ଅନୁକମ୍ପା ଭୋଟ ଉପରେ ଦଳର ଆଖି । ବାପାଙ୍କ ପରେ ପୁଅକୁ ଟିକେଟ୍ । ତିର୍ତୋଲ ଆସନରେ ଦିଂବଗତ ନେତା ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ପ୍ରାର୍ଥୀ କଲା ବିଜେଡି । ବାଲେଶ୍ୱରରେ ବିଜେପିରୁ ଲଢ଼ୁଛନ୍ତି ମଦନ ମୋହନ ଦତ୍ତଙ୍କ ପୁଅ ମାନସ ଦତ୍ତ ।
କନକ ବ୍ୟୁରୋ : ଓଡ଼ିଶା ରାଜନୀତିରେ ପରିବାରବାଦ ଚର୍ଚ୍ଚା ପୁଣି ଥରେ ଜୋର ଧରିଛି, ଯେତେବେଳେ ବାପାଙ୍କ ପରେ ପୁଅଙ୍କୁ ମିଳିଛି ଟିକେଟ୍ । ରାଜ୍ୟର ଦୁଇ ପ୍ରମୁଖ ଦଳ ବିଜେଡି ଓ ବିଜେପି, ବାପାଙ୍କ ପରେ ପୁଅଙ୍କ ଉପରେ ଅସ୍ଥା ରଖିଛନ୍ତି । ଉଭୟ ବାଲେଶ୍ୱର ସଦର ଓ ତିର୍ତୋଲ ଉପ-ନିର୍ବାଚନରେ ଦେଖିବାକୁ ମିଳିଛି ସମାନ ଚିତ୍ର ।
Kanak News is now on WhatsApp
Join and get latest news updates delivered to you via WhatsApp
ତିର୍ତୋଲ ନିର୍ବାଚନ ମଣ୍ଡଳୀରେ ଦିବଙ୍ଗତ ବିଧାୟକ ତଥା ଜଗତସିଂହପୁର ରାଜନୀତିର ପ୍ରମୁଖ ଚେହେରା ଥିବା ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ପ୍ରାର୍ଥୀ କରିଛି ବିଜୁ ଜନତା ଦଳ । ସେଇ ସମାନ ଫର୍ମୁଲା ବାଲେଶ୍ୱର ସଦର ନିର୍ବାଚନ ମଣ୍ଡଳୀରେ ଆପଣାଇଛନ୍ତି ଭାରତୀୟ ଜନତା ପାର୍ଟି । ଦିବଙ୍ଗତ ବିଧାୟକ ମଦନମୋହନ ଦତଙ୍କ ପୁଅ ମାନସ ଦତଙ୍କୁ ମୈଦାନକୁ ଓହ୍ଲାଇଛି ବିଜେପି । କେଉଁଠି ନା କେଉଁଠି ଉଭୟ ବିଜେଡି ଓ ବିଜେପି ରାଜନୈତିକ ମୈଦାନରେ ଭାବପ୍ରବଣତାର ସ୍ରୋତ ବୁହାଇବାକୁ ଉଦ୍ୟମ କରିଛନ୍ତି । ଆଉ ଏହି ଭାବପ୍ରବଣତାରେ ନିର୍ବାଚନୀ ବୈତରଣୀ ପାରି ହେବାର ଏକ ପ୍ରୟାସ ରହିଛି ।
ରାଜନୀତିରେ ଏଡି ବାପା-ପୁଅ ଫୁର୍ମଲା ବେଶ ପୁରଣା । ତାଲିକା ବି ଖୁବ୍ ଲମ୍ବା । ପୂର୍ବରୁ ଡାକ୍ତର ଦାମଦୋର ରାଉତଙ୍କ ସ୍ଥାନରେ ପାରାଦୀପର ବିଧାୟକ ହେଉଛନ୍ତି ତାଙ୍କ ପୁଅ ସମ୍ବିତ ରାଉତରାୟ, ବାସୁଦେବପୁର ବିଧାନସଭା ନିର୍ବାଚନ ମଣ୍ଡଳୀରେ ବିଜୟଶ୍ରୀ ରାଉତରାୟଙ୍କ ପରେ ତାଙ୍କ ପୁଅ ବିଷ୍ଣୁବ୍ରତ ରାଉତରାୟ ବିଧାୟକ ରହିଛନ୍ତି ।
ସେହିପରି ବାଙ୍କୀରେ ପ୍ରଭାତ ତ୍ରିପାଠୀଙ୍କ ସ୍ଥାନରେ ବିଧାୟକ ହେଉଛନ୍ତି ପୁଅ ଦେବୀ ରଞ୍ଜନ ତ୍ରିପାଠୀ । କଟକ-ଚୌଦ୍ୱାରରେ ମଧ୍ୟ ପ୍ରଭାତ ବିଶ୍ୱାଳଙ୍କ ପରେ ତାଙ୍କ ପୁଅ ସୌଭିକ ବିଶ୍ୱାଳ ବିଧାୟ ଭାବେ ନିର୍ବାଚିତ ହୋଇଛନ୍ତି । ପ୍ରଲ୍ଲ୍ ଘଡେଇଙ୍କ ପୁଅ ପ୍ରୀତି ରଞ୍ଜନ ଘଡେଇ, କଳ୍ପତରୁ ଦାସଙ୍କ ପୁଅ ପ୍ରଣବ ବଳବନ୍ତରାୟ, ପର୍ଶୁରାମ ପାଣୀଗ୍ରାହୀଙ୍କ ପୁଅ ଜ୍ୟୋତିପ୍ରକାଶ ପାଣୀଗ୍ରାହୀ ଓ କାଳନ୍ଦୀ ବେହେରାଙ୍କ ପୁଅ ଚନ୍ଦ୍ରସାରଥୀ ବେହେରା ଆଦି ନେତା ରାଜ୍ୟ ରାଜନୀତିରେ ନିଜ ସ୍ଥିତି ଦୃଢ କରିସାରିଛନ୍ତି ।