ଶାସକ ଦଳକୁ ସୁପ୍ରିମକୋର୍ଟର ମୁଖ୍ୟ ବିଚାରପତିଙ୍କ କଟାକ୍ଷ । ‘ସେମାନେ ଚାହୁଁଛନ୍ତି ନ୍ନ୍ୟାୟପାଳିକା ସେମାନଙ୍କ ଏଜେଣ୍ଡାକୁ ସମର୍ଥନ କରୁ’
କନକ ବ୍ୟୁରୋ : ଭାରତର ମୁଖ୍ୟ ବିଚାରପତି ଏନ ଭି ରମନ୍ନା ଲୋକତନ୍ତ୍ରରେ ନ୍ୟାୟପାଳିକାର ଭୂମିକାକୁ ନେଇ ନିଜର ମତ ରଖିଛନ୍ତି । ସେ କହିଛନ୍ତି ଭାରତରେ ଥିବା ରାଜନୈତିକ ଦଳମାନଙ୍କର ଏକ ଭୁଲ ଧାରଣା ରହିଛି କି ନ୍ୟାୟ ପାଳିକା ସେମାନଙ୍କ କାର୍ଯ୍ୟକୁ ସମର୍ଥନ କରିବା ଦରକାର । ସେ କହିଛନ୍ତି କି ଲୋକତନ୍ତ୍ରରେ ନ୍ୟାୟପାଳିକା ଏକ ସ୍ୱତନ୍ତ୍ର ଅଙ୍ଗ ଜିଏ କି କେବଳ ସମ୍ବିଧାନ ପ୍ରତି ଜବାବଦେହୀ । ନ୍ୟାୟ ପାଳିକା କେବେ ବି କୌଣସି ରାଜନୈତିକ ଦଳ କିମ୍ବା କୌଣସି ବିଚାରଧାରା ପ୍ରତି ଜବାବଦେହୀ ନୁହେଁ ବୋଲି ସେ ସ୍ପଷ୍ଟ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି କହିଛନ୍ତି କି ରାଜନୈତିକ ଦଳମାନଙ୍କ ମଧ୍ୟରେ ଏବେ ବି ଗୋଟିଏ ଭୁଲ ଧାରଣା ରହିଛି ନ୍ୟାୟପାଳିକା ରାଜନୈତିକ ଏଜେଣ୍ଡାକୁ ପ୍ରୋତ୍ସାହିତ କରିବା ଆବଶ୍ୟକ । ମୁଖ୍ୟ ବିଚାରପତି ଆମେରିକାର କାର୍ଲିଫର୍ଣ୍ଣିଆରେ ଆୟୋଜିତ ଏକ କାର୍ଯ୍ୟକ୍ରମରେ ଏଭଳି ବିବୃତ୍ତି ଦେଇଛନ୍ତି ।
ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ବିଚାରପତି ରମନ୍ନା କହିଛନ୍ତି କି, ଭାରତ ବର୍ଷ ଚଳିତ ବର୍ଷ ସ୍ୱାଧୀନତାର ୭୫ ବର୍ଷ ପାଳନ କରୁଛି । ଏହାସହ ସେ ଅବଶୋଷର ସହ କହିଛନ୍ତି କି ଦେଶରେ ପ୍ରତିଟି ସଂସ୍ଥାନକୁ ସମ୍ବିଧାନ ଦ୍ୱାରା ଦିଆଯାଇଥିବା ଭୂମିକା ଓ ଦାୟୀତ୍ୱ ବାବଦରେ ଏବେ ବି ସେମାନେ ଅଜ୍ଞ ଅଛନ୍ତି ବା ସେମାନେ ଜାଣିଶୁଣି ତାହା ପାଳନ କରିବାକୁ ଚାହୁଁ ନାହାଁନ୍ତି ।
ସେ ଆହୁରି କହିଛନ୍ତି କି, ଏଭଳି ଚିନ୍ତାଧାରା ସମ୍ବିଧାନ ଓ ଗଣତନ୍ତ୍ରର ବୁଝାମଣାରୁ ଉତ୍ପନ ହୋଇଛି । ସାଧାରଣ ଜନତାଙ୍କ ମଧ୍ୟରେ ପ୍ରଚାରିତ ଅଜ୍ଞତା ହିଁ ଏପରି ଶକ୍ତିର ସାହାଯ୍ୟରେ ଆସୁଛି । ଯାହାର ଏକମାତ୍ର ଲକ୍ଷ୍ୟ ହେଉଛି ଏକମାତ୍ର ସ୍ୱାଧୀନ ଅଙ୍ଗ ନ୍ୟାୟପାଳିକାକୁ ହଟାଇଦେବା । ଜଷ୍ଟିସ ଏନଭି ରମନ୍ନା କହିଛନ୍ତି କି କେବଳ ନ୍ୟାୟପାଳିକା ହେଉଛି ସମ୍ବିଧାନ ନିକଟରେ ଉତ୍ତରଦାୟୀ । ଆମକୁ ଭାରତର ସାମ୍ବିଧାନିକ ସଂସ୍କୃତିକୁ ପ୍ରୋତ୍ସାହିତ କରିବା ଆବଶ୍ୟକ ।