ପୁଣି ବାଜି ମାରିଲେ ମୁକେଶ ଅମ୍ବାନୀ : ୫୦ଅରବ ଡଲାର ଟପିଲା ସମ୍ପତି
ପୁଣି ବାଜି ବାଜି ମାରିଲେ ମୁକେଶ ଅମ୍ବାନୀ । ଦେଶର ସବୁଠାରୁ ଧନଶାଳୀ ବ୍ୟବସାୟୀ ହେଉଛନ୍ତି ରିଲାଏନ୍ସ ଇଣ୍ଡଷ୍ଟ୍ରିର ମାଲିକ ମୁକେଶ ଅମ୍ବାନୀ । ବ୍ଲୁମବର୍ଗ ବିଲିୟନେୟର ଇଣ୍ଡେକ୍ସ ପକ୍ଷରୁ ଧନୀ ବ୍ୟବସାୟୀଙ୍କ ତାଲିକା ପ୍ରକାଶ ପାଇଛି । ଯେଉଁଥିରେ ମୁକେଶ ଅମ୍ବାନୀ ୧୧ତମ ସ୍ଥାନରେ ରହିଛନ୍ତି । ତେବେ ଖୁବ୍ ଶୀଘ୍ର ୧୦ମ ସ୍ଥାନରେ ମୁକେଶ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି । ଘରୋଇ ସେୟାର ବଜାରରେ ରିଲାଏନ୍ସ ଇଣ୍ଡଷ୍ଟ୍ରିର ସେୟାର ବୃଦ୍ଧି ପାଇବାରେ ଲାଗିଛି । ଯାହାର ଫାଇଦା ମୁକେଶ ଅମ୍ବାନୀଙ୍କୁ ମିଳିଛି । ବର୍ତମାନ ତାଙ୍କର ସମ୍ପତି ସାଢେ ୩ଲକ୍ଷ କୋଟିରୁ ଅଧିକ ବା ୫୦ ଅରବ ଡଲାରରୁ ଅଧିକ ରହିଛି । ଅମ୍ବାନୀ ଆମେରିକୀୟ ବ୍ୟବସାୟୀ ଓରକେଲ କରପୋରେସନ ମୁଖ୍ୟ ଲେରୀ ଏଲିସନଙ୍କ ଠାରୁ ମାତ୍ର କେଇ ପାଦରେ ପଛରେ ଅଛନ୍ତି । ଲିଷ୍ଟରେ ମୁକେଶ ଅମ୍ବାନୀ ୱାଲମାର୍ଟ ମୁଖ୍ୟ ଜିମ୍ ୱାଲଟନ୍, ରୋବ ୱାଲଟନ୍ ଓ ଏଲିଶ ୱାଲଟନଙ୍କୁ ପଛରେ ପକାଇଦେଇଛନ୍ତି । ପ୍ରକାଶିତ ତାଲିକାରେ ୧୨ତମ ସ୍ଥାନରେ ରହିଛନ୍ତି ଫ୍ରାନ୍ସର ବ୍ୟବସାୟୀ ଫ୍ରାନ୍ସୁଆ ବେଟନକୋର୍ଟ ମେୟର୍ସ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ କିଛି ମାସ ପୂର୍ବରୁ ଖବର ଆସିଥିଲା ଦେଶକୁ ୨୦ ଦିନ ଯାଏଁ ଚଲାଇବାକୁ ସମର୍ଥ ମୁକେଶ ଅମ୍ବାନୀ । ଯଦି ଭବିଷ୍ୟତରେ କୌଣସି ଦେଶର ସରକାରଙ୍କୁ ଅର୍ଥ ସଙ୍କଟ ପଡେ, ତେବେ ଏଭଳି ପରିସ୍ଥିତି ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ନିଜ ଟଙ୍କାରେ ଦେଶକୁ ୨୦ ଦିନ ପର୍ଯ୍ୟନ୍ତ ଚଳାଇପାରିବେ ବୋଲି ଶୁଣିବା ପାଇଁ ମିଳିଥିଲା ।