ପଂଜିକାରେ ଜଗନ୍ନାଥଙ୍କ ସୁନାବେଶ ଗଣନାକୁ ନେଇ ବିବାଦ । ଘୋଷଯାତ୍ରାର ବାହୁଡା ଦିନରେ ପଡୁଛି ସୁନାବେଶ
ଗଣନା ଦେଖି ଜଗନ୍ନାଥ ଗବେଷକ ନାରାଜ ,କହିଲେ ବାରମ୍ବାର କରୁଛନ୍ତି ତ୍ରୁଟି
କନକ ବ୍ୟୁରୋ: ପଞ୍ଜିକାରେ ଜଗନ୍ନାଥଙ୍କ ସୁନାବେଶ ଗଣନାକୁ ନେଇ ଦେଖାଦେଇଛି ବିବାଦ । ମହାପ୍ରଭୁଙ୍କର ରଥଯାତ୍ରାରେ ବାହୁଡା ଦିନରେ ସୁନାବେଶ ପଡିବ ବୋଲି ଅନେକ ପଞ୍ଜିକା ଦର୍ଶାଇଛନ୍ତି । ଆଉ ଏହାକୁ ବିରୋଧ କରିଛନ୍ତି ଗବେଷକ । ସେମାନଙ୍କ ମତରେ ଦୋଳପୂର୍ଣ୍ଣିମା ତିଥିରେ ନୂଆ ପଞ୍ଜିକା ପ୍ରଚଳନ କରାଯିବା ବିଧି ରହିଛି । ପର୍ବପର୍ବାଣୀ ଓ ଯାନିଯାତ୍ରାକୁ ନେଇ ଶ୍ରୀମନ୍ଦିର ପ୍ରଶାସନ ବାର୍ଷିତ ନୀତି ନିର୍ଘଂଟ କରିଥାଏ । ହେଲେ ତା ପୂର୍ବରୁ ପଞ୍ଜିକାରମାନେ ନିଜ ଇଚ୍ଛା ମୁତାବତ ନୂୂଆ ପାଞ୍ଜିରେ ବାହୁଡା ଦିନ ହରିଶୟନ ଏକାଦଶୀ ଓ ସୁନାବେଶ କହିବା ଭ୍ରମାତ୍ନକ ।
Kanak News is now on WhatsApp
Join and get latest news updates delivered to you via WhatsApp
ଗଣନାକାରୀମାନେ ବାରମ୍ବାର ପଞ୍ଜିକାରେ ତ୍ରୁଟି କରୁଥିବାରୁ ସେ ନେଇ କଟକଣା କରିବା ଦରକାର ବୋଲି ବୋଲି କହିଛନ୍ତି ଜ୍ୟୋତିର୍ବିଦ । ହରିଶୟନ ଏକାଦଶୀରେ ହେବ ବାହୁଡା ଯାତ୍ରା । ତିଥିରେ ବ୍ୟତିକ୍ରମ ହେଲେ ବି ମହାପ୍ରଭୁଙ୍କ ରୀତିନୀତିରେ ଦିନ ଗଣନା ଅନୁଯାୟୀ ହେଉଥିବାରୁ ଏକାଦଶୀରେ ବାହୁଡିବେ ଠାକୁର ଓ ଦ୍ୱାଦଶୀରେ ହେବ ସୁନାବେଶ । ତେଣୁ ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ପଷ୍ଟ କରିବା ପାଇଁ ଖୁବଶୀଘ୍ର ବୈଠକ କରିବା ସହ ଗଜପତି ଓ ଶଙ୍କରାଚାର୍ଯ୍ୟଙ୍କ ପରାମର୍ଶ ନେବାକୁ ଦାବି କରିଛନ୍ତି ଦଇତାପତି ସେବାୟତ ।
ତିଥିରେ ବ୍ୟତିକ୍ରମ ହୋଇଥିଲେ ବି ଠାକୁରଙ୍କ ଯାନିଯାତ୍ରା ସମ୍ପର୍କରେ ଖଡିରତ୍ନ ପଂଜିକା କେବଳ ଉଲ୍ଲେଖ କରିଛି । ସେହି ପଂଜିକାକୁ ଶ୍ରୀମନ୍ଦିର ପରିଚାଳନା କମିଟିର ଅଧ୍ୟକ୍ଷ ଗଜପତି ମହାରାଜ ଦିବ୍ୟସିଂହ ଦେବ, ମୁକ୍ତିମଣ୍ଡପ ଓ ଶ୍ରୀମନ୍ଦିର ପୂଜାପଣ୍ଡା ନିଯୋଗ ଅନୁମୋଦନ କରିସାରିଥିବାବେଳେ ସେଥିରେ ସୁନାବେଶ ହରିଶୟନ ଏକାଦଶୀ ଦିନ ଲେଖିବା ନିନ୍ଦନୀୟ ବୋଲି କହିଛନ୍ତି ଜ୍ୟୋର୍ତିବିଦ ।