ବିବିସି ଡକ୍ୟୁମେଣ୍ଟାରୀ ବିବାଦ: କେନ୍ଦ୍ରକୁ ସୁପ୍ରିମକୋର୍ଟଙ୍କ ନୋଟିସ, ମୂଳ ଡକ୍ୟୁମେଣ୍ଟାରୀର କାଗଜପତ୍ର ଦାଖଲ ନିର୍ଦ୍ଦେଶ ।
କନକ ବ୍ୟୁରୋ: ବିବିସି ଡକ୍ୟୁମେଣ୍ଟାରୀକୁ ନେଇ ଦେଖାଦେଇଥିବା ବିବାଦ ଉପରେ ସୁପ୍ରିମକୋଟଙ୍କ ଶୁଣାଣି । ମୂଳ ଡକ୍ୟୁମେଣ୍ଟାରୀର କାଗଜପତ୍ର ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ଏଥିପାଇଁ କେନ୍ଦ୍ରକୁ ତିନି ସପ୍ତାହ ଦିଆଯାଇଛି । ତେବେ ଭାରତ ସରାକାର ଏହି ଡକ୍ୟୁମେଣ୍ଟାରୀକୁ ପ୍ରଚାର ପ୍ରସାର ପାଇଁ ବ୍ୟବହାର କରାଯାଉଥିବା କହି ବ୍ୟାନ ଲଗାଇଥିଲେ । ଏବଂ ଏହା ବିରୋଧରେ ଏନ ରାମ, ମହୁଆ ମୋଇତ୍ରା ,ପ୍ରଶାନ୍ତ ଭୂଷଣ ଏବଂ ଏମ ଏଲ ଶର୍ମା ସୁପ୍ରିମକୋର୍ଟରେ ପିଟିସନ ଦାଖଲ କରିଥିଲେ । ଯେଉଁଥିରୁ ଶୁକ୍ରବାର ୨ଟି ପିଟିସନ ଉପରେ ଶୁଣାଣି କରିଛନ୍ତି ସୁପ୍ରିମକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ଜବାବ ଦାଖଲ କରିବା ପାଇଁ କେନ୍ଦ୍ର ସରକାରଙ୍କୁ ବିଚାରପତି ସଞ୍ଜୀବ ଖାନ୍ନା ଏବଂ ଏମଏମ ସୁନ୍ଦରେଶଙ୍କ ଖଣ୍ଡପୀଠ ମୂଳ ଡକ୍ୟୁମେଣ୍ଟାରୀ ଦାଖଲ କରିବାକୁ ନିର୍ଦ୍ଦେଶ ଦେଉଛନ୍ତି । ୩ ସପ୍ତାହ ସମୟ ଦେବା ସହ ଅପ୍ରେଲ ମାସରେ ଏହାର ଶୁଣାଣି ହେବ ବୋଲି କୁହାଯାଇଛି । ତେବେ ଏହି ଘଟଣାରେ ତୁରନ୍ତ ବ୍ୟାନ ହଟାଇବାକୁ ମନା କରିଛନ୍ତି ସୁପ୍ରିମକୋର୍ଟ । ଏହି ବିବିସି ଡକ୍ୟୁମେଣ୍ଟାରୀକୁ ସେୟାର କରୁଥିବା ଟ୍ୱିଟର ପୋଷ୍ଟ ଓ ୟୁଟ୍ୟୁବ ଭିଡିିଓକୁ ବ୍ଲକ କରିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଥିଲେ ।