ଏୟାର ଓଡ଼ିଶାକୁ ବିମାନଚଳାଚଳ ମନ୍ତ୍ରାଳୟର କାରଣ ଦର୍ଶାଅ ନୋଟିସ୍ ! ଝାରସୁଗୁଡ଼ାକୁ ବିମାନ ଉଡାଣ ନେଇ ଜବାବ୍ ମାଗିଲା ମନ୍ତ୍ରାଳୟ ।
କନକ ବ୍ୟୁରୋ : ଝାରସୁଗୁଡା ବିମାନବନ୍ଦର କାର୍ଯ୍ୟକ୍ଷମ ହୋଇଥିବା ବେଳେ ଦୀର୍ଘ ଦିନ ହେଲା ଏଠାରୁ କୌଣସି ବିମାନ ଉଡାଣ କରୁ ନାହିଁ । ଏହାକୁ ନେଇ ସ୍ଥାନୀୟ ବିଧାୟକ ନବ ଦାସ ଅନଶନରେ ବସିଥିବା ବେଳେ ଏହି ଘଟଣାରେ ନୂଆ ମୋଡ ଆସିଛି । ଆଜି ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଏଠାରୁ ଉଡାଣ କରୁଥିବା ଏୟାର ଓଡିଶାକୁ କାରଣ ଦର୍ଶାଅ ନୋଟିସ୍ କରାଯାଇଛି । ବୈଷୟିକ ସମସ୍ୟା ଦର୍ଶାଇ ଝାରସୁଗୁଡାରୁ ବିମାନ ଉଡାଣ ବନ୍ଦ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଉଡାଣ ଯୋଜନାରେ ଏୟାର ଓଡିଶାକୁ ଏଠାରୁ ଉଡାଣ ପାଇଁ ଅନୁମତି ଥିବା ବେଳେ କାହିଁକି ବିମାନ ଉଡାଣ କରୁ ନାହିଁ ଜଣାଇବାକୁ ମନ୍ତ୍ରାଳୟ କାରଣ ଦର୍ଶାଅ ନୋଟିସ ଜାରି କରିଛି । ଧାର୍ଯ୍ୟ ଦିନ ମଧ୍ୟରେ ସନ୍ତୋଷଜନକ ଉତ୍ତର ନମିଳିଲେ ଏହି କମ୍ପାନୀର ଉଡାଣ ଅନୁମତି ବାତିଲ କରାଯିବ ବୋଲି ଚେତାଇ ଦେଇଛି ବେସାମରିକ ବିମାନ ଚଳାଚଳ ମନ୍ତ୍ରାଳୟ । ଏହା ଛଡା ଯୋଗ୍ୟ କମ୍ପାନୀଙ୍କୁ ଉଡାଣ ପାଇଁ ଅନୁମତି ଦିଆଯିବ ବୋଲି ମନ୍ତ୍ରାଳୟ ଟ୍ୱିଟ୍ କରିଛି । ଉଡାଣ ବନ୍ଦ ହେବାରୁ ସଂପୂର୍ଣ୍ଣ ବିମାନ ବନ୍ଦର ମାନ୍ୟତା ନେଇ ଦ୍ୱନ୍ଦ୍ୱ ସୃଷ୍ଟି ହୋଇଥିଲା । ତେବେ ଝାରସୁଗୁଡା ଏକ ପୂର୍ଣ୍ଣ କାର୍ଯ୍ୟକ୍ଷମ ବିମାନ ବନ୍ଦର ବୋଲି ପୁଣି ଥରେ ସ୍ପଷ୍ଟ କରି ଦେଇଛି ମନ୍ତ୍ରାଳୟ । ଫଳରେ ଖଣ୍ଡି ଉଡା ମାରୁଥିବା ଏୟାର ଓଡିଶା ପକ୍ଷଛେଦନ ହେବା ସମ୍ଭାବନା ସୃଷ୍ଟି ହୋଇଛି ।