କନକ ବ୍ୟୁରୋ : କାଦୁଅ ରାସ୍ତାରେ ଫସିଲା ଆମ୍ବୁଲାନ୍ସ । ପାଖାପାଖି ୪ ଘଣ୍ଟା କାଳ ଆମ୍ବୁଲାନ୍ସ କାଦୁଅରେ ଫସି ରହିଥିବାର ଚିତ୍ର ଆସିଛି ପୁରୀ ଜିଲ୍ଲା କଣାସ ଅଞ୍ଚଳରୁ । ନୂଆ ଜଗନ୍ନାଥ ସଡକର ଜଙ୍କିଆ ଗଡସାହି ଠାରୁ ଗଡିଶାଗୋଦା ଯିବା ପାଇଁ ଥିବା ମୁଖ୍ୟ ରାସ୍ତାରେ ଏଭଳି ଅଘଟଣ ଦେଖିବାକୁ ମିଳିଛି । ସକାଳ ୭ଟାରୁ ଆମ୍ବୁଲାନ୍ସଟି ଫସି ରହିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏହି କଚ୍ଚା ରାସ୍ତାକୁ ନେଇ ବର୍ଷ ବର୍ଷ ଧରି ଅଭିଯୋଗ ହୋଇ ଆସୁଥିବାବେଳେ ସରକାର ଏଥିପ୍ରତି ଦୃଷ୍ଟି ଦେଉନଥିବା ଅଭିଯୋଗ ହୋଇଛି । ଆଉ ବର୍ଷା ଦିନ ଆସିଲେ ସ୍ଥାନୀୟ ଲୋକେ ଏହାକୁ ନେଇ ହନ୍ତସନ୍ତ ହୋଇଥାନ୍ତି । ଆଉ ଏବେ କାଦୁଅ ରାସ୍ତାରେ ଆମ୍ବୁଲାନ୍ସ ଫସି ରୋଗୀଙ୍କ ସମେତ ପରିବାର ଲୋକେ ନାହିଁ ନଥିବା ହଇରାଣ ହୋଇଛନ୍ତି । ବାତ୍ୟା ଅସାନି ପ୍ରଭାବରେ ଉପକୂଳବର୍ତ୍ତୀ ଅଞ୍ଚଳରେ ଆଜି ସକାଳୁ ବର୍ଷା ଲାଗି ରହିଥିବାବେଳେ ଏଭଳି ଏକ ଦୁର୍ଭାଗ୍ୟଜନକ ଖବର ସାମ୍ନାକୁ ଆସିଛି ।