ପ୍ରଧାନମନ୍ତ୍ରୀଙ୍କ ସୁରକ୍ଷା ପ୍ରସଙ୍ଗରେ ପଞ୍ଜାବ ମୁଖ୍ୟମନ୍ତ୍ରୀଙ୍କ ବିବାଦୀୟ ବୟାନ, ‘ପଞ୍ଜାବରେ ଘୃଣା ସୃଷ୍ଟି କରି ଉତ୍ତର ପ୍ରଦେଶ ନିର୍ବାଚନ ଜିତିବାକୁ ଚାହୁଁଛି ବିଜେପି’
କନକ ବ୍ୟୁରୋ : ପ୍ରଧାନମନ୍ତ୍ରୀଙ୍କ ସୁରକ୍ଷା ଢିଲା ପ୍ରସଙ୍ଗରେ ପଞ୍ଜାବ ମୁଖ୍ୟମନ୍ତ୍ରୀ ଚନ୍ନି କହିଛନ୍ତି କି ଏହି ମାମଲାରେ ପଞ୍ଜାବର କୌଣସି ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ନାହଁ ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ତାରିଖ ଘୋଷଣା ପରେ ରାଜ୍ୟରେ ଆଚାର ସଂହିତା ଲାଗିଛି, ଏନେଇ ପ୍ରଞ୍ଜାବ ମୁଖ୍ୟମନ୍ତ୍ରୀ ଚରଣଜିତସିଂ ଚନ୍ନି ଏକ ଇଣ୍ଟଭ୍ୟୁରେ କହିଛନ୍ତି କି , ପ୍ରଧାନମନ୍ତ୍ରୀଙ୍କ ଗସ୍ତବେଳେ ସୁରକ୍ଷା କଡାକଡି କରାଯାଇଥିଲା । ଏନେଇ କୃଷକଙ୍କ ଧାରଣାକୁ ଦୋଷ ଦିଆଯାଉଥିବା ବେଳେ କୌଣସି କୃଷକଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ବୋଲି ଚନ୍ନି ସ୍ପଷ୍ଟ କରିଛନ୍ତି । ସେ ଆହୁରି କହିଛନ୍ତି କି ଯଦି ପ୍ରଧାନମନ୍ତ୍ରୀଙ୍କୁ ୧୦ ମିନିଟ ଅପେକ୍ଷା କରିବାକୁ ପଡିଲା ତ କ’ଣ ହୋଇଗଲା ବୋଲି ସେ ପ୍ରଶ୍ନ କରିଛନ୍ତି । ଅନ୍ୟପଟେ କୌଣସି ପ୍ରଦର୍ଶନକାରୀ ପ୍ରଧାନମନ୍ତ୍ରୀଙ୍କ ନିକଟକୁ ଯାଇ ନାହାଁନ୍ତି କି ପ୍ରଧାନମନ୍ତ୍ରୀଙ୍କ ଜୀବନ ପ୍ରତି କୌଣସି ତରଫରୁ ବିପଦ ନଥିଲା ବୋଲି ଚନ୍ନି କହିଛନ୍ତି ।
ଅନ୍ୟପଟେ ମୁଖ୍ୟମନ୍ତ୍ରୀ କହିଛନ୍ତି କି ପ୍ରଧାନମନ୍ତ୍ରୀଙ୍କ ରାଲିକୁ କେବଳ ପଞ୍ଜାବୀ ହିସାବରେ କ୍ୟାପଟେନ ଅମରିନ୍ଦର ସିଂ ହିଁ ଯାଇଥିଲେ । ଅନ୍ୟ କୌଣସି ପଞ୍ଜାବୀ ସେହି ରାଲିରେ ଯୋଗ ଦେଇନଥିଲେ । ଏହି କାରଣରୁ ପଞ୍ଜାବ ସରକାରଙ୍କୁ ବଦନାମ କରିବାକତୁ ବିଜେପି ପକ୍ଷରୁ ଏଭଳି ଷଡଯନ୍ତ୍ର କରାଯାଇଛି । ସେ ଆହୁରି କହିଛନ୍ତି କି ପ୍ରଧାନମନ୍ତ୍ରୀଙ୍କ ସଭାରେ ୭୦ ହଜାର ଚେୟାର ପଡିଥିଲା ମାତ୍ର ସଭା ସ୍ଥଳକୁ ୭୦୦ ଲୋକ ବି ଆସି ନଥିଲେ । ଏହି କାରଣରୁ ପ୍ରଧାନମନ୍ତ୍ରୀ ରାଲିକୁ ଯାଇ ନଥିଲେ । ଉତ୍ତର ପ୍ରଦେଶରେ ନିର୍ବାଚନ ଜିତିବାକୁ ପଞ୍ଜାବରେ ଘୃଣା ସୃଷ୍ଟି କରାଯାଉଛି ବୋଲି ବିଜେପି ଉପରେ ଅଭିଯୋଗ କରିଛନ୍ତି ମୁଖ୍ୟମନ୍ତ୍ରୀ ଚନ୍ନି । ଚନ୍ନି ଆହୁରି କହିଛନ୍ତି କି ସେ ମୁଖ୍ୟମନ୍ତ୍ରୀ ହେବାର ୧୧୧ ଦିନ ମଧ୍ୟରେ ୧୧୦୦ କାମ କରିଛନ୍ତି । ଲୋକଙ୍କ ସମସ୍ୟା ଦୂର ହେଉଛି । ଅନ୍ୟପଟେ କିଏ ହେବ ମୁଖ୍ୟମନ୍ତ୍ରୀ ଚେହେରା ନେଇ ପଚରା ଯାଇଥିବା ପ୍ରଶ୍ନର ଉତ୍ତର ଦେଇ ଚନ୍ନି କହିଛନ୍ତି ଦଳର ହାଇକମାଣ୍ଡଙ୍କ ନିଷ୍ପତ୍ତିକୁ ସେ ମାନିବେ ।