କନକ ବ୍ୟୁରୋ : ସିବିଆଇ ଦାଖଲ କରିଛି ସିସୋର ଚିଟଫଣ୍ଡ ଠକେଇ ମାମଲାର ଦ୍ୱିତୀୟ ଚାର୍ଜସିଟ୍ । ବିଜେଡି ବିଧାୟକ ପ୍ରଭାତ ବିଶ୍ୱାଳ, ତାଙ୍କ ପତ୍ନୀ ଲକ୍ଷ୍ମୀ ବିଳାଶିନି ବିଶ୍ୱାଳ, ଅବସରପ୍ରାପ୍ତ ଓଏଏସ୍ ଅଫିସର ପ୍ରଦୀପ ହୋତା, ପତ୍ନୀ ପ୍ରତିମା ହୋତା ଓ ସିସୋର ଚିଟଫଣ୍ଡ ଖଳନାୟକ ପ୍ରଶାନ୍ତ ଦାଶଙ୍କ ବିରୋଧରେ ଚାର୍ଜସିଟ ଦାଖଲ ହୋଇଛି । ପ୍ରଶାନ୍ତ ଦାଶ, ପ୍ରଭାତ ଓ ତାଙ୍କ ପତ୍ନୀଙ୍କ ଭିତରେ ଜମି କିଣାବିକା କାରବାରରେ ମୋଟ୍ ୨୫ ଲକ୍ଷର ଘୋଟାଲା କଥା ଉଲ୍ଲେଖ କରିଛି ସିବିଆଇ । ବିଧାୟକ, ସିସୋର ସଂସ୍ଥାକୁ ସୁରକ୍ଷା ଯୋଗାଇ ଦେବା ସହ, ଅନୁକମ୍ପା ଦେଖାଇଥିଲେ । ଏପରିକି ବ୍ୟାବସାୟ ପାଇଁ ବାଟ କଢାଇଥିବା ମଧ୍ୟ ଚାର୍ଜସିଟରେ ଉଲ୍ଲେଖ ରହିଥିବା ସୂତ୍ରରୁ ଜଣା ପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆପିକଲର ସିଏମଡି ଥିବାବେଳେ ଓଏଏସ୍ ଅଫିସର ପ୍ରଦୀପ ହୋତା ସିସୋର ଭଳି ଏକ ଠକ ସଂସ୍ଥାକୁ ଅନୁକମ୍ପା ଦେଖାଇଥିବା ଚାର୍ଜସିଟରେ ଉଲ୍ଲେଖ ରହିଛି । ସିସୋର କୃଷି ପ୍ରକଳ୍ପକୁ ଅନୁକମ୍ପା ଦେଖାଇ ଉଭୟ ପ୍ରଦୀପ ହୋତା ଓ ତାଙ୍କ ପତ୍ନୀ ପାଖାପାଖି ୨୦ ଲକ୍ଷ ଟଙ୍କାର ଆର୍ଥିକ ସହାୟତା ପାଇଥିବା ଅଭିଯୋଗ ଥିଲା ।
ସିସୋର ଭଳି ଏକ ଠକ ସଂସ୍ଥାରୁ ଲାଭବାନ ହୋଇଥିବା ଅଭିଯୋଗରେ ସିବିଆଇ ବିଧାୟକଙ୍କୁ ହାତକଡି ପିନ୍ଧାଇଥିଲା । ଆଉ ଏବେ ଚାର୍ଜସିଟ, ବିଧାୟକଙ୍କ ଜାମିନ ପାଇବା ଦିଗରେ ବଡ ପ୍ରତିବନ୍ଧକ ହେବା ସହ ତାଙ୍କ ପତ୍ନୀଙ୍କ ପାଇଁ ଅଡୁଆ ବଢାଇଛି ।