କନକ ବ୍ୟୁରୋ : ରାୟଗଡ଼ା ଜିଲ୍ଲା କାଶୀପୁର ବ୍ଲକରେ ବ୍ୟାପିପାର ଲାଗିଛି ଝାଡ଼ାବାନ୍ତି । ୪ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ ଅଧିକ ଆକ୍ରାନ୍ତ ମେଡିକାଲରେ ଭର୍ତ୍ତି ହୋଇଛନ୍ତି । ସ୍ଥିତି ସମୀକ୍ଷା ପାଇଁ ଗାଁରେ ସ୍ୱାସ୍ଥ୍ୟ ଅଧିକାରୀଙ୍କ ଦେଖାନାହିଁ । ଏ ନେଇ ଲୋକେ ଅସନ୍ତୋଷ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କାଶୀପୁର ବ୍ଳକ ଡୁଡୁକାବାହଲ ପଞ୍ଚାୟତ ସଦରରେ ସବିତା ନାୟକ ନାମକ ମହିଳାଙ୍କ ମୃତ୍ୟୁ ହୋଇଥିବା ବେଳେ ସେଠାରେ ଆଉ ୫ଜଣ ଆକ୍ରାନ୍ତ ଅଛନ୍ତି । ଶଙ୍କରଡ଼ା ପଞ୍ଚାୟତର ଗୋରିଘାଟି ଗ୍ରାମରେ ୪ଜଣ , ମାଇକଞ୍ଚ ପଞ୍ଚାୟତର କାକିରିପଦର ଗ୍ରାମର ଦୁଇଜଣ ଓ ଟିକିରି ସ୍ଥିତ ବନ୍ଧସାହିର ଜଣେ ଏପରି ୧୨ରୁ ଅଧିକ ଗୁରୁତର ଆକ୍ରାନ୍ତ କାଶୀପୁର ଓ ଟିକିରି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି । ତେବେ ଏନେଇ ରାୟଗଡ଼ା ସିଡିଏମଓ ଅବଗତ ନାହାନ୍ତି । ସେ ଭୁବନେଶ୍ୱରରୁ ଆଜି ଫେରିଛନ୍ତି । ସ୍ଥିତି ଅନୁଧ୍ୟାନ କରି ପଦକ୍ଷେପ ନେବେ ବୋଲି କହିଛନ୍ତି ସିଡିଏମଓ ।