ଏସିଆ କପ ୨୦୨୨: ଶ୍ରୀଲଙ୍କାରୁ ଦୁବାଇ ସ୍ଥାନାନ୍ତର ହେବ ମ୍ୟାଚ! ଜୁଲାଇ ୨୨ରେ କାର୍ଯ୍ୟସୂଚୀ ଘୋଷଣା।
କନକ ବ୍ୟୁରୋ: ଏସିଆ କପର ଚଳିତ ସଂସ୍କରଣ ଶ୍ରୀଲଙ୍କାରୁ ବାହାରେ ଖେଳାଯିବା ନେଇ ଯୋଜନା ପ୍ରସ୍ତୁତ ହେଉଛି । ତେବେ ଏହାକୁ ଦୁବାଇ ସ୍ଥାନାନ୍ତର କରିବାକୁ ଯୋଜନା ହେଉଛି । ଶ୍ରୀଲଙ୍କା କ୍ରିକେଟ ବୋର୍ଡ ଆଧିକାରିକ ଭାବେ ଏହାକୁ ଆୟୋଜନ କରୁଥିବାବେଳେ କେବଳ ଦୁବାଇର ଗ୍ରାଉଣ୍ଡରେ ଏହି ମ୍ୟାଚ ଖେଳାଯିବ ।
Kanak News is now on WhatsApp
Join and get latest news updates delivered to you via WhatsApp
ଚଳିତ ସପ୍ତାହରେ ଏସିଆ କ୍ରିକେଟ ପରିଷଦର ବୈଠକରେ ଏହା ନିଷ୍ପତ୍ତି ହୋଇଛି ଯେ ଶ୍ରୀଲଙ୍କାରେ ବର୍ତ୍ତମାନ ଇନ୍ଧନର ସଙ୍କଟ ଦେଖାଦେଇଛି । ଅପ୍ରେଲ ମାସଠାରୁ ବିଜୁଳୀ, ଖାଦ୍ୟ, ଔଷଧ ଭଳି ଅତ୍ୟାବଶ୍ୟକ ସାମଗ୍ରୀର ସଙ୍କଟ ଦେଖାଦେଇଛି । ଦେଶରେ ଆର୍ଥିକ ସଙ୍କଟ ବଢିବାରୁ ସ୍ଥିତି ଠିକ ନାହିଁ । ଦେଶର ରାଷ୍ଟ୍ରପତି ମଧ୍ୟ ଦେଶ ଛାଡି ପଳାୟନ କରିଛନ୍ତି । ତେଣୁ ଏଠାରେ ମ୍ୟାଚ ଖେଳିବା ଠିକ ନୁହେଁ । ଦୁଇଟି ଦଳ ମଧ୍ୟରେ ମ୍ୟାଚ ଖେଳାଯିବା ଭିନ୍ନ କଥା ଏବଂ ଅଧିକ ଟିମ୍ କୁ ନେଇ ମ୍ୟାଚ ଆୟୋଜନ କରିବା ଭିନ୍ନ କଥା । ଏଥିପାଇଁ ବ୍ୟାପକ ଇନ୍ଧନ, ବସର ଆବଶକତା ରହିଛି । ପ୍ରତ୍ୟେକ ଟିମକୁ ଗୋଟିଏ ଲେଖାଁଏ ବସ, ଏବଂ ବିଭିନ୍ନ ପ୍ରକାର ସାମଗ୍ରୀ ଦରକାର ତେଣୁ ଏହା ଶ୍ରୀଲଙ୍କା ପାଇଁ ସହଜ ନୁହେଁ ।
ଏସିସି ଜୁଲାଇ ୨୨ରେ ଏସିଆ କପର କାର୍ଯ୍ୟସୂଚୀ ଘୋଷଣା କରିବାକୁ ପ୍ରସ୍ତୁତି ଆରମ୍ଭ କରୁଛି । ଲିଗ ପର୍ଯ୍ୟାୟରେ ଭାରତ ଏବଂ ପାକିସ୍ତାନ ପରସ୍ପରକୁ ୨ ଥର ଭେଟିପାରନ୍ତି । ଶ୍ରୀଲଙ୍କ କ୍ରିକେଟ ବୋର୍ଡର ଅଧ୍ୟକ୍ଷ ଏସେଲ ଡି ସିଲଭା କହିଛନ୍ତି ଇନ୍ଧନ ଏବଂ ରାଜନୈତିକ ଅସ୍ଥିରତା ପାଇଁ ଅନେକ ପ୍ରଶଂସକଙ୍କୁ ରୋକାଯାଇପାରେ ଏହି କାରଣରୁ ଅନେକ ପ୍ରଶଂସକ ମ୍ୟାଚ ଦେଖିପାରିବେ ନାହିଁ । ତେଣୁ ମ୍ୟାଚକୁ ସ୍ଥାନାନ୍ତର କରାଯାଇପାରେ ।