କଟକ-ଚାନ୍ଦାବାଲି ଅଚ୍ୟୁତପୁର ରାସ୍ତାକୁ ଉଚ୍ଚା କରିବା ଦାବିରେ ମୁଖ୍ୟମନ୍ତ୍ରୀଙ୍କ ସହ ଜିଲ୍ଲାପାଳଙ୍କୁ ଚିଠି ଲେଖିଲେ ଗ୍ରାମବାସୀ !
କନକ ବ୍ୟୁରୋ : ଜନସାଧାରଣ ମାନଙ୍କ ଉନ୍ନତି ପାଇଁ ସରକାର ଯୋଜନା ପରେ ଯୋଜନା କରୁଛନ୍ତି । ହେଲେ ଯୋଜନାରୁ କାହିଁକି ଲୋକମାନେ ବଞ୍ଚିତ ହେଉଛନ୍ତି ତାହାର ଉତ୍ତର କାହା ପାଖରେ ନାହିଁ । ମୈାଳିକ ଅଧିକାର ପହଞ୍ଚାଇବାକୁ ଅନେକ ଯୋଜନା କରିଛନ୍ତି । ପ୍ରଧାନମନ୍ତ୍ରୀ ସଡକ ଯୋଜନାଠାରୁ ଆରମ୍ଭ କରି ଅନେକ ଯୋଜନା ରହିଛି । ଏପରିକି ରାଜ୍ୟ ସରକାର ନିଜ ପାଣ୍ଠିରୁ ଅନେର ରାସ୍ତା ନିର୍ମାଣ କରିବାର ନଜର ରହିଛି । ତେବେ କଟକ-ଚାନ୍ଦାବାଲି କୁ ସଂଯୋଗ କରୁଥିବା ରାସ୍ତାରେ ଅଚ୍ୟୁତପୁର ଠାରୁ ଗଞ୍ଜାଘାଟ ପର୍ଯ୍ୟନ୍ତ ବନ୍ୟାଜଳ ପାଣିରେ ବୁଡିରହୁଛି । ତେଣୁ ସେହି ରାସ୍ତାକୁ ଉଚାଂ କରିବା ପାଇଁ ବାରମ୍ବାର ଦାବି ହେବା ପରେ ବି କୈାଣସି ଲାଭ ହେଉନାହିଁ । ଏହି ରାସ୍ତାରେ କେନ୍ଦ୍ରାପଡା ଜିଲ୍ଲାର ଅନେକ ଲୋକ ନିର୍ଭର କରନ୍ତି । ତେବେ ବର୍ତ୍ତମାନ ସମୟରେ ସେହି ରାସ୍ତାର କାମ ଚାଲୁଅଛି । ତେଣୁ ଲୋକମାନେ ବର୍ତ୍ତମାନ ସମୟରେ ସେହି ରାସ୍ତାକୁ ଉଚାଂ କରିବା ପାଇଁ ଦାବୀ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବା ଅନୁସାରେ ପ୍ରତ୍ୟେକ ବର୍ଷ ନଦୀରେ ପାଣି ଆସିଲେ ଅଚ୍ୟୁତପୁର ଠାରେ ରାସ୍ତା ବୁଡିକି ରହେ । ତେଣୁ ହଜାରହଜାର ଲୋକ ରାସ୍ତାରେ ଯାଇ ପାରନ୍ତି ନାହିଁ । କହବାକୁ ଗଲେ ସେହି ସମୟରେ ବାହ୍ୟ ଜଗତରୁ ବିଚ୍ଛିନ୍ନ ଅନସ୍ଥାରେ ରହିଯାଏ । ପିଲାମାନଙ୍କ ପାଠପଢା ଠାରୁ ଆରମ୍ଭ କରି ଡାକ୍ତରଖାନା ପର୍ଯ୍ୟନ୍ତ ଅତ୍ୟାବଶ୍ୟକୀୟ କାମ ବାଧାପ୍ରାପ୍ତ ହୁଏ । ତେଣୁ ଏହି ରାସ୍ତାରେ ମହରମ ପକାଇ ଉଚାଂ କରିବାର ଆବଶ୍ୟକତା ରହିଛି । ବନ୍ୟା ସମୟରେ ଦେଶୀ ଡଙ୍ଗା ଏକମାତ୍ର ଭାବରେ ସାହା ଭରଷା । ସେହି ଡଙ୍ଗାରେ ବିପଦ ସଙ୍କୁଳ ଅବସ୍ଥାରେ ଲୋକମାନେ ଯା ଆସ କରନ୍ତି । ସ୍ଥାନୀୟ ଲୋକମାନଙ୍କ କହିବା ଅନୁସାରେ ଠିକାଦର ମନଇଚ୍ଛା କାମ କରୁଛନ୍ତି । କୈାଣସି କଥା ଶୁଣୁନାହାନ୍ତି ।
ଯାହାକୁ ନେଇ ଆନ୍ଦୋଳନ ତେଜିବାରେ ଲାଗିଛି । ତେବେ ଏ ନେଇ ଗ୍ରାମବାସୀମାନେ ମୁଖ୍ୟମନ୍ତ୍ରୀଙ୍କୁ ମଧ୍ୟ ଚିଠି ଲେଖିଥିବା କହିଛନ୍ତି । ତେବେ ଏ ନେଇ କେନ୍ଦ୍ରାପଡା ଜିଲ୍ଲାପାଳ କହିଛନ୍ତି ଯେ, ଲୋକମାନଙ୍କର ଅସୁବିଧା ହେଉଥିବା ମୋ ପାଖକୁ ଖବର ଆସିଛି । ସେହି ରାସ୍ତାରେ କେତେ ପରିମାଣରେ ଉଚ୍ଚା କରାଯିବା କଥା ଓ ଠିକାଦାର କେତେ ପରିମାଣରେ ଉଚ୍ଚା କରିଛନ୍ତି ତାହାର ତଦନ୍ତ ହେବ । ଲୋକମାନେ ଯେପରି ସରକାରଙ୍କ ସୁବିଧା ପାଇବେ ସେନେଇ ଯାହା ସମ୍ଭବ ତାହା କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।