ଦେଶର ସମସ୍ତ ଟୋଲଗେଟରେ ଏଣିକି ଲାଗିବ ସିସିଟିଭି : ଟ୍ରାଫିକ ସମସ୍ୟା ବଢୁଥିବାରୁ ସରକାର ନେଇଛନ୍ତି ଏପରି ନିଷ୍ପତ୍ତି !
କନକ ବ୍ୟୁରୋ : ସାରା ଦେଶରେ ବର୍ତ୍ତମାନ ସମୟରେ ଦୁର୍ଘଟଣାରେ ଅନେକ ଲୋକମାନଙ୍କର ପ୍ରାଣ ଯାଉଛି । ତେବେ ପ୍ରତ୍ୟେକ ଦିନ ଏପରି ଘଟଣା ଘଟୁଛି । ଦେଶରେ ଏକ ରିପୋର୍ଟ ଅନୁସାରେ କେବଳ ଓଡିଶାରେ ପ୍ରତ୍ୟେକ ଦିନ ପାଖାପାଖି ୧୨ ଜଣଙ୍କ ମୁତ୍ୟୁ ହେଉଛି । ତେବେ ସରକାର ମଧ୍ୟ ଏହି ଘଟଣାକୁ ଅତ୍ୟନ୍ତ ଗୁରୁତ୍ୱ ସହ ନେଇଛନ୍ତି । ବିଭିନ୍ନ ପ୍ରକାର ଆଇନ ମଧ୍ୟ ଆଣିଛନ୍ତି । ତେବେ ଅନେକ ଲୋକ ଟୋଲପ୍ଲାଜରେ ଟଙ୍କା ନଦେଇ ଦ୍ରୁତ ଗତିରେ ଯାଉଛନ୍ତି । ଯାହା ଦ୍ୱାରା ଦୁର୍ଘଟଣା ମଧ୍ୟ ହେଉଛି । ତେଣୁ ଏଣିକି ସରକାର ଟ୍ରାଫିକ ଉପରେ ନଜର ରଖିବା ଦେଶର ସମସ୍ତ ଟୋଲ୍ ପ୍ଲାଜାରେ ଭିଡିଓ ସର୍ଭେଲାନ୍ସ ବ୍ୟବସ୍ଥା କରିବାକୁ ଯୋଜନା କରାଯାଇଥିବା ସଡ଼କ ପରିବହନ ଜାହାଜ ଚଳାଚଳ ଏବଂ ରସାୟନ ଓ ସାର ରାଷ୍ଟ୍ରମନ୍ତ୍ରୀ ମନସୁଖ୍ ଏଲ୍ ମାଣ୍ଡଭ୍ୟ ଲୋକସଭାରେ ଶୁକ୍ରବାର ଏକ ଲିଖିତ ପ୍ରଶ୍ନର ଉତ୍ତରରେ କହିଛନ୍ତି । ଜାତୀୟ ରାଜପଥରେ ଦେୟ ଆଦାୟ ହେଉଥିବା ୨୧୦ ଟି ଟୋଲ୍ ପ୍ଲାଜା ଏବଂ ଆଞ୍ଚଳିକ କାର୍ୟ୍ୟାଳୟ ସହ ନ୍ୟାସନାଲ ହାଇୱେ ଅଥରିଟି ଅଫ୍ ଇଣ୍ଡିଆ ର ମୁଖ୍ୟ କାର୍ୟ୍ୟାଲ୍ର ସେଣ୍ଟ୍ରାଲ କମାଣ୍ଡ ଆଣ୍ଡ କଣ୍ଟ୍ରୋଲ ସେଣ୍ଟରକୁ ସଂଯୁକ୍ତ କରିବା ଲାଗି ଟେଣ୍ଡର ଆହ୍ୱାନ କରାଯାଇଛି । ଏହି ପ୍ରକ୍ରିୟା ଏବେ ଜାରି ରହିଛି ଏବଂ ଏହି ଟେଣ୍ଡରର ଅବଧି ୫ ବର୍ଷ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀ କହିଥିଲେ ଯେ, କେଉଁ କେଉଁ ଟୋଲ୍ ପ୍ଲାଜାରେ ପ୍ରାରମ୍ଭିକ ଭାହବେ ଭିଡିଓ ସର୍ଭେଲାନ୍ସ ବ୍ୟବସ୍ଥା ଲାଗିବ ତାହା ଚିହ୍ନଟ କରାଯାଇଛି । ଦେୟ ଆଦାୟ କରାଯାଉଥିବା ୨୧୦ ଟି ଟୋଲ୍ ପ୍ଲାଜାକୁ ଏହି ପ୍ରକଳ୍ପ ପାଇଁ ଚିହ୍ନଟ କରାଯାଇଛି । ଏନଏଚ୍ଏଆଇ ମୁଖ୍ୟ କାର୍ଯ୍ୟାଳୟରେ ସେଣ୍ଟ୍ରାଲ କମାଣ୍ଡ ଆଣ୍ଡ କଣ୍ଟ୍ରୋଲ ସେଣ୍ଟର ସ୍ଥାପନ କରି ଆଞ୍ଚଳିକ କାର୍ଯ୍ୟାଳୟ ଓ ଟୋଲ୍ ପ୍ଲାଜା ସହ ଏହାକୁ ସଂଯୋଗ କରିବାକୁ ଯୋଜନା ରହିଛି । ଏଥିପାଇଁ ୩୬ କୋଟି ଟଙ୍କା ବ୍ୟୟ ଅଟକଳ କରାଯାଇଛି । ତେବେ ସରକାରଙ୍କ ନିୟନ ଅନୁସାରେ ରାସ୍ତା ନିର୍ମାଣ କରିବା ପାଇଁ ବିଭିନ୍ନ ପ୍ରକାର କମ୍ପାନୀମାନଙ୍କୁ ଟେଣ୍ଡର କରାଯାଇଥାଏ । ପରେ ସେମାନେ ଟୋଲ ପ୍ଲାଜ ମାଧ୍ୟମରେ ରାସ୍ତାରେ ଯାଉଥିବା ଯାନବାହନ ମାନଙ୍କଠାରୁ ଟଙ୍କା ଆଦାୟ କରିଥାଆନ୍ତି । ତେଣୁ ବର୍ତ୍ତମାନ ସମୟରେ ଟୋଲଗେଟରେ ଯେଉଁ ସିସିଟିଭି ଲଗାଯିବ ତାହା ଲାଗି ଅଧିକ ଅର୍ଥ ନିଆଯିବ କି ନାହିଁ ତାହା ଜଣାପଡିନାହିଁ ।