ସୁପ୍ରିମ କୋର୍ଟଙ୍କ ତାଗିଦ ପରେ ଦିଲ୍ଲୀ ସରକାରଙ୍କ ନିଷ୍ପତ୍ତି, ଆସନ୍ତା କାଲି ଠାରୁ ସମସ୍ତ ସ୍କୁଲ ବନ୍ଦ
କନକ ବ୍ୟୁରୋ : ବଢୁଥିବା ପ୍ରଦୂଷଣକୁ ଦୃଷ୍ଟିରେ ରଖି ଦିଲ୍ଲୀ ସରକାର ଆସନ୍ତା କାଲି (ଶୁକ୍ରବାର) ଠାରୁ ରାଜ୍ୟର ସମସ୍ତ ସ୍କୁଲ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି । ଏନେଇ ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି କି ଆଗାମୀ ଆଦେଶ ପର୍ଯ୍ୟନ୍ତ ଦିଲ୍ଲୀର ସମସ୍ତ ସ୍କୁଲ ବନ୍ଦ ରହିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ସୁପ୍ରିମ କୋର୍ଟ ଦିଲ୍ଲୀ ଏନସିଆରରେ ବଢୁଥିବା ପ୍ରଦୂଷଣ ମାମଲାକୁ ନେଇ ଶୁଣାଣି କ୍ରମରେ ଦିଲ୍ଲୀରେ ସ୍କୁଲ ଖୋଲିବା ନେଇ ୨୪ ଘଂଟାର ବିକଳ୍ପ ଦେଇଥିଲେ । କୋର୍ଟ କହିଥିଲେ କି ସରକାର ଏନେଇ ୨୪ ଘଂଟା ମଧ୍ୟରେ ପଦକ୍ଷେପ ନନେଲେ କୋର୍ଟ ନିଜ ତରଫରୁ ଆଦେଶ ଜାରି କରିବ । କୋର୍ଟ ଆହୁରି କହିଥିଲେ କି ବିପଦ ସମୟରେ ଅସାଧାରଣ ପଦକ୍ଷେପ ଉଠାଇବାର ଆବଶ୍ୟକତା ରହିଛି ଓ ପ୍ରତିଥର ଅମଲାତନ୍ତ୍ରକୁ କଣ କରିବା ଉଚିତ ତାହା କହିବାର ଆବଶ୍ୟକତା ନାହିଁ । ଅନ୍ୟପଟେ ଏନେଇ କେନ୍ଦ୍ର ସରକାରଙ୍କ ଉପରେ ବି ବର୍ଷିଛନ୍ତି ସୁପ୍ରିମ କୋର୍ଟ । କୋର୍ଟ କହିଛନ୍ତି କି, କେନ୍ଦ୍ର ଆୟୋଗ ଦିଲ୍ଲୀ ପ୍ରଦୂଷଣ ମାମଲାରେ କିଛି କରିବାକୁ ସକ୍ଷମ ହୋଇ ନାହାଁନ୍ତି । ଏହି ମାମଲାରେ ଆସନ୍ତାକାଲି ପୁଣି ଶୁଣାଣି ହେବ । କିନ୍ତୁ ମୁଖ୍ୟ ବିଚାରପତି ଏନ.ଭି ରମନ୍ନା ଦିଲ୍ଲୀ ସରକାରଙ୍କ ସ୍କୁଲ ଖୋଲିବା ନିଷ୍ପତ୍ତି ଉପରେ ଅସନ୍ତୋଷ ଜାହରି କରିଛନ୍ତି ।
All schools in Delhi to be closed from tomorrow till further orders, due to current air pollution levels in the city: Environment Minister Gopal Rai pic.twitter.com/k9NY7KL3SL
— ANI (@ANI) December 2, 2021
କହିରଖୁ କି ଦିଲ୍ଲୀରେ ପ୍ରଦୂଷଣ ମାତ୍ରା ବଢିବା ପରେ ଦିଲ୍ଲୀ ସରକାର ପଦକ୍ଷେପ ସ୍ୱରୂପ ଦିଲ୍ଲୀର ସମସ୍ତ ଶିକ୍ଷାନୁଷ୍ଠାନ ବନ୍ଦ କରିଦେଇଥିଲେ । ଏହାସହ ସରକାରୀ କର୍ମଚାରୀଙ୍କୁ ଘରେ ରହି କାମ କରିବାକୁ ନିର୍ଦ୍ଦେଶ ଦେବା ସହ ସମସ୍ତ ନିର୍ମାଣ କାର୍ଯ୍ୟ ସ୍ଥଗିତ ରଖିଥିଲେ । ଏହାର କିଛିଦିନ ପରେ ଦିଲ୍ଲୀରେ ପ୍ରଦୂଷଣ ମାତ୍ରା ସ୍ଥିରଥିବା ଦର୍ଶାଇ ଦିଲ୍ଲୀ ସରକାର ରାଜ୍ୟର ସମସ୍ତ ସ୍କୁଲ ଖୋଲିବାକୁ ନିର୍ଦ୍ଦେଶ ଦେଇଥିଲେ । ହେଲେ ଏନେଇ ସୁପ୍ରିମ କୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ ହୋଇଥିଲା । ଏହାର ଶୁଣାଣି କରି କୋର୍ଟ କହିଥିଲେ କି ସରକାର ଯେତେବେଳେ ବୟସ୍କ ମାନଙ୍କୁ ଘରେ ରହି କାମ କରିବାକୁ ନିର୍ଦ୍ଦେଶ ଦେଉଛନ୍ତି ସେତେବେଳେ ଛୋଟ ଛୋଟ ପିଲାମାନଙ୍କୁ ସ୍କୁଲ ଯିବାକୁ କିଭଳି ପରାମର୍ଶ ଦେଉଛନ୍ତି ।