ବରଗଡରୁ ୪୦ ଲକ୍ଷ ଟଙ୍କା ଜବତ ଘଟଣା ! ସିିଇସିଙ୍କୁ ଏସପିଙ୍କ ରିପୋର୍ଟ ନେଇ ବର୍ଷିଲେ ଧର୍ମେନ୍ଦ୍ର ପ୍ରଧାନ । କହିଲେ,ସତସାହସ ଅଛି ଇଡିକୁ ଦିଆଯାଉ ତଦନ୍ତଭାର
କନକ ବ୍ୟୁରୋ: ବିଜେପୁରରେ ୪୦ ଲକ୍ଷ ଟଙ୍କା ଜବତ ନେଇ ସିଇସିଙ୍କୁ ବରଗଡ ଏସପି ରିପୋର୍ଟ ଦେବା ପ୍ରସଙ୍ଗରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ ଚ୍ୟାଲେଞ୍ଜ କରିଛନ୍ତି ଯଦି ସତସାହସ ଅଛି ତାହାହେଲେ ଇଡିଙ୍କୁ ତଦନ୍ତ ଭାର ଦିଆଯାଉ । ସେ ଅଭିଯୋଗ କରିଛନ୍ତି ବିଜେଡି ହାରିବା ଭୟରେ ପଇଁତରା ମାରୁଛି । ଶନିବାର ରାତିରେ ବିଜେପୁରରୁ ୪୦ ଲକ୍ଷ ଟଙ୍କା ଜବତ ହୋଇଥିଲା । ବରଗଡ ମହୁଲପାଲି ଛକରୁ ଜବତ ହୋଇଥିବା ୪୦ ଲକ୍ଷ ୫୦ ହଜାର ଟଙ୍କା ମାମଲାରେ ମୁଖ୍ୟ ନିର୍ବାଚନ ଅଧିକାରୀଙ୍କୁ ତଥ୍ୟ ଦେଇଥିଲା ପୋଲିସ । ଧରା ପଡିଥିବା ଅଭିଯୁକ୍ତ ଆକାଶ ଅଗ୍ରୱାଲ ବିଶ୍ୱ ହିନ୍ଦୁ ପରିଷଦ ଏବଂ ବିଜେପିର ସକ୍ରିୟ ସଦସ୍ୟ ବୋଲି ବରଗଡ ଏସପି ଓ ପଦ୍ମପୁର ଏଏସଆଇ ମୁଖ୍ୟ ନିର୍ବାଚନ ଅଧିକାରୀଙ୍କୁ ରିପୋର୍ଟ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବରଗଡ ଏସପି ଲେଖିଥିଲେ ଯେ, ଆକାଶ ଅଗ୍ରୱାଲ ଏହି ଟଙ୍କା ନିଜ ବ୍ୟବସାୟ କିମ୍ବା କାହାଠାରୁ ଉଧାର ଆଣି ନାହାନ୍ତି । ତେଣୁ ଭୋଟରଙ୍କୁ ଲାଂଚ ଦେବା ଉଦ୍ଦେଶ୍ୟରେ ଏହି ଟଙ୍କା ନିଆଯାଉଥିଲା ବୋଲି ଏସପି ତାଙ୍କ ରିପୋର୍ଟରେ ଲେଖିଥିଲେି । ଏଥିପାଇଁ ଆକାଶ ଅଗ୍ରୱାଲ ଓ ତାଙ୍କ ବାପା ଓମ ପ୍ରକାଶ ଅଗ୍ରୱାଲଙ୍କୁ ଦାୟୀ କରି ରିପୋର୍ଟ ଦେଇଥିଲେ ଏସପି ।
ସେପଟେ ଚ୍ୟାଲେଞ୍ଜକୁ ଗ୍ରହଣ କରିଛି ବିଜେଡି । ବିଜେଡି ସାଂସଦ ପ୍ରତାବ ଦେବ କହିଛନ୍ତି, ଇଡି ଓ ଆଇଟି କେନ୍ଦ୍ରର । ତୁରନ୍ତ ଘଟଣାର ତଦନ୍ତ କରିବାକୁ ସେ ଦାବି କରିଛନ୍ତି । ଗିରଫ ହୋଇଥିବା ବ୍ୟକ୍ତିଙ୍କ ସୋସିଆଲ ଆକାଂଉଟ ଯାଂଚ ହେଉ । ହାରିବା ଭୟରେ କେନ୍ଦ୍ରମନ୍ତ୍ରୀ ଏଭଳି କହୁଛନ୍ତି । ଯାଂଚ ହେଲେ କିଏ ଠିକ କିଏ ଭୁଲ ଜଣାପଡିବ । କଥାକୁ କାମରେ ପରିଣତ କରି ଧର୍ମେନ୍ଦ୍ର ଦେଖାନ୍ତୁ ବୋଲି ସେ ଚ୍ୟାଲେଞ୍ଜ କରିଛନ୍ତି ।