ଭୁବନେଶ୍ୱର : ସିସିଟିଭିରେ କଏଦ୍ ହେଲା ଏଟିଏମ୍ ରୁମରୁ ଲୁଟର ଲାଇଭ୍ ଭିଜୁଆଲ୍
କନକ ବ୍ୟୁରୋ : ସିସିଟିଭିରେ କଏଦ୍ ହେଲା ଏଟିଏମ୍ ରୁମରୁ ଲୁଟର ଲାଇଭ୍ ଭିଜୁଆଲ । ରାଜମହଲସ୍ଥିତ ଷ୍ଟେଟ୍ ବ୍ୟାଙ୍କ ମୁଖ୍ୟ ଶାଖା ଏଟିଏମରେ ଥିବା ସିସିଟିଭିରେ କଏଦ୍ ହୋଇଛି ଏହି ଚିତ୍ର । ଦୃଶ୍ୟକୁ ଦେଖିଲେ ସ୍ପଷ୍ଟ ଭାବରେ ଜଣା ପଡୁଛି କଥା କହିବା ଛଳରେ ଲୁଟ କରୁଛି ଲୁଟେରା । ଏଟିଏମରେ ଥିବା ଟଙ୍କା ଜମା ମେସିନରେ ଜମା କରିବାକୁ ଯାଇଥିବା ଝାରପଡା ଅଂଚଳର ସତ୍ୟନାରାୟଣ ପାତ୍ରଙ୍କଠାରୁ ଲକ୍ଷେ ଟଙ୍କା ଲୁଟି ନେଇଛନ୍ତି ଏହି ଲୁଟେରା ।
Kanak News is now on WhatsApp
Join and get latest news updates delivered to you via WhatsApp
ସତ୍ୟନାରାୟଣଙ୍କ କହିବା ଅନୁସାରେ ରବିବାର ହୋଇଥିବାରୁ ସେଦିନ ବ୍ୟାଙ୍କ ଛୁଟି ଥିଲା, ତେଣୁ ସେ ଏଟିଏମ ଜମା ମେସିନରେ ଟଙ୍କା ଜମା କରିବାକୁ ଆସିଥିଲେ । ସେ ଅଢ଼େଇ ଲକ୍ଷ ଟଙ୍କା ଜମା କରିବାକୁ ଆଣିଥିଲେ ଏବଂ ତାଙ୍କ ସାଥିରେ ତାଙ୍କ ନାତିନାତୁଣି ଆସିଥିଲେ । ଦେଢ଼ ଲକ୍ଷ ଟଙ୍କା ଜମା ମଧ୍ୟ କରିସାରିଥିଲେ । ଏହି ସମୟରେ ଲୁଟେରା ଜଣକ ତାଙ୍କ ନାତିଙ୍କ ସହ କଥା ହେବା ବାହାନା କରି ଏଟିଏମ ଭିତରକୁ ଆସିଥିଲେ । ଏବଂ ଅତି ଚତୁରତାର ସହ ଅବଶିଷ୍ଟ ଲକ୍ଷେ ଟଙ୍କା ନେଇ ଚମ୍ପଟ ମାରିଥିଲେ । ସତ୍ୟନାରାୟଣ ଏନେଇ କ୍ୟାପିଟାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୁଲିସ ସିସିଟିଭ୍ ଫୁଟେଜକୁ ଯାଂଚ କରବା ପରେ ଏହି ଦୃଶ୍ୟ ସାମନାକୁ ଆସିଛି । ଅଭିଯୁକ୍ତକୁ ଧରିବା ପାଇଁ ପୁଲିସ୍ ତନାଘନା ଚଳାଇଛି ।