ବଲାଙ୍ଗୀର ଜାଲ୍ ସାର୍ଟିଫିକେଟ ଘଟଣା : ୩ ଜଣଙ୍କୁ ଅଟକ ରଖିଲା କ୍ରାଇମବ୍ରାଞ୍ଚ ଟିମ୍; ପୋଲିସ ସ୍କାନରରେ ୨୦୦ରୁ ଅଧିକ, ଏଥର ଫସିବେ ସରକାରୀ ଚାକିରିଆ ଓ ଦଲାଲ
କନକ ବ୍ୟୁରୋ : ବଲାଙ୍ଗୀର ଜାଲ୍ ସାର୍ଟିଫିକେଟ ଘଟଣା, ଆଉ ତିନି ଜଣଙ୍କୁ ଉଠାଇ ନେଇଛି ତଦନ୍ତକାରୀ ଟିମ୍ । ଏଥିସହ ସ୍କାନରରେ ସରକାରୀ ଚାକିରିଆ ଓ ଦଲାଲ । ଏପ୍ରିଲ ୧ ତାରିଖରୁ ଏହି ମାମଲାରେ ତଦନ୍ତ କରୁଛି କ୍ରାଇମବ୍ରାଞ୍ଚ । ଜାଲ୍ ସାର୍ଟିଫିକେଟ୍ ଦେଇ ପ୍ରାୟ ୨୦୦ ଜଣ ଚାକିରି କରିଛନ୍ତି । ଏହି ୨୦୦ ଜଣଙ୍କ ମଧ୍ୟରେ ରାଜ୍ୟ ସରକାରଙ୍କ ସରକାରୀ ଚାକିରିଆ ଓ କିଛି ଦଲାଲ ରହିଛନ୍ତି ବୋଲି ସୂଚନା ରହିଛି । ରାକେଟରେ ସଂପୃକ୍ତ ବ୍ୟକ୍ତିଙ୍କୁ ଗିରଫ କରିବାକୁ ପୋଲିସ ଆରମ୍ଭ କରିଛି ତନାଘନା ।
Kanak News is now on WhatsApp
Join and get latest news updates delivered to you via WhatsApp
ଯେଉଁମାନେ ଏହି ରାକେଟ ସହ ଜଡିତ ଅଛନ୍ତି ତାଙ୍କୁ ଗିରଫ କରିବାକୁ ବ୍ଲୁ ପ୍ରିଂଟ ପ୍ରସ୍ତୁତ ହେଉଥିବା ସୂଚନା ରହିଛି । ରିପୋର୍ଟରୁ ଜଣାପଡିଛି ଯେ, ବଲାଙ୍ଗୀରରେ ଅନେକ ବର୍ଷ ଧରି ଏହି ନକଲି ସାର୍ଟିଫିକେଟ ରାକେଟ୍ ସକ୍ରିୟ ରହିଛି । କ୍ରାଇମବ୍ରାଞ୍ଚ ଉଭୟ ମନୋଜ ଓ ସହଯୋଗୀ କମ୍ପ୍ୟୁଟର୍ ଶିକ୍ଷକ ଆଲୋକ ରଞ୍ଜନ ଉଦଗାତାଙ୍କ ପରିବାର ସଦସ୍ୟଙ୍କୁ ଜାଲ ସାର୍ଟିଫିକେଟ୍ କାରବାର ମାମଲାରେ ଜେରା କରିଛି । ସେମାନେ ଯେଉଁ ଉତର ଦେଇଛନ୍ତି ଏହାକୁ ଉଭୟ ମନୋଜ ଓ ଆଲୋକଙ୍କ ବୟାନ ସହିତ ମେଳ କରାଯାଇଛି ।
କିନ୍ତୁ ସେଥିରେ କୌଣସି ତାଳମେଳ ରହୁ ନଥିବାରୁ ଉଭୟ ପରିବାର ସଦସ୍ୟ ଏହି ଜାଲିଆତିରେ ସମ୍ପୃକ୍ତ ଥିବା ସନ୍ଦେହ କରାଯାଉଛି । ଏମାନେ ବି କ୍ରାଇମବ୍ରାଞ୍ଚ ସ୍କାନରରେ ଥିବାରୁ କୌଣସି ମୁହୂର୍ତ୍ତରେ କାର୍ଯ୍ୟାନୁଷ୍ଠାନ ଗ୍ରହଣ ହେବାର ସମ୍ଭାବନା ରହିଛି । ରିଲାଏନ୍ସ ଏଜୁକେସନାଲ୍ କମ୍ପେ୍ଲକ୍ସର ମାଲିକ ତଥା ମାଷ୍ଟରମାଇଣ୍ଡ ମନୋଜ କୁମାର ମିଶ୍ର ନାଁରେ ଥିବା ୫ଟି ଜମିର କୌଣସି କିଣାବିକାକୁ ଅନୁମତି ନ ଦେବାକୁ ବଲାଙ୍ଗୀର ସବ୍ ରେଜିଷ୍ଟ୍ରାରଙ୍କୁ ଚିଠି ଲେଖାଯାଇଛି । ପାଖାପାଖି ୧୦ ବର୍ଷ ହେବ ଏଭଳି ଜାଲିଆତି କରି ସାର୍ଟିଫିକେଟ୍ ବିକ୍ରି କରିଆସୁଥିବା ମନୋଜ ଦେଢ଼ କୋଟି ଟଙ୍କାରେ ୫ ଟି ମୂଲ୍ୟବାନ ଜମି କିଣିଥିଲା । କୋର୍ଟଙ୍କ ନିର୍ଦ୍ଦେଶ ବଳରେ ଏହି ଜମିକୁ କ୍ରାଇମବ୍ରାଞ୍ଚ ଜବତ କରିଛି ।