ବିଶେଷ ଅଧିବେଶନ ପୂର୍ବରୁ ବସିଲା ସର୍ବଦଳୀୟ ବୈଠକ । ବିରୋଧୀଙ୍କ ଦାବି, ସ୍ୱତନ୍ତ୍ର ଅଧିବେଶନରେ ଉପସ୍ଥାପିତ ହେଉ ମହିଳା ସଂରକ୍ଷଣ ବିଲ୍
କନକ ବ୍ୟୁରୋ : ୧୭ ତମ ଲୋକସଭାର ୧୩ତମ ଅଧିବେଶନ ପୂର୍ବରୁ କେନ୍ଦ୍ର ସରକାର ସର୍ବଦଳୀୟ ବୈଠକ ଡାକିଛନ୍ତି । ସଂସଦର ସ୍ୱତନ୍ତ୍ର ଅଧିବେଶନର ଗୋଟିଏ ଦିନ ପୂର୍ବରୁ ରବିବାର ଦିନ ସର୍ବଅଦଳୀୟ ବୈଠକ ବସିଥିଲା । ଏଥିରେ ବିଜେଡି ଓ ବିଆରଏସ ସମେତ ଅନେକ ଦଳ ସଂସଦରେ ମହିଳା ସଂରକ୍ଷଣ ବିଲ ଉପସ୍ଥାପନ ହେଉ ବୋଲି ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବୈଠକ ପରେ ସଂସଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀ ସୂଚନା ଦେଇଛନ୍ତି କି, ଏହି ବୈଠକରେ ୩୪ଟି ଦଳର ୫୧ ଜଣ ନେତା ସାମିଲ ହୋଇଥିଲେ । ଏଜେଣ୍ଡାରେ ୪ଟି ବିଲ ସୂଚିତ ହୋଇଛି ଓ କିଛି ସୁରକ୍ଷିତ ରହିଛି । ଏଭଳି ଭାବେ ୮ଟି ବିଲ ଉପସ୍ଥାପନ ହୋଇପାରେ ବୋଲି କୁହାଯାଇଛି । କିଛିଦଳ ବୈଠକରେ ନିଜ ମତ ରଖିଛନ୍ତି , ହେଲେ ସରକାର ନିଜ ଏଜେଣ୍ଡା ଉପରେ କାମ କରିବେ ବୋଲି ପ୍ରହ୍ଲାଦ ଯୋଶୀ କହିଛନ୍ତି ।
ସଂସଦର ବିଶେଷ ଅଧିବେଶନକୁ ନେଇ କଂଗ୍ରେସ ନେତା ଅଧିର ରଂଜନ ଚୌଧୁରୀ କହିଛନ୍ତି କି, ‘ଆମକୁ ଲାଗୁଥିଲା ଏହା ସଂସଦର ବିଶେଷ ଅଧିବେଶନ, ହେଲେ ଏହା ରେଗୁଲାର ଅଧିବେଶନ’ । ସରକାରଙ୍କ ଉର୍ଦ୍ଦେଶ୍ୟ ଏବେ ବିରୋଧୀଙ୍କ ଭିତରେ ଭ୍ରମ ସୃଷ୍ଟି କରିଛି । ଏହାସହ ସରକାର ବିରୋଧୀଙ୍କୁ ଅନେକ ଜିନିଷରୁ ବଞ୍ଚିତ କରାଯାଉଛି ବୋଲି ସେ ଅଭିଯୋଗ କରିଛନ୍ତି । ଶୂନ୍ୟକାଳ ଓ ପ୍ରଶ୍ନକାଳ ଉପରେ ସରକାର ଯେଭଳି ପ୍ରତିବନ୍ଧକ ଲଗାଇଛନ୍ତି ତାହାକୁ ନେଇ ଅଧିର ରଂଜନ ପ୍ରଶ୍ନ ଉଠାଇଛନ୍ତି ।