଇଛନ୍ତି । ଦିଲ୍ଲୀ ପୋଲିସ ତାଙ୍କୁ ୫ ଦିନ ପାଇଁ ରିମାଣ୍ଡରେ ନେବାକୁ ଦାବି କରିଥିଲା । ହେଲେ ଦିଲ୍ଲୀ ପଟିୟାଲା ହାଉସ୍ କୋର୍ଟ କେବଳ ଗୋଟିଏ ଦିନ ପାଇଁ ଦିଶା ରବିଙ୍କୁ ରିମାଣ୍ଡରେ ଛାଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିମାଣ୍ଡ ଆବେଦନର ଶୁଣାଣି ସମୟରେ ଦିଶା ରବିଙ୍କ ଓକିଲ କହିଥିଲେ ଯେ, ମୋବାଇଲରେ ଯାହା ବି କିଛି ସୂଚନା ଥିଲା ସେସବୁ ପୋଲିସ ପାଖରେ ଅଛି । ତେଣୁ ସେ ଦିଶାଙ୍କ ରିମାଣ୍ଡ ଯିବା କଥାକୁ ବିରୋଧ କରିଥିଲେ। ଅପରପକ୍ଷେ ଦିଲ୍ଲୀ ପୋଲିସ ଏହି ଘଟଣାରେ ଉତ୍ତର ରଖି କହିଥିଲା, ଦିଶାଙ୍କ ପାଖରୁ ସେମାନେ ସନ୍ତୋଷ ଜନକ ଉତ୍ତର ପାଇନାହାନ୍ତି ତେଣୁ ପୁଣିଥରେ ରିମାଣ୍ଡ ପାଇଁ ଦାବି କରିଥିଲେ ।
ରିମାଣ୍ଡରେ ଆସିବା ପରେ ଦିଲ୍ଲୀ ପୋଲିସ ଦିଶା ରବିଙ୍କୁ ଅନ୍ୟ ଦୋଷୀଙ୍କ ସହ ବସାଇ ପଚରାଉଚୁରା କରିବ । ନିକିତା ଜାକବ, ଶାନ୍ତନୁ ଓ ଦିଶା ରବିକୁ ଆଗରେ ବସାଇ ପୋଲିସ ପଚାରଉଚୁରା କରିବ । କାହିଁକି ନାଁ ପୂର୍ବ ରିମାଣ୍ଡ ସମୟରେ ଦିଶା ରବି ଟୁଲକିଟ୍ ସମ୍ବନ୍ଧୀୟ ସମସ୍ତ ଦୋଷ ନିକିତା ଓ ଶାନ୍ତନୁ ଉପରେ ଲଦି ଦେଇଥିଲେ । ସୂଚନାଯୋଗ୍ୟ ଯେ, ଦିଶା ରବି ଚାଷୀ ଆନ୍ଦୋଳନ ଭିତରେ ହିଂସା ସୃଷ୍ଟି କଲାଭଳି ଏକ ଟୁଲକିଟ୍ ପ୍ରସ୍ତୁତ କରିଥିଲେ । ଯାହାକୁ ନେଇ ତାଙ୍କୁ ଦିଲ୍ଲୀ ପୋଲିସ ଗିରଫ କରିଥିଲା । ପୋଲିସ ଅଭିଯୋଗ କରିଥିଲା ଯେ, ଏହି ଟୁଲକିଟକୁ ନେଇ ହିଂସା ବଢିପାରେ ।