ସୁପ୍ରିମକୋର୍ଟଙ୍କ ଚେତାବନୀକୁ ମାନିଲେନି ବ୍ରହ୍ମପୁର ଓକିଲ ସଂଘ । ହେଲେ କାହିଁକି ପଢ଼ନ୍ତୁ…
କନକ ବ୍ୟୁରୋ: ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ମାନିଲେନି ଗଞ୍ଜାମ ଓକିଲ ସଂଘ । ହାଇକୋର୍ଟ ବେଞ୍ଚ୍ ପ୍ରତିଷ୍ଠା ଦାବିରେ ଆନ୍ଦୋଳନରେ ବସିଲେ ଗଞ୍ଜାମ ଜିଲ୍ଲା ଓକିଲ ସଂଘ । ଗତକାଲି ସୁପ୍ରିମକୋର୍ଟ ଏହି ପ୍ରସଙ୍ଗରେ ଶୁଣାଣି କରି ବାର କାଉନସିଲ ଅଫ୍ ଇଣ୍ଡିଆକୁ ଆନ୍ଦୋଳନରେ ବସିଥିବା ଓକିଲଙ୍କ ଲାଇସେନ୍ସ ବାତିଲ କରିବାକୁ ନିର୍ଦ୍ଦେଶ ଦେଇଥିଲେ । ଖଣ୍ଡପୀଠ କହିଥିଲେ, ବିହାର ଭଳି ବଡ ରାଜ୍ୟରେ ପାଟନାରେ ଗୋଟିଏ ହାଇକୋର୍ଟ ରହିଛି । ହେଲେ ଓଡିଶାରେ ଯଦି ସମସ୍ତ ଜିଲ୍ଲାରେ ହାଇକୋର୍ଟ ବେଞ୍ଚ୍ ପାଇଁ ଦାବି ହେବ ତାହାଲେ ଏହା ସମ୍ଭବ ନୁହେଁ । ତେଣୁ ଏପରି ଦାବିକୁ ଗ୍ରହଣ କରିନଥିଲେ ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାଜ୍ୟରେ ଏବେ ପଶ୍ଚିମ ଓଡିଶା, ଦକ୍ଷିଣ ଓଡିଶାରେ ହାଇକୋର୍ଟ ବେଞ୍ଚ୍ ପ୍ରତିଷ୍ଠା ଦାବି ନେଇ ଦାବି ହେଉଛି । ଆନ୍ଦୋଳନ ପାଇଁ କୋର୍ଟ କାର୍ଯ୍ୟ ପ୍ରଭାବିତ ହେଉଛି । ତେଣୁ ଏପରି ନହେବା ଦରକାର ବୋଲି କୋର୍ଟ କହିଛନ୍ତି । ୧୯୮୯ରୁ ଦକ୍ଷିଣ ଓଡିଶାରେ ହାଇକୋର୍ଟ ବେଞ୍ଚ୍ ସ୍ଥାପନ ପାଇଁ ଦାବି ହୋଇ ଆସୁଛି । ୨୦୦୮ରେ ଦାବି ବେଳେ ଓକିଲଙ୍କ ଉପରେ ଲାଠିଚାର୍ଜ ମଧ୍ୟ ହୋଇଥିଲା ।