ସାଧନାକୁ ମିଳିଲା ବଡ଼ ସ୍ୱୀକୃତି: ପଦ୍ମଶ୍ରୀ ପୁରସ୍କାର ତାଲିକାରେ ସ୍ଥାନ ପାଇବା ପରେ ସଂଘର୍ଷର କାହାଣୀ ବଖାଣିଲେ ୪ ଓଡ଼ିଆ
କନକ ବ୍ୟୁରୋ: ଯେଉଁ ସାଧନା ପଛରେ ସମର୍ପଣ ଥିବ, ସମର୍ପଣ ପଛରେ ନିସ୍ୱାର୍ଥ ଭାବ ଥିବ । ସେହି ସାଧନା ଓ ସମର୍ପଣ ଦିନେ ନା’ ଦିନେ ସଫଳତା ଆଣିବ…ସମ୍ମାନ ଆଣିବ । ନିଜ ନିଜ କ୍ଷେତ୍ରରେ ନିରନ୍ତର ସାଧନା କରି ଆସୁଥିବା ଏମିତି ୪ ଜଣ ଓଡ଼ିଆକୁ ଏଥର ମିଳିବାକୁ ଯାଉଛି ପଦ୍ମଶ୍ରୀ ପୁରସ୍କାର । କୃଷି କ୍ଷେତ୍ର ପାଇଁ ପଟ୍ଟାୟତ ସାହୁ, କାଠି କଣ୍ଢେଇ କଳା ପାଇଁ ମାଗୁଣୀ କୁଅଁର, ଲୋକଗୀତ ରଙ୍ଗବତୀ ପାଇଁ କ୍ରିଷ୍ଣା ପଟେଲ ଏବଂ ଶିକ୍ଷା ଓ ସାହିତ୍ୟ ପାଇଁ ଅର୍ନ୍ତଯ୍ୟାମି ମିଶ୍ରଙ୍କୁ ମିଳିବ ପଦ୍ମଶ୍ରୀ । ଏହି ୪ଜଣ ପ୍ରତିଭାବାନ ବ୍ୟକ୍ତିତ୍ୱଙ୍କୁ ପଦ୍ମଶ୍ରୀ ପୁରସ୍କାର ଯେତିକି ଉତ୍ସାହିତ କରିଛି ତା’ଠୁ ଅଧିକ ଓଡ଼ିଶାବାସୀଙ୍କ ପାଇଁ ଖୁସି ଆଣି ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କୃଷି କ୍ଷେତ୍ରରେ ଅତୁଳନୀୟ ଅବଦାନ ପାଇଁ ପଦ୍ମଶ୍ରୀ ପୁରସ୍କାର ପାଇଁ ମନୋନୀତ ହୋଇଥିବା ପଟ୍ଟାୟତ ସାହୁଙ୍କୁ କାହାଣୀ ଅତି ବିରଳ । କଳାହାଣ୍ଡି ନାନ୍ଦୋଳ ଗାଁର ପଟ୍ଟାୟତ ସାହୁ ତାଙ୍କ ବାଡିରେ ବିରଳ ଔଷଧୀୟ ଉଦ୍ୟାନ ସୃଷ୍ଟି କରି ରେକର୍ଡ କରିଛନ୍ତି । ତାଙ୍କ ଦେଢ଼ ଏକର ଜମିରେ ଦୀର୍ଘ ୩୫ ବର୍ଷ ହେଲା ଔଷଧୀୟ ଗଛ ଲଗାଇବା ସହ ତା ଉପରେ ଗବେଷଣା ଜାରି ରଖିଛନ୍ତି । ପଟ୍ଟାୟତଙ୍କ ଏହି କାର୍ଯ୍ୟକୁ ପ୍ରଧାନମନ୍ତ୍ରୀ ମଧ୍ୟ ପ୍ରଶଂସା କରିଥିଲେ । କେନ୍ଦୁଝର’ର ମାଗୁଣୀ କୁଅଁର ଏବଂ କାଠି କଣ୍ଢେଇ’ର ସମ୍ପର୍କ ବୁହୁ ପୁରୁଣା । ଓଡ଼ିଶାର କାଠି କଣ୍ଢେଇ ପରମ୍ପରାକୁ ଦେଶ ଓ ବିଦେଶରେ ପହଂଚାଇ ପାରିଛନ୍ତି ମାଗୁଣୀ । ବୟସର ଅପରାହ୍ନରେ ବି ମାଗୁଣୀ କୁଅଁର ଏହି କଳାକୁ ଆଗେଇ ନେବା ପାଇଁ ଉଦ୍ୟମ ଜରି ରଖିଛନ୍ତି । ଚଳିତ ବର୍ଷ ୯୧ଜଣଙ୍କୁ ମିଳିବ ପଦ୍ମଶ୍ରୀ ପୁରସ୍କାର । ଯେଉଁଥିରେ ଓଡ଼ିଶାରୁ ଅଛନ୍ତି ଏହି ୪ଜଣ ।