ନବୀନଙ୍କ ବିସ୍ଫୋରଣ ! ନିଜ ଭିତରେ ନାହିଁ ଏକତା ତଥାପି ମିଥ୍ୟା ପ୍ରଚାରରେ ମାତିଛନ୍ତି ବିରୋଧୀ
କନକ ବ୍ୟୁରୋ : ବିଜେଡି ପ୍ରତିଷ୍ଠା ଦିବସରେ ବିରୋଧୀଙ୍କୁ ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଛନ୍ତି, ବିରୋଧୀ ଦଳର ନେତାମାନେ ପ୍ରତ୍ୟାଖ୍ୟାତ ନେତା । ସେମାନେ ଲୋକଙ୍କ ଦ୍ୱାରା ଗ୍ରହଣୀୟ ହେଉନାହାନ୍ତି । ବିଜେଡିର ଛବି ଖରାପ କରିବାକୁ ମିଥ୍ୟା ପ୍ରଚାର ଚଳାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମେୟରଙ୍କ ସେକ୍ସ ସିଡି ଅଭିଯୋଗ ପ୍ରସଙ୍ଗ, ଦାନ ମାଝୀ, ନଗଡା, ମାଲକାନଗିରିରେ ଜାପାନୀ ଜ୍ୱର ଆଦି ପ୍ରସଙ୍ଗକୁ ନେଇ ବିରୋଧୀ ଜୋରଦାର ବିରୋଧ ଜାରି ରଖିଥିବାବେଳେ ଆଜି ବିଜେଡି ପ୍ରତିଷ୍ଠା ଦିବସରେ କିିଛି ଏହିଭଳି ଭାବେ ଜବାବ ଦେଇଛନ୍ତି ନବୀନ ।
ପଂଚାୟଚ ନିର୍ବାଚନ ଲଢେଇ ପାଇଁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଖୁଲମଖୁଲ୍ଲା ଚ୍ୟାଲେଞ୍ଜ । ଜାତୀୟ ଦଳର ହାୱାକୁ ଫୁ କରିଦେଇଛନ୍ତି ନବୀନ । ବିଜେପିର ନାଁ ନନେଇ ‘ମୋଦି ହାୱା’ କିପରି ସାଧାରଣ ନିର୍ବାଚନରେ ତାଙ୍କ ଲୋକପ୍ରୟିତାକୁ ପ୍ରଭାବିତ କରିପାରିନଥିଲା ତାହାକୁ ମନେପକାଇ ଦେଇଛନ୍ତି ।
ପଂଚାୟତ ନିର୍ବାଚନ ପାଖେଇ ଆସୁଥିବାବେଳେ ଶାସକ ଓ ବିରୋଧୀ ଦଳ ଭିତରେ ଏଭଳି ଆରୋପ-ପ୍ରତ୍ୟାରୋପର ପର୍ବ ଆହୁରି ଶାଣିତ ହେବା ଅନୁମାନ କରାଯାଉଛି ।