କନକ ବ୍ୟୁରୋ : ସାଇରସ ମିସ୍ତ୍ରୀଙ୍କୁ ପୁଣି ଏକ ଶକ୍ତ ଝଟକା । ଟାଟା ଇଣ୍ଡଷ୍ଟ୍ରିଜର ନିର୍ଦ୍ଦେଶକ ପଦରୁ ତାଙ୍କୁ ବରଖାସ୍ତ କରାଯାଇଛି । ଏହାସହ ଟାଟା ଇଣ୍ଡଷ୍ଟ୍ରିଜର ଅଧ୍ୟକ୍ଷ ପଦର ମଧ୍ୟ ସମସ୍ତ ଅଧିକାର ତାଙ୍କଠାରୁ ଛଡାଇ ନିଆଯାଇଛି । ଆଜି ବସିଥିବା ସେୟାର ହୋଲ୍ଡର ମିଟିଂରେ ଏନେଇ ନିଷ୍ପତି ନିଆଯିବା ପରେ ଘୋଷଣା କରାଯାଇଛି । ଗତ ଅକ୍ଟୋବର ମାସରେ ଟାଟା ଗ୍ରୁପର ଚେୟାରମ୍ୟାନ ପଦବୀରୁ ସାଇରସ ମିସ୍ତ୍ରୀକୁ ହଟାଇଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଟାଟା ଗ୍ରୁପର ଚେୟାରମ୍ୟାନ ପଦରୁ ହଟିବା ପରେ ଗ୍ରୁପର ପ୍ରମୁଖ କମ୍ପାନୀ ଟାଟା ମୋଟର୍ସ, ଟାଟା ଷ୍ଟିଲ୍, ଇଣ୍ଡିଆନ ହୋଟେଲ୍ସ ଓ ଟାଟା ଗ୍ଲୋବାଲ ବେଭରେଜେସ୍ ଓ ଟାଟା ପାୱାର ଚେୟାରମ୍ୟାନ ପଦ ମଧ୍ୟ ତାଙ୍କୁ ଛାଡିବାକୁ ପଡିଥିଲା । ୨୦୧୨ ଡିସେମ୍ବର ୨୯ତାରିଖରେ ସାଇରସ ମିସ୍ତ୍ରୀ ଚେୟାରମ୍ୟାନ ପଦ ସମ୍ଭାଳିଥିଲେ ।