ସୁସ୍ଥ ରହିବା ପାଇଁ ସଚେତନତା! ଜୁନ ୨୧ରେ ସମସ୍ତ ସିବିଏସଇ ସ୍କୁଲରେ ହେବ ଯୋଗ ପ୍ରଶିକ୍ଷଣ, ଏନେଇ ସିବିଏସଇ ପକ୍ଷରୁ ଜାରି ହେଲା ସୂଚନା
କନକ ବ୍ୟୁରୋ : ଆସନ୍ତା ଜୁନ୍ ୨୧ ତାରିଖରେ ପାଳନ ହେବ ଆନ୍ତର୍ଜାତିକ ଯୋଗ ଦିବସ । ବ୍ୟାୟାମ କରିବା ସହ ଶରୀର ପ୍ରତି ଲୋକମାନେ କିଭଳି ସଚେତନ ରହିବେ ସେନେଇ ସବିଏସଇ ସ୍କୁଲ ମାନଙ୍କରେ ବଣ୍ଟାଯିବ ସଚେତନତା ବାର୍ତ୍ତା । ଏବଂ କେବଳ ସଚେତନତା ନୁହେଁ ବରଂ ଯୋଗ ପ୍ରଶିକ୍ଷଣର ଭିଡିଓ ମଧ୍ୟ ସିବିଏସଇ ମୁଖ୍ୟାଳୟକୁ ପଠାଇବା ପାଇଁ ନିର୍ଦ୍ଦେଶ । ଏହାକୁ ନେଇ ସବିଏସଇର କ୍ରୀଡା ବିଭାଗ ମୁଖ୍ୟ ଅଧିକାରୀ ମନଜୀତ ସିଂ ସୁଚନା ଦେଇଛନ୍ତି । କେନ୍ଦ୍ର ଆୟୁଷ ମନ୍ତ୍ରଣାଳୟ ସହାୟତାରେ ଆସନ୍ତା ଜୁନ୍ ୨୧ ତାରିଖ ଦିନ ସିବିଏସଇ ଦ୍ୱାରା ପଂଜୀକୃତ ହୋଇଥିବା ସମସ୍ତ ସ୍କୁଲ ଏହି ନିର୍ଦ୍ଦେଶକୁ ପାଳନ କରିବେ ବୋଲି ସୁଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅନେକ ସମୟରେ ଲୋକମାନଙ୍କ ସ୍ୱାସ୍ଥ୍ୟକୁ ନେଇ ଡାକ୍ଟରମାନେ ମଧ୍ୟ ପ୍ରତିଦିନ ସକାଳୁ ବ୍ୟାୟାମ କରିବା ପାଇଁ ପରାମର୍ଶ ଦେଇଥାନ୍ତି । ହେଲେ ବର୍ତ୍ତମାନ ଟ୍ରେଣ୍ଡରେ ଲୋମାନେ ବ୍ୟସ୍ତବହୁଳ ଜୀବନ ଅତିବାହିତ କରୁଥିବା ଯୋଗୁଁ ଯୋଗ କରିବା ସମ୍ଭବ ହେଉ ନଥିବା ରିସର୍ଚ୍ଚରୁ ଜଣାପଡିଛି । କିନ୍ତୁ ଯୋଗ ଦିବସ ଆସିଲେ ଏହାକୁ ଦେଶ ଓ ବିଦେଶରେ ପାଳନ କରି ସୋସିଆଲ ମିଡିଆରେ ଭିଡିଓ, ଫଟୋକୁ ଅପଲୋଡ କରିଥାନ୍ତି ଅନେକ ଲୋକ । ତେବେ କେବଳ ଯୋଗ ଦିବସ କାହିଁକି, ପ୍ରତିଦିନ ଯୋଗକୁ ନିଜ କାର୍ଯ୍ୟ ତାଲିକାରେ ସାମିଲ କରି ସୁସ୍ଥ ରହିବା ପାଇଁ ବାର୍ତ୍ତା ଦେବା ପାଇଁ କେନ୍ଦ୍ର ସରକାରଙ୍କ ପ୍ରୟାସ ।
ତେବେ ୟୁନାଟାଇଡ ନେସନ ୨୦୧୫ ଠାରୁ ଜୁନ୍ ୨୧କୁ ଆନ୍ତର୍ଜାତିକ ଯୋଗ ଦିବସ ଭାବେ ପାଳନ କରିବା ପାଇଁ ନିର୍ଦ୍ଦେଶ ଦେଇଥିଲେ । ବିଗତ ୩ ବର୍ଷ ହେବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଯୋଗ ଦିବସରେ ଲୋକମାନଙ୍କୁ ସଚେତନ କରାଇବା ପାଇଁ ବ୍ୟାୟାମ କରିବା ପାଇଁ ଉତ୍ସାହିତ କରିଥାନ୍ତି । ଗତ କିଛି ଦିନ ତଳେ ମଧ୍ୟ ମୋଦିଙ୍କ ଯୋଗ ଭିଡିଓ ଏବଂ ଫଟୋ ମଧ୍ୟ ସୋସିଆଲ ମିଡିଆରେ ବେଶ ଚର୍ଚ୍ଚାରେ ରହିଛି । ସେହିପରି କେନ୍ଦ୍ର କ୍ରୀଡାମନ୍ତ୍ରୀ ରାଜ୍ୟବର୍ଦ୍ଧନ ସିଂ ରାଠୋରଙ୍କ ଫିଟନେସ ଚ୍ୟାଲେଞ୍ଜକୁ ମଧ୍ୟ ବେଶ ପ୍ରୋତ୍ସାହନ ମିଳିଥିବା ଦେଖିବାକୁ ମିଳିଛି । ଯୋଗ ଦ୍ୱାରା ଲୋକମାନେ ସୁସ୍ଥ ରହିବା ସହ ଶାରୀରିକ ଏବଂ ମାନସିକ ଭାବେ ମଧ୍ୟ ସୁସ୍ଥ ରହିବେ ବୋଲି ଅନେକ ସମୟରେ ସଚେତନତା କରାଯାଇଛି । କିନ୍ତୁ ସିବିଏସଇ ସ୍କୁଲ ମାନଙ୍କରେ ମଧ୍ୟ ପିଲାମାନେ ଚଳିତ ବର୍ଷ ଯୋଗ ଭିଡିଓ କରି ଦେଶବାସୀଙ୍କୁ ସଚେତନ କରାଇବେ ।