ଛାତ୍ର, ଯବାନ, ବରିଷ୍ଠ ନାଗରିକଙ୍କୁ ଏୟାର ଇଣ୍ଡିଆର ୫୦% ରିହାତି
କନକ ବ୍ୟୁରୋ: ଛାତ୍ରଛାତ୍ରୀ, ସେନା କର୍ମଚାରୀ ଏବଂ ବରିଷ୍ଠ ନାଗରିକଙ୍କ ପାଇଁ ଏୟାର ଇଣ୍ଡିଆ ୫୦ ପ୍ରତିଶତ ରିହାତି ଗତକାଲି ଘୋଷଣା କରିଛି । ଏହି ରିହାତି ଘରୋଇ ରୁଟରେ ଇକୋନୋମି ବର୍ଗର ମୂଳ ଭଡ଼ା ଉପରେ ଦିଆଯିବ । ତେବେ ଯାତ୍ରା କରିବାର ୭ ଦିନ ପୂର୍ବରୁ ଏଥିପାଇଁ ଟିକଟ ବୁକ୍ କରିବାକୁ ପଡ଼ିବ । ସେହିଭଳି ସିଟର ଉପଲବ୍ଧତା ଉପରେ ଏହି ଅଫର୍ ନିର୍ଭର କରେ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏୟାର ଇଣ୍ଡିଆର ବୁକିଂ ଅଫିସ, କଲ୍ ସେଣ୍ଟର ଏବଂ ୱେବସାଇଟ୍ ମାଧ୍ୟମରେ ଏଥିପାଇଁ ଟିକଟ ବୁକ୍ କରାଯାଇ ପାରିବ ବୋଲି କୁହାଯାଇଛି । ଏହି ଅଫରର ଲାଭ ପାଇବା ପାଇଁ ଛାତ୍ରଛାତ୍ରୀଙ୍କ ନିମନ୍ତେ କେତେକ ନିର୍ଦ୍ଦିଷ୍ଟ ସର୍ତ୍ତ ରଖାଯାଇଛି । ଛାତ୍ରଛାତ୍ରୀଙ୍କ ବୟସ ୨୧ରୁ ୨୬ ବର୍ଷ ଭିତରେ ହୋଇଥିବା ଦରକାର । ଯଦିଓ ଏୟାର ଇଣ୍ଡିଆ ପକ୍ଷରୁ ଏହି ସ୍କିମ୍ ଗତକାଲିଠାରୁ ଆରମ୍ଭ ହୋଇଛି ତେବେ ଏହା କେବେ ବନ୍ଦ ହେବ ସେ ନେଇ କିଛି କୁହାଯାଇନାହିଁ ।
ଆର୍ଥିକ ସଙ୍କଟ ଦେଇ ଗତି କରୁଥିବା ଏୟାର ଇଣ୍ଡିଆ ନିଜର ବ୍ୟବସାୟ ବଢ଼ାଇବା ପାଇଁ ବିଭିନ୍ନ ପ୍ରକାର ପ୍ରୟାସ କରୁଛି । ଅଧିକ ଯାତ୍ରୀଙ୍କୁ ଆକୃଷ୍ଟ କରିବା ପାଇଁ କଂପାନି ଏହି ରିହାତି ପ୍ରଦାନ କରିବ । ଏହା ବ୍ୟତୀତ ୫ କିଲୋର ଚେକ୍ ଇନ୍ ବ୍ୟାଗକୁ ମଧ୍ୟ ମାଗଣା କଂପାନି ମାଗଣା କରିଛି ।