କନକ ବ୍ୟୁରୋ : ଗୋଟିଏ ଗାଡିରେ ନବୀନ-ଜେଟଲୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରଅର୍ଥ ମନ୍ତ୍ରୀ ଅରୁଣ ଜେଟଲୀଙ୍କ ମଧ୍ୟାହ୍ନ ଭୋଜନକୁ ନେଇ ଚର୍ଚ୍ଚା । ଗତକାଲି ମେକ୍ ଇନ୍ ଓଡ଼ିଶା କନକ୍ଲେଭରେ ଯୋଗ ଦେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀଙ୍କୁ ଭିନ୍ନ ମୁଦ୍ରାରେ ଦେଖିବାକୁ ମିଳିଥିଲା । ଦୁଇ ପୁରୁଣା ବନ୍ଧୁ ଜେଟଲୀ ଓ ନବୀନ ଅନ୍ତରଙ୍ଗ ଆଳାପ କଲେ, ନବୀନ ତାଙ୍କ ହାତ ଧରି ନବୀନ ନିବାସ ନେଇ ନିଜ ସହ ଲଂଚ ଖୁଆଇଲେ । ଏହା କେବଳ ରାଜନୈତିକ ସମୀକ୍ଷକଙ୍କୁ ନୁହେଁ ଦୁଇ ଦଳର ନେତାଙ୍କୁ ମଧ୍ୟ ଚକିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ବିଜେପିର ତୁଙ୍ଗ ନେତା, କେନ୍ଦ୍ରର ପ୍ରଭାବଶାଳୀ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଅରୁଣ ଜେଟଲୀଙ୍କ ନବୀନ ନିବାସରେ ମଧ୍ୟାହ୍ଣ ଭୋଜନ କଥା ଜାଣି ନଥିବା ଚର୍ଚ୍ଚା ହେଉଛି । ନବୀନ ନିବାସରେ ଲଂଚ ପରେ ଦୁଇ ନେତାଙ୍କ ମଧ୍ୟରେ ପାଖାପାଖି ୨୦ ମିନିଟ ଧରି ଆଲୋଚନା ହୋଇଥିଲା । ନବୀନ ନିବାସରେ ଆତିଥ୍ୟ ଯୋଗୁଁ ଦଳୀୟ କାର୍ଯ୍ୟକ୍ରମରେ ମଧ୍ୟ ବିଳମ୍ବ କରିଥିଲେ ଅରୁଣ ଜେଟଲୀ । ତେବେ ଏପରି କରି ଦଳୀୟ ନେତାଙ୍କୁ କି ସଂଦେଶ ଦେବାକୁ ଜେଟଲୀ ଚାହୁଁଥିଲେ, ସେ ନେଇ ମଧ୍ୟ ଚର୍ଚ୍ଚା ହେଉଛି ।
ପୂର୍ବରୁ ମଧ୍ୟ କେନ୍ଦ୍ରୀୟ ନେତାଙ୍କ ଏଭଳି ଆଚରଣ ଅନେକ ସମୟରେ ଦ୍ୱନ୍ଦ୍ୱ ସୃଷ୍ଟି କରିଛି ରାଜ୍ୟ ବିଜେପି ନେତୃବୃନ୍ଦଙ୍କୁ । ନବୀନ ଓ ଜେଟଲୀଙ୍କ ମଧ୍ୟାହ୍ନ ଭୋଜନ ଚର୍ଚ୍ଚାକୁ ନେଇ ବିଜେପି ପ୍ରତିକ୍ରୀୟା ରଖିଛି । ତେବେ ନବୀନ ପଟ୍ଟନାୟକଙ୍କ ସହ ଅରୁଣ ଜେଟଲୀଙ୍କ ବ୍ୟକ୍ତିଗତ ସମ୍ପର୍କ ବୋଲି ବିଜେପି କହିଛି । ସେପଟେ ମୁଖ୍ୟମନ୍ତ୍ରୀ ଶାଳିନତା ଦେଖାଇଲେ ବୋଲି ବିଜେଡି କହିଛି ।
ଦେଖନ୍ତୁ ଏହି ଭିଡିଓ :