ଦୃଷ୍ଟିଶକ୍ତି ହରାଇଥିବା ଭୁବନେଶ୍ୱର ଝିଅର ମୁଖ୍ୟମନ୍ତ୍ରୀଙ୍କୁ ନିବେଦନ ! କହିଲେ ମୁଁ ବଂଚିବାକୁ ଚାହେଁ, ଆଖିରେ ଦେଖିବାକୁ ଚାହେଁ ।
କନକ ବ୍ୟୁରୋ: କୁନି ପିଲାଟିର ଦୁଃଖ କାହାଣୀ ! ଭୁବନେଶ୍ୱର ଭିମଟାଙ୍ଗି ଅଞ୍ଚଳରେ ବାସ କରୁଥିବା ଐଶ୍ୱର୍ଯ୍ୟା ନାମକ ଜଣେ କୁନି ଝିଅଟି ଦୁନିଆ ଦେଖିବା ଆଗରୁ ଦୃଷ୍ଟି ଶକ୍ତି ହରାଇବସିଛି । ଦୃଷ୍ଟି ଶକ୍ତି ଚାଲିଯାଇଛି ସତ କିନ୍ତୁ ଦୁନିଆକୁ ନିଜ ଆଖିରେ ଦେଖିବା ପାଇଁ ମନରେ ରହିଛି ଅତୁଟ ଆଶା । କୁନି ଝିଅଟି ମୁଖ୍ୟମନ୍ତ୍ରୀଙ୍କ ସମ୍ମୁଖରେ କୋହଭରା କଣ୍ଠରେ ଆକୁଳ ନିବେଦନ କରି କହିଛି ମୁଁ ବଚିଂବାକୁ ଚାହେଁ,ପୁଣି ଥରେ ଦୂନିଆକୁୂ ମୋ ଆଖିରେ ଦେଖିବାକୁ ଚାହେଁ । ଦୁରା ରୋଗ ରେ ପୀଡିତ ହୋଇ ଆଜି ନିଜ ଦୂଷ୍ଟିଶକ୍ତି ହରାଇଛି ଭୁବନେଶ୍ୱର ଅଛଂଳର ବିଶ୍ୱ ଐଶ୍ୱର୍ଯ୍ୟା ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁଯାୟୀ, ଦୁରା ରୋଗରେ ପୀଡିତ ହୋଇ ନିଜ ଦୃଷ୍ଟିଶକ୍ତିକୁ ହରାଇଛନ୍ତି ଭୁବନେଶ୍ୱର ଭିମଟାଙ୍ଗି ଅଚଂଳରେ ବାସ କରୁଥିବା ଐଶ୍ୱର୍ଯ୍ୟା । ପୂର୍ବରୁ ଠିକ ଭାବେରେ ଚାଲିପାରୁନଥିଲେ ଏବଂ ଅଳ୍ପ ଅଳ୍ପ ଦେଖିପାରୁଥିଲେ ତେବେ ଐଶ୍ୱର୍ଯ୍ୟାଙ୍କ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କୃପାଦୃଷ୍ଟି ପଡିଥିଲା । ନିଜେ ନବୀନ ତାଙ୍କୁ ଭେଟିଥିଲେ ଏବଂ ମାଗଣା ଚିକିତ୍ସା ପାଇଁ ପ୍ରତିଶୃତି ମଧ୍ୟ ଦେଇଥିଲେ । ଏହା ପରେ ଚିକିତ୍ସା ଆରମ୍ଭ ହୋଇଥିଲା ଏବଂ ଧିରେ ଧିରେ ଐଶ୍ୱର୍ଯ୍ୟାଙ୍କ ଠାରେ ଉନ୍ନତି ପରିଲକ୍ଷିତ ହୋଇଥିଲା । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ପ୍ରାୟ ଦେଢ ବର୍ଷ ଚିକିତ୍ସା ଚାଲିବା ପରେ ଚିକିତ୍ସା ବନ୍ଦ ହୋଇଯାଇଥିଲା । ଐଶ୍ୱର୍ଯ୍ୟାଙ୍କ ବାପା ଜଣେ ଗରିବ ଲୋକ ହୋଇଥିବାରୁ ସେ ଐଶ୍ୱର୍ଯ୍ୟାଙ୍କ ଚିକିତ୍ସା ଜାରି ରଖିପାରିନଥିଲେ । ଏବେ ଐଶ୍ୱର୍ଯ୍ୟା ଦୃଷ୍ଟିଶକ୍ତି ହରାଇ ଦେଇଛନ୍ତି ।
ଭୁବନେଶ୍ୱର ଭିମଟାଙ୍ଗି ଅଞ୍ଚଳରେ ବାସ କରୁଥିବା ଏହି ପରିବାର ବେଶ୍ ଖୁସିରେ ରହୁଥିବା ବେଳେ ପରିବାର ଭିତରେ ଲୁଚିକି ରହିଛି ଏକ ବଡ ଧରଣର ଦୁଃଖ । ଦୁଃଖ ଏମିତି କି ଏ ଦୁନିଆକୁ ଦେଖିବା ଆଗରୁ ନିଜ ଦୃଷ୍ଟିଶକ୍ତି ହରାଈଛନ୍ତି ଐଶ୍ୱର୍ଯ୍ୟା । ଯେଉଁ ବୟସରେ ଅଇନା ସମ୍ମୁଖରେ ନିଜକୁ ସଜବାଜ କରିବା କଥା, ଆଜି ବି ସେ ନିଜକୁ ଦେଖିପାରୁ ନାହାନ୍ତି । ତେବେ ଯଦି ତାଙ୍କୁ ପୁନର୍ବାର ଟ୍ରିଟମେଣ୍ଟ କରାଯାଇ ପାରନ୍ତା ସେ ଦୃଷ୍ଟିଶକ୍ତି ଫେରି ପାଆନ୍ତେ ବୋଲି ଆଶା ରଖିଛନ୍ତି ପରିବାର ଲୋକଙ୍କ ସମେତ କୁନି ଝିଅ ଐଶ୍ୱର୍ଯ୍ୟା ।