କଟକ ଜଗତପୁରରେ ବିଜୁଳି ବେଗରେ ବାଇକ ଚଳାଇ ଇଲେକ୍ଟ୍ରି ପୋଲରେ ପିଟି ହେଲେ ଯୁବକ ! ଘଟଣାସ୍ଥଳରେ ମୃତ୍ୟୁ, ସିସିଟିଭିରେ କଏଦ ଦୁର୍ଘଟଣାର ଲାଇଭ ଦୃଶ୍ୟ ।
କଟକ ବ୍ୟୁରୋ : ଏମିତି ଆସେ ମୃତ୍ୟୁ । ଚାହୁଁ ଚାହୁଁ ଲିଭିଗଲା ଜୀବନ । କ୍ୟାମେରାରେ କଏଦ ହେଲା ଦୃଶ୍ୟ । କଟକ ଜଗତପୁରରେ ଘଟିଛି ଏଭଳି ଏକ ଘଟଣା । କେନ୍ଦ୍ରାପଡା କେନାଲ ବନ୍ଧ ଡିଗିସାହି ନିକଟରେ ଦୁର୍ଘଟଣା ଘଟି ଜଣେ ବାଇକ ଆରୋହୀ ପ୍ରାଣ ହରାଇଛନ୍ତି । ମୃତକଜଣକ ହେଲେ ବାରବୋଡିଆ ଅଞ୍ଚଳର ଦେବାଶିଷ ଦଳେଇ ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱରର ଏକ ଘରୋଇ କମ୍ପାନୀରେ କାମ କରି ମୋଟର ସାଇକେଲରେ ସେ ଫେରୁଥିବାବେଳେ ଏକ ବିଦ୍ୟୁତ ଖୁଣ୍ଟରେ ସେ ବାଡେଇ ହୋଇଯାଇଥିଲେ । ଆଉ ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ହିଁ ବାଇକ ଆରୋହୀଙ୍କ ପ୍ରାଣବାୟୁ ଉଡିଯାଇଥିଲା । ବାଇକଟି ବିଜୁଳିବେଗରେ ଆସୁଥିବା କ୍ୟାମେରାରେ କଏଦ ହୋଇଛି ।