ଯୁବ ଭୋଟରଙ୍କ ପାଇଁ ବଡ ଖବର । ଭୋଟର ପରିଚୟପତ୍ର ପାଇଁ ଆଉ ୧୮ ବର୍ଷ ଯାଏଁ କରିବାକୁ ପଡିବ ନାହିଁ ଅପେକ୍ଷା
କନକ ବ୍ୟୁରୋ : ଦେଶର ଯୁବ ଭୋଟରଙ୍କ ପାଇଁ ବଡ ଖବର । ବର୍ତ୍ତମାନ ଭୋଟର ପରିଚୟପତ୍ର ପାଇଁ ଆଉ ୧୮ ବର୍ଷ ଯାଏଁ ଅପେକ୍ଷା କରିବାକୁ ପଡିବ ନାହିଁ । ୧୭ ବର୍ଷ ପରେ ଜଣେ ଚାହିଁଲେ ଭୋଟର ପରିଚୟପତ୍ର ପାଇଁ ଆବେଦନ କରିପାରିବ । ଭାରତୀୟ ନିର୍ବାଚନ କମିଶନ ଏ ନେଇ ଆଜି ଘୋଷଣା କରିଛନ୍ତି । ଏ ନେଇ ଆବଶ୍ୟକ ନିର୍ଦ୍ଦେଶନାମା ବି ଜାରି କରାଯାଇଛି । କମିଶନଙ୍କ ନିର୍ଦ୍ଦେଶ ଅନୁସାରେ, ଯେଉଁମାନଙ୍କ ବୟସ ୧ ଜାନୁଆରୀ ୨୦୨୩ରେ ୧୮ ବର୍ଷ ହେଉଛି, ସେମାନେ ବି ଭୋଟର ପରିଚୟପତ୍ର ପାଇଁ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
୧୮ ବର୍ଷ ହେଲେ ହିଁ ଆବେଦନ କରିବାକୁ ଯେଉଁ ନିୟମ ଥିଲା ତାହା ଏବେଠାରୁ ଆଉ ବାଧ୍ୟତାମୂଳକ ହେବ ନାହିଁ । ଏ ନେଇ ସବୁ ରାଜ୍ୟର ନିର୍ବାଚନ ଅଧିକାରୀଙ୍କୁ ନିର୍ଦ୍ଦେଶନାମା ଜାରି କରାଯାଇଛି । ଏଥିପାଇଁ ଏକ ନୂଆ ରେଜିଷ୍ଟ୍ରସନ ଫର୍ମ ଆଣିବ ନିର୍ବାଚନ କମିଶନ । ଏଥିରେ ଆଧାର କାର୍ଡର ବିବରଣୀ ଦେବାକୁ ହେବ । ତେବେ ଏହା ବାଧ୍ୟତାମୂଳକ ନୁହେଁ । ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁସାରେ, ଜଣେ ନାଗରିକ ଆଗୁଆ ଭାବେ ଭୋଟର ତାଲିକାରେ ନିଜ ନାଁ ପଂଜିକରଣ କରିପାରିବେ । ଯୁବକମାନେ ବି ଏଥିପାଇଁ ବର୍ଷକୁ ୩ ଥର ଆବେଦନ କରିପାରିବେ । ଏପ୍ରିଲ ପହିଲା, ଜୁଲାଇ ପହିଲା ଓ ଅକ୍ଟୋବର ପହିଲାରେ ଭୋଟରପରିଚୟ ପତ୍ର ପାଇଁ ଆବେଦନ କରାଯାଇପାରିବ ।