ନୟାଗଡ଼ରେ ଯୁବକଙ୍କୁ ନିର୍ମମ ହତ୍ୟା ! ଘରୁ ଡାକି ନେଇ ଧାରୁଆ ଅସ୍ତ୍ରରେ ହତ୍ୟା,ରାଜନୈତିକ ଶତ୍ରୁତା କାରଣରୁ ହତ୍ୟା ସନ୍ଦେହ
କନକ ବ୍ୟୁରୋ : ନୟାଗଡ଼ ଶରଣକୁଳ ଥାନା କେଶପାନିଆରେ ଯୁବକଙ୍କୁ ନିର୍ମମ ହତ୍ୟା । ଘରୁ ଡାକି ନେଇ ଯୁବକଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରି ହତ୍ୟା କରିଛନ୍ତି । ମୃତ ଯୁବକ ହେଲେ ସୁବା ଦାଶ । ରାଜନୈତିକ ଶତ୍ରୁତାରୁ ତାଙ୍କୁ ହତ୍ୟା କରାଯାଇଥିବା ଅନୁମାନ କରାଯାଉଛି । ପରିବାର ଲୋକ ଏନେଇ ଥାନାରେ ଅଭିଯୋଗ କରିଛନ୍ତି । ପୁଲିସ ଘଟଣାର ଛାନଭିନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତକାଲି ରାତି ପ୍ରାୟ ସାଢ଼େ ୧୧ଟା ବେଳେ ଶ୍ରୀ ଦାଶଙ୍କ ମୋବାଇଲ ଫୋନକୁ ଏକ କଲ ଆସିଥିଲା। ଏଥିରେ ତାଙ୍କର କେହି ଚିହ୍ନା ପରିଚୟ ବ୍ୟକ୍ତି ପାଣି ବୋତଲ ନେଇ ହାଇସ୍କୁଲ ପାଖକୁ ଯିବାକୁ କହିଥିଲେ । ଏହି ଫୋନ୍ କଲ ପାଇବା ପରେ ଶ୍ରୀ ଦାଶ ଘରୁ ପାଣି ବୋତଲ ନେଇ ବାହାରକୁ ଯାଇଥିଲେ। ତେବେ ରାତି ସାଢ଼େ ୧ଟା ସୁଦ୍ଧା ଶ୍ରୀ ଦାଶ ଘରକୁ ନ ଫେରିବାରୁ ସନ୍ଦେହରେ ପରିବାର ଲୋକେ ସ୍କୁଲ ପାଖକୁ ଯାଇ ଖୋଜାଖୋଜି କରିଥିଲେ । ସେଠାରେ ଶ୍ରୀ ଦାଶଙ୍କ ମୁଣ୍ଡକୁ ହାଣି ନିର୍ମମ ଭାବେ ହତ୍ୟା କରାଯାଇଥିବା ଦେଖି ପରିବାର ଲୋକେ ପୁଲିସକୁ ଖବର ଦେଇଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ପୁଲିସ ସନ୍ଦେହ କରଉଛି କି, ଶ୍ରୀ ଦାଶଙ୍କ କୌଣସି ପରିଚିତ ଲୋକଙ୍କ ସହାୟତାରେ ତାଙ୍କୁ ପାଣି ବୋତଲ ଆଣିବା ବାହାନାରେ ବାହାରକୁ ଡ଼କାଯାଇଛି । ଶ୍ରୀ ଦାଶ ପାଣି ବୋତଲ ନେଇ ଯିବା ମାତ୍ରେ ତାଙ୍କୁ ଆକମଣ କରି ଦୁର୍ବୃତ୍ତମାନେ ହତ୍ୟା କରିଛନ୍ତି । ପୁଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି।