କନକ ବ୍ୟୁରୋ : ଥମୁନି କୁନ୍ଦୁଲି ନିଆଁ । କୁନ୍ଦୁଲି ଗଣଦୁଷ୍କର୍ମ ପୀଡିତାଙ୍କ ମୃତ୍ୟୁ ଘଟଣାର ସରଜମିନ ତଦନ୍ତ କରିବେ ବିଜେପିର କେନ୍ଦ୍ରୀୟ ଟିମ୍ । ଆଜି ଦିଲ୍ଲୀରୁ ଓଡିଶା ଆସିଛନ୍ତି ୩ ଜଣିଆ ବିଜେପିର କେନ୍ଦ୍ରୀୟ ଟିମ୍ । ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ନିର୍ଦ୍ଦେଶରେ ଏହି ତିନି ଜଣିଆ କମିଟି ଆସିଛି । ଆଜି ଭୁବନେଶ୍ୱରରେ ପହଂଚିଂଛନ୍ତି ଏହି ଟିମ୍ । ସେମାନେ କୋରାପୁଟ ଗସ୍ତ କରିବେ । କୁନ୍ଦୁଲିକୁ ଯାଇ ପୀଡିତାଙ୍କ ପରିବାରକୁ ଭେଟି ଘଟଣା ସମ୍ପର୍କରେ ଆଲୋଚନା କରିବ । କୁନ୍ଦୁଲିରୁ ଫେରିବା ପରେ ଏହି ପ୍ରତିନିଦି ଦଳ ଭୁବନେଶ୍ୱରରେ ସାମ୍ବାଦିକ ସମ୍ମିଳନୀ କରିବେ । ଏହି ପ୍ରତିନିଧି ଦଳରେ କେନ୍ଦ୍ରୀୟ ନେତ୍ରୀ ସରୋଜ ପାଣ୍ଡେ, ଜ୍ୟୋତି ଧ୍ରୁବେ ଓ ଅଂଜୁବାଲା ଅଛନ୍ତି । ସେମାନଙ୍କ ସହ ଓଡିଶା ବିଜେପିର ଏକ ପ୍ରତିନିଧି ଦଳ ମଧ୍ୟ କୁନ୍ଦୁଲି ଗସ୍ତ କରିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୁଇ ଦିନପୂର୍ବରୁ କୁନ୍ଦୁଲି ପୀଡିତାଙ୍କ ମୃତ୍ୟୁ ପ୍ରସଙ୍ଗରେ ମହିଳା କମିଶନଙ୍କ ନୀରବତାକୁ ନେଇ ତାତିଥିଲା ବିଜେପି ମହିଳା ମୋର୍ଚ୍ଚା । କୁନ୍ଦୁଲି ଘଟଣାର ତଦନ୍ତ ରିପୋର୍ଟ ଦାବି କରି ମହିଳା କମିଶନଙ୍କ କାର୍ୟ୍ୟାଳୟରେ ଧଶେଇ ପଶିଥିଲେ ବିଜେପି ମହିଳା ମୋର୍ଚ୍ଚା ସଦସ୍ୟ । ଅଫିସ ଭିତରେ ଭଙ୍ଗାରୁଜା କରିବା ସହ ଦୁଆର ମୁହଁରେ ଚୁଡି ହାର କରି ଟାଙ୍ଗିଥିଲେ । ମହିଳା କମିଶନ ମଧ୍ୟ ମୁଖ୍ୟମନ୍ତ୍ରୀଙ୍କ ଗାଦି ବଞ୍ଚାଇବାରେ ସହାୟତା କରୁଛନ୍ତି ବୋଲି ବିଜେପି ଅଭିଯୋଗ ଆଣିଥିଲା ।