ସାହାଡାରେ ଅଗ୍ନିକାଣ୍ଡ ହୋଇ ଜଳିଗଲା ୧୦ ବଖରା ଘର । ୩ ଗୋରୁ ଜୀବନ୍ତ ଦଗ୍ଧ, ସରକାରୀ ସହାୟତା ଦାବି କଲେ ଗ୍ରାମବାସୀ
ସାହାଡାରେ ଅଗ୍ନିକାଣ୍ଡ ହୋଇ ଜଳିଗଲା ୧୦ ବଖରା ଘର
କନକ ବ୍ୟୁରୋ : ଆଜି ସକାଳୁ ଭଦ୍ରକ ଜିଲ୍ଲା ସାହାଡ଼ା ପଞ୍ଚାୟତ ଅନ୍ତର୍ଗତ ଧର୍ମଶରଣବିନ୍ଧା ଗାଁ’ରେ ଅଗ୍ନିକାଣ୍ଡ ଘଟି ୩ଟି ଗୋରୁ ଜୀବନ୍ତ ପୋଡ଼ି ମରିବା ସହ ୧୦ ବଖରା ଘର ପୋଡ଼ି ଛାରଖାର ହୋଇ ଯାଇଛି। ପାହାନ୍ତା ପ୍ରାୟ ୪:୩୦ରେ ପ୍ରଥମେ ବୈକୁଣ୍ଠ ସାହୁଙ୍କ ଗୁହାଳରେ ନିଆଁ ଲାଗିଥିଲା। ଫଳରେ ସେଥିରେ ଥିବା ଗାଈଗୋରୁଙ୍କ ମଧ୍ୟରୁ ୩ଟି ପୋଡ଼ିଯାଇ ଘଟଣାସ୍ଥଳରେ ହିଁ ପ୍ରାଣତ୍ୟାଗ କରିଥିଲେ । ସେଠାରୁ ନିଆଁ ଡେଇଁ ପଡ଼ୋଶୀ ପୁରୁଷୋତ୍ତମ ସେଠୀଙ୍କ ଘରେ ଲାଗିଯିବାରୁ ତାଙ୍କର ୭ ବଖରା ଘର ସମେତ ବହୁ ଜିନିଷପତ୍ର ପୋଡ଼ି ନଷ୍ଟ ହୋଇଯାଇଛି । ନଷ୍ଟ ସମ୍ପତ୍ତିର ମୂଲ୍ୟ ପ୍ରାୟ ଏକ ଲକ୍ଷ ଟଙ୍କା ହେବ ବୋଲି କୁହାଯାଉଛି।
Kanak News is now on WhatsApp
Join and get latest news updates delivered to you via WhatsApp
ଏହି ଅଗ୍ନିକାଣ୍ଡ ଯୋଗୁଁ ସମୁଦାୟ ୧୦ ବଖରା ଘର ପୋଡ଼ି ଯାଇଛି। ଗ୍ରାମବାସୀ ଓ ଭଦ୍ରକରୁ ଯାଇଥିବା ଦମକଳ ବାହିନୀଙ୍କ ମିଳିତ ଉଦ୍ୟମରେ ନିଆଁକୁ ଆୟତ୍ତ କରାଯାଇଥିବା ଜଣାପଡିଛି । ତେବେ ମିଳିଥିବା ସୂଚନା ଅନୁସାରେ ନିଆଁଲାଗି ଲୋକମାନଙ୍କର ଅନେକ କ୍ଷତି ହୋଇଛି । ତେଣୁ ଲୋକମାନଙ୍କ ପାଖରେ ଖାଇବା ପାଇଁ ମଧ୍ୟ ଖାଦ୍ୟ ନଥିବା କୁହାଯାଇଛି । ତେଣୁ ଅଗ୍ନିବିପନ୍ନଙ୍କୁ ସରକାରଙ୍କ ପକ୍ଷରୁ ରନ୍ଧାଖାଦ୍ୟ ଯୋଗାଇ ଦେବା ପାଇଁ ଦାବି ହେଉଛି ।