କାହିଁକି ଭଗତ ସିଂ ଓ ତାଙ୍କ ସାଥୀଙ୍କୁ ୧୧ ଘଣ୍ଟା ପୂର୍ବରୁ ଫାଶୀ ଦିଆଯାଇଥିଲା ! ଜାଣନ୍ତୁ ଭଗତ ସିଂଙ୍କ ଫାଶୀ ଦିନର ପୂରା କାହାଣୀ
ଭାରତର ବୀର ସୁପୁତ୍ର କ୍ରାନ୍ତିକାରୀ ସହିଦ-ଏ-ଆଜମ ଭଗତ ସିଂ,ଶିବରାମ ରାଜଗୁରୁ ଏବଂ ସୁଖଦେବ ୨୩ ମାର୍ଚ୍ଚ ୧୯୩୧ ତାରିଖରେ ହସି ହସି ଦେଶ ପାଇଁ ଜୀବନ ଦେଇଥିଲେ । ଆଉ ତାଙ୍କରି ସ୍ମୃତିରେ ଆଜି ଦିନଟିକୁ ଶହୀଦ ଦିବସ ଭାବେ ପାଳନ କରୁଛି ପୂରା ଦେଶ । ୧୯୨୯ ମସିହା ଏପ୍ରିଲ ୮ ତାରିଖରେ ଭଗତ ସିଂ ଏବଂ ସାଥି ବଟ୍ଟୁକେଶ୍ୱର ଦତ୍ତ ସେଣ୍ଟ୍ରାଲ ଆସେମ୍ବଲି ଠାରେ ବୋମା ବିସ୍ଫୋରଣ କରିଥିଲେ । ଏହି ଘଟଣାରେ ସାଥି ବଟ୍ଟୁକେଶ୍ୱର ସେଠାରୁ ଚମ୍ପଟ ମାରିଥିବା ବେଳେ ଭଗତ ସିଂହ ବୀର ଭଳି ହସି ହସି ନିଜକୁ ଇଂରେଜ ସରକାରଙ୍କ ଆଡକୁ ଟେକି ଦେଇଥିଲେ । ଏହାସହ ୧୯୨୮ ମସିହାରେ ଲାହୋର ଠାରେ ଏକ ବ୍ରିଟିଶ ପୋଲିସ ଅଧିକାରୀଙ୍କ ୁ ଗୁଳି ମାରି ହତ୍ୟା କରିଥିଲେ ଭଗତ ସିଂ ଓ ତାଙ୍କ ସାଥୀ ସୁଖଦେବ ଓ ରାଜଗୁରୁ । ସେତେବେଳେ ଇଂରେଜର ଭାଏସରୟ ଲର୍ଡ ଇରୱିନ ଏହି ମାମଲାରେ ଏକ ଟ୍ରିବୁନାଲ ଗଠନ କରିଥିଲେ । ଆଉ ଏହି ଟ୍ରିବୁନାଲ ତିନି ଜଣଙ୍କୁ ଫାଶୀ ଦଣ୍ଡାଦେଶ ଶୁଣାଇଥିଲେ । ଶେଷରେ ୨୩ ମାର୍ଚ୍ଚ ୧୯୩୧ ତାରିଖରେ ଭଗତ ସିଂଙ୍କ ସମେତ ରାଜଗୁରୁ ଏବଂ ଶୁଖଦେବଙ୍କୁ ଫାଶୀଖୁଣ୍ଟରେ ଚଢ଼ାଇ ଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୁଚନା ମୁତାବକ ସେଣ୍ଟ୍ରାଲ ଆସେମ୍ବଲିରେ ବୋମା ବିସ୍ଫୋରଣ କରିବାକୁ ନେଇ ପ୍ରଥମେ ଫାଶୀର ତାରିଖ ୨୪ ମାର୍ଚ୍ଚକୁ ରଖାଯାଇଥିଲା । କିନ୍ତୁ ବହୁ ସଂଖ୍ୟାରେ କ୍ରାନ୍ତିକାରୀମାନଙ୍କ ବିକ୍ଷୋଭକୁ ନେଇ ଇଂରେଜ ସରକାର ଡରିଯାଇଥିଲେ । ଫଳସ୍ୱରୁପ ଫାଶୀଦଣ୍ଡର ଗୋଟିଏ ଦିନ ପୂର୍ବରୁ ଚୁପଚାପ ତିନି ସ୍ୱାଧିନତା ସଂଗ୍ରାମୀଙ୍କୁ ଫାଶୀଖୁଣ୍ଟରେ ଝୁଲାଇ ଦିଆଯାଇଥିଲା ।
କିଭଳି ଥିଲା ଫାଶୀର ଦିନ : ଭଗତସିଂହ କାରାଗାରରେ ଥିବା ସମୟରେ ବହୁତ ଗୁଡିଏ ପୁସ୍ତକ ପଢିଥିଲେ । ମୃତ୍ୟୁ ପୂର୍ବରୁ ସେ ଲେନିନଙ୍କ ଜିବନୀ ପୁସ୍ତକ ପଢୁଥିଲେ । ୨୩ ମାର୍ଚ୍ଚ ସନ୍ଧ୍ୟା ୭ ଟା ୩୩ ମିନିଟରେ ତିନି ବୀରଙ୍କୁ ଫାଶୀ ଦିଆଯାଇଥିଲା ।
ଫାଶୀ ପୂର୍ବର ବାର୍ତ୍ତା : ଫାଶୀ ସମୟ ନିକଟତର ହେବାପରେ ଥାନାଧିକାରୀ ଭଗତ ସିଂହଙ୍କୁ ଏହାର ସୁଚନା ଦେଇଥିଲେ । ଭଗତ ସିଂହ ସେତେବେଳେ ପୁସ୍ତକ ପଢାରେ ମଗ୍ନ ଥିଲେ । ମୃତ୍ୟୁ ପୁର୍ବରୁ ସେ କହିଥିଲେ “ରୁହ ଜଣେ କ୍ରାନ୍ତିକାରୀକୁ ଆଉ ଜଣେ କ୍ରାନ୍ତିକାରୀଙ୍କ ସହ ମିଶିବାକୁ ଦିଅ” । ଦୁଇ ମିନିଟ ମୌନ ରହିବା ପରେ ସେ କାରାଗାର ଛାତ ଉପରକୁ ବହି ଫୋପାଡି କହିଥିଲେ ‘ ଠିକ ଅଛି ଏବେ ଚାଲ’ । ଫାଶୀ ପୂର୍ବରୁ ଭାରତମାତାର ତିନିସନ୍ତାନ ଗାଇଉଠିଥିଲେ- “ମେରା ରଙ୍ଗଦେ ବସନ୍ତି ଚୋଲା ମାଏ ରଙ୍ଗ ଦେ” ।