କନକ ବ୍ୟୁରୋ: ପଦ୍ମପୁରରେ ଉପନିର୍ବାଚନରେ କଂଗ୍ରେସର ଲଜ୍ଜାଜନକ ପରାଜୟକୁ ନେଇ ପ୍ରତିକ୍ରିୟା ରଖିଛନ୍ତି ବିଧାୟକ ତାରା ବାହିନୀପତି । କଂଗ୍ରେସ ବାରମ୍ବାର ପରାଜୟ ବରଣ କରୁଛି । ଏହା ମୋ ପାଇଁ ପୁରା ଦଳ ପାଇଁ ଲଜ୍ଜାର ବିଷୟ । ପିସିସି ସଭାପତି ଏ ବାବଦରେ ତର୍ଜମା କରିବା ଦରକାର । ଯଥାଶୀଘ୍ର ମିଟିଙ୍ଗ ଡକାଇବା ଦରକାର । ନିଜକୁ ମଧ୍ୟ ତର୍ଜମା କରିବା ଦରକାର । ଦୁଇଟି ଉପନିର୍ବାଚନରେ କାହିଁକି ହାରିଲା କଂଗ୍ରେସ ତାର ତଜର୍ମା କରିବା ଦରକାର । ନହେଲେ କଂଗ୍ରେସ ଲୋପ ପାଇଯିବ ବୋଲି କହିଛନ୍ତି ତାରା ପ୍ରସାଦ ବାହିନୀପତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ପଦ୍ମପୁର ଉପନିର୍ବାଚନ ଜିତି ବିଜେଡି ଧାମନଗର ପରାଜୟର ପ୍ରତିଶୋଧ ନେଇଛି ଏବଂ ଏହି ବିଜୟ ୨୦୨୪ ପାଇଁ ଦଳର ମନୋବଳ ବଢ଼ାଇବ ବୋଲି କହିଛନ୍ତି ଦଳର ଉପସଭାପତି ଦେବୀ ମିଶ୍ର । ପଦ୍ମପୁରରେ ବିଜେଡିର ବୃହତ ବିଜୟର ଶ୍ରେୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦିଆଯିବ । ଏବେବି ନବୀନଙ୍କ ଭାବମୂର୍ତି ବଳବତର ରହିଛି । ନବୀନଙ୍କ ପାଇଁ ଭୋଟ୍ ପ୍ରତିଶତ ବଢ଼ୁଛି । କଂଗ୍ରେସ ଭୋଟ ବିଜେଡିକୁ ବିକି ହୋଇଥିବା ଉପରେ ଯବାବ ଦେଇଛନ୍ତି ଦେବୀ ମିଶ୍ର ଏବଂ ସମୀର ଦାସ । ସମୀର ଦାସ କହିଛନ୍ତି, ୨୦୧୪ରେ ପଦ୍ମୁପୁରରେ କଂଗ୍ରେସ ସହ ସାଲିସ କରି ଜିତିଥିଲା ବିଜେପି ।