ମହଙ୍ଗା ପଡିଲା ନୁପୂର ଶର୍ମାଙ୍କୁ ସମର୍ଥନ, ଦୋକାନ ଭିତରେ ପଶି ଯୁବକଙ୍କୁ ହତ୍ୟା
କନକ ବ୍ୟୁରୋ : ଥମିବାର ନାଁ ନେଉନି ନୁପୂର ଶର୍ମାଙ୍କ ବିବାଦ । କିଛିଦିନ ତଳେ ମୁସଲମାନଙ୍କ ଧର୍ମଗୁରୁ ମହମ୍ମଦଙ୍କ ଉପରେ ବିଜେପିର ପୂର୍ବତନ ପ୍ରବକ୍ତା ନୁପୂର ଶର୍ମା ଏକ ବିବାଦୀୟ ବୟାନ ଦେଇଥିଲେ । ଯାହାକୁ ନେଇ ସାରା ଦେଶରେ ବିରୋଧ ପ୍ରଦର୍ଶନ ହୋଇଥିଲା । ଏହାପରେ ଧିରେ ଧିରେ ଏହି ମାମଲା ଶାନ୍ତ ପଡିଥିବା ବେଳେ ଏବେ ରାଜସ୍ଥାନରେ ଏହାର ଉଗ୍ରରୂପ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ନୁପୂର ଶର୍ମାଙ୍କ ସମର୍ଥନରେ ସୋସିଆଲ ମିଡିଆରେ ପୋଷ୍ଟ କରିଥିବାରୁ ରାଜସ୍ଥାନ ଉଦୟପୁର ଠାରେ ଜଣେ ଯୁବକଙ୍କୁ ଗଳାକାଟି ହତ୍ୟା କରାଯାଇଛି । ହତ୍ୟାରେ ଶିକାର ହୋଇଥିବା ବ୍ୟକ୍ତି ଜଣଙ୍କ ହେଉଛନ୍ତି କହ୍ନେୟାଲାଲ । କୁହାଯାଉଛି କି ତାଙ୍କ ୮ ବର୍ଷର ପୂୁଅ ସୋସିଆଲ ମିଡିଆରେ ନୁପୂର ଶର୍ମାଙ୍କ ସମର୍ଥନରେ ଏକ ପୋଷ୍ଟ କରିଥିଲେ । ଏହାକୁ ନେଇ ଦୁଇଜଣ ଯୁବକ ଆଜି ବାପା କହ୍ନେୟାଲାଲଙ୍କୁ ନିର୍ମମ ଭାବେ ହତ୍ୟା କରିଛନ୍ତି । ହତ୍ୟା କରିବା ପରେ ଅଭିଯୁକ୍ତମାନେ ଏହାର ଏକ ଭିଡିଓ ସୁଟିଂ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି ଓ ହତ୍ୟା ପାଇଁ ନିଜକୁ ଦାୟୀ କରିଛନ୍ତି ।
It’s a sad & shameful incident. There’s tense atmosphere in the nation today. Why don’t PM & Amit Shah ji address the nation? There is tension among people. PM should address the public&say that such violence won’t be tolerated & appeal for peace: Rajasthan CM on Udaipur murder pic.twitter.com/rkX0VRJPk0
— ANI (@ANI) June 28, 2022
ଅନ୍ୟପଟେ ଏଭଳି ଘଟଣା ପରେ ପୁରା ଅଞ୍ଚଳରେ ଅଶାନ୍ତିର ବାତାବରଣ ଦେଖିବାକୁ ମିଳିଛି । ଏହାକୁ ନେଇ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଲୋକମାନଙ୍କୁ ଶାନ୍ତି ବଜାୟ ରଖିବାକୁ ଅନୁରୋଧ କରିଛନ୍ତି । ଏହାସହ ଖୁବଶୀଘ୍ର ଅପରାଧୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଲୋକମାନଙ୍କୁ ଆଶ୍ୱାସନା ଦେଇଛନ୍ତି ।
ସେପଟେ ଏଭଳି ଘଟଣା ପରେ ରାଜସ୍ଥାନ ସରକାରକୁ ଟାର୍ଗେଟ କରିଛି ରାଜ୍ୟ ବିଜେପି । ବିଜେପି ନେତା ରାଜବର୍ଦ୍ଧନସିଂ ରାଠୋର ଟ୍ୱିଟ କରି ଏଭଳି ଘଟଣା ପାଇଁ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଦାୟୀ କରିଛନ୍ତି ।