କନକ ବ୍ୟୁରୋ: ସାରା ଦେଶରେ ଦ୍ରୁତ ଗତିରେ ହ୍ରାସ ପାଉଛି ଭୂତଳ ଜଳ ସ୍ତର । ଏହାକୁ ଦୃଷ୍ଟିରେ ରଖି ଭୂତଳ ଜଳ ବ୍ୟବହାର ଉପରେ କଟକଣା ଲଗାଇଛନ୍ତି କେନ୍ଦ୍ର ସରକାର । ଏଣିକି ଭାରତ ସରକାରଙ୍କ ଜଳଶକ୍ତି ମନ୍ତ୍ରାଳୟ ଅଧିନରେ ଥିବା କେନ୍ଦ୍ରୀୟ ଭୂତଳ ଜଳ କର୍ତ୍ତୃପକ୍ଷ- ‘ସିଜିଡବ୍ଲୁଏ’ର ବିନା ଅନୁମତିରେ ବ୍ୟବହାର କରିହେବନି ଭୂତଳ ଜଳ । ଏନେଇ ବିଭାଗ ପକ୍ଷରୁ ଖବରକାଗଜରେ ବିଜ୍ଞପ୍ତି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆପାର୍ଟମେଣ୍ଟ, ହାଉସିଂ ସୋସାଇଟି, ସହରାଞ୍ଚଳରେ ସରକାରଙ୍କ ଜଳ ଯୋଗାଣ ବ୍ୟବସ୍ଥା, ବହୁ ପରିମାଣରେ ପାଣି ଯୋଗାଣ, ଶିଳ୍ପ ସଂସ୍ଥା, ଭିତିଭୂମି ସଂସ୍ଥା, ଖଣି ପ୍ରକଳ୍ପ ପାଇଁ ଭୂତଳ ଜଳ ଯୋଗାଣ କ୍ଷେତ୍ରରେ ଏହି କଟକଣା ଲଗାଯାଇଛି । ଏପରିକି ସୁଇମିଂ ପୁଲ କରିବା ପାଇଁ ଭୂତଳ ଜଳ ବ୍ୟବହାର କରିବାକୁ ଚାହୁଁଥିଲେ ମଧ୍ୟ ସିଜିଡବ୍ଲୁଏର ଅନୁମତି ନେବାକୁ ପଡିବ । ଏଥିପାଇଁ ୧୦ହଜାର ଟଙ୍କାର ପଞ୍ଜୀକରଣ ଫି ଦାଖଲ କରିବାକୁ କୁହାଯାଇଛି । ଏପରିକି ସିଜିଡବ୍ଲୁଏର ଅନୁମତି ନନେଇ ଭୂତଳ ଜଳ ବ୍ୟବହାର କରୁଥିଲେ କଡା କାର୍ଯ୍ୟାନୁଷ୍ଠାନ ହେବ ବୋଲି ଏହି ବିଜ୍ଞପ୍ତିରେ କୁହାଯାଇଛି ।
ତଳକୁ ଖସୁଛି ଭୂତଳ ଜଳସ୍ତର
- ରାଜ୍ୟର ୪୬ ବ୍ଲକରେ ଉତ୍କଟ ହେଉଛି ସ୍ଥିତି
- ୬ଟି ବ୍ଳକରେ ସ୍ଥିତି ସାଂଘାତିକ
- ବାଲିଆପାଳ, କୋରେଇ ଓ ଗରଦପୁରରେ ସ୍ଥିତି ସାଂଘାତିକ
- ଭୁବନେଶ୍ୱର, ବୋଲଗଡ଼ ଓ ନୂଆପଡ଼ା ବ୍ଳକର ଅବସ୍ଥା ସଂଗୀନ
- ଦ୍ରୁତବେଗରେ ଖସିଚାଲିଛି ଭୂତଳ ଜଳ ସ୍ତର
- ଆଗକୁ ପିଇବା ପାଇଁ ପାଣି ମିଳିବା ବି ହୋଇଯିବ କଷ୍ଟକର
- ବାଲିଆପାଳରେ ୮୬ ପ୍ରତିଶତ ଭୂତଳ ଜଳ ଖର୍ଚ୍ଚ ହେଉଛି
- ଜଳସେଚନ, କାରଖାନା ଓ ଘରୋଇ ବ୍ୟବହାର ପାଇଁ ହେଉଛି ଖର୍ଚ୍ଚ
- କୋରେଇରେ ବି ୮୬ ପ୍ରତିଶତ ଭୂତଳ ଜଳ କଢ଼ା ଯାଉଛି
- ଗରଦପୁର ବ୍ଳକରେ ୭୪ ପ୍ରତିଶତ ଭୂତଳ ଜଳ ବ୍ୟବହାର ହେଉଛି
- ଭୁବନେଶ୍ୱର ଓ ବୋଲଗଡ଼ ବ୍ଲକରେ ମାଟି ତଳୁ ୮୦ ପ୍ରତିଶତ ପାଣି କଢ଼ା ଯାଉଛି
- ନୂଆପଡ଼ାରେ ୭୫ ପ୍ରତିଶତ ଜଳ ଖର୍ଚ୍ଚ ହେଉଛି
- ରାଜ୍ୟର ୬ଟି ବ୍ଳକରେ ଭୂତଳ ଜଳ ସ୍ଥିତି ସଂକଟଜନକ ରହିଛି
- ୪୬ଟି ବ୍ଲକରେ ବିପଦ ଆଡକୁ ମୁହାଁଉଛି
- ଏହିସବୁ ବ୍ଳକରେ ୬୦ରୁ ୭୦ ପ୍ରତିଶତ ଭୂତଳ ଜଳ ବ୍ୟବହାର ହେଉଛି