ପୁଇଁତଳାରେ ବିଧାୟକଙ୍କୁ ସକାଳେ କଳାପତାକା, ସନ୍ଧ୍ୟାରେ ଅଣ୍ଡାମାଡ। ପ୍ରକଳ୍ପର ଉଦଘାଟନ ପାଇଁ ଯାଇଥିଲେ ମୁକେଶ ମହାଲିଙ୍ଗ ।
କନକ ବ୍ୟୁରୋ: ସକାଳେ କଳାପତାକା, ସନ୍ଧ୍ୟାରେ ଅଣ୍ଡାମାଡ । ଗତକାଲିର ଦିନ ଏପରି ଥିଲା ଲୋଇସିଂହାର ବିଧାୟକ ମୁକେଶ ମହାଲିଙ୍ଗଙ୍କ ସହିତ । ପୂର୍ବାହ୍ନରେ ପୁଇଁନ୍ତଳା ବ୍ଲକ ଅନ୍ତର୍ଗତ ଭାଲେର-କୁରୁଲ ସେତୁର ପ୍ରକଳ୍ପର ଉଦଘାଟନ ପାଇଁ ଭାଲେର ଯାଇଥିଲେ ବିଧାୟକ । ଫେରିବା ସମୟରେ ବିଜେଡି କର୍ମୀ ତାଙ୍କୁ ରାସ୍ତାରେ ଅଟକାଇ ବିରୋଧ କରିଥିଲେ । ଏହି ପ୍ରକଳ୍ପ ବିଜେଡିର ତେଣୁ ସେ କାହିଁକି ଉଦଘାଟନ କରିବେ ବୋଲି ଶାସକ ଦଳର କର୍ମୀ ପ୍ରଶ୍ନ କରିିଥିଲେ । ଏହି ସମୟରେ ବିଧାୟକ ମୁକେଶ ମହାଲିଙ୍ଗଙ୍କ ସହିତ ସାମାନ୍ୟ ଧସ୍ତାଧସ୍ତି ହୋଇଥିଲ।। ପରେ ପୁଲିସ ବୁଝାସୁଝା କରିବା ପରେ ଘଟଣାକୁ ହାଲକା ଭାବେ ନେଇଥିଲେ ଲୋଇସିଂହା ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ସଂଧ୍ୟାରେ ବିଜେପିର ମଣ୍ଡି ଚାଲ ଅଭିଯାନରେ ସାମିଲ ହେବାକୁ ଯାଇ ପୁଇଁନ୍ତଳା ଧାନ ମଣ୍ଡି ଯାଇଥିଲେ ଲୋଇସିଂହା ବିଧାୟକ । ଏହି ସମୟରେ ବିଜେଡିର ଆଉ ଏକ ଗୋଷ୍ଠୀ ବିଧାୟକଙ୍କ କାରକୁ ଅଣ୍ଡାମାଡ କରିଥିଲେ । ବିଧାୟକ କହିଛନ୍ତି, ତାଙ୍କ ଲୋକପ୍ରିୟତାରେ ଅସହିଷ୍ଣୁ ହୋଇପଡିଛି ବିଜେଡି । ଯଦି ଚାଷୀଙ୍କ ପ୍ରତି ଦରଦ ଅଛି ତାହେଲେ ସିଧାସଳଖ କ୍ଷେତ୍ରକୁ ଆସନ୍ତୁ ବୋଲି ବିଧାୟକ କହିଛନ୍ତି ।