କାହିଁକି ସବୁ କ୍ୟାପଟେନ୍ ଦଳରେ ପୁରୁଣା ସିଷ୍ଟମ ପରିବର୍ତନ କରିବାକୁ ଚାହୁଁଛନ୍ତି ? ପ୍ରଶ୍ନ କଲେ ରବିନ୍ଦ୍ର ଜାଡେଜା, ଉତର ରଖିଲେ ଦିନେଶ କାର୍ତିକ
କନକ ବ୍ୟୁରୋ : ହାର୍ଦିକ ପାଣ୍ଡ୍ୟା ହୁଅନ୍ତୁ କି ରୋହିତ ଶର୍ମା ଯିଏ ଭାରତୀୟ କ୍ରିକେଟ ଦଳର କ୍ୟାପଟେନ୍ ହେଉଛନ୍ତି ସମେସ୍ତ ଦଳରେ ପରିବର୍ତନ କରିବାକୁ ଚାହୁଁଛନ୍ତି । ଟିମରେ ପୁରୁଣା ସିଷ୍ଟମର କାହିଁକି ସମସ୍ତ କ୍ୟାପଟେନ୍ ପରିବର୍ତନ କରିବାକୁ ଚାହୁଁଛନ୍ତି ବୋଲି ଅଲରାଉଣ୍ଡର ରବିନ୍ଦ୍ର ଜାଡେଜା ପ୍ରଶ୍ନ କରିଛନ୍ତି । ଆଉ ଏହାର ବେଷ୍ଟ ଉତର ରଖିଛନ୍ତି ଦିନେଶ କାର୍ତିକ । ତେବେ ଜାଡେଜା ପ୍ରଶ୍ନ କରିଛନ୍ତି, ବିରାଟ କୋହଲିଙ୍କ ପରେ ଗତ ତିନି ବର୍ଷ ହେବ ସବୁ କ୍ୟାପଟେନ ଦଳରେ ପରିବର୍ତନ କରିବାକୁ ଚାହୁଁଛନ୍ତି । ରୋହିତ କ୍ୟାପଟେନ ହେବା ପରେ ଦଳରେ ପରିବର୍ତନ କରିବାକୁ ଚାହୁଁଥିଲେ ଏବେ ହାର୍ଦିକ ପାଣ୍ଡ୍ୟା ମଧ୍ୟ । ପୁରା ସିଷ୍ଟମରେ କଣ ଅସୁବିଧା ରହିଛି ବୋଲି ଜାଡେଜା ପ୍ରଶ୍ନ କରି୍ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାର ଉତର ରଖି ଦିନେଶ କାର୍ତିକ କହିଛନ୍ତି, ନିକଟ ଅତିତରେ ଆଇସିସି ଟୁର୍ଣ୍ଣାମେଂଟରେ ଭାରତ ଭଲ ପଦର୍ଶନ କରିପାରୁନ୍ଥିବାରୁ ଦଳରେ ପରିବର୍ତନ କଥା ଉଠୁଛି । ୨୦୧୩ରୁ ଭାରତ କୌଣସି ଆଇସିସି ଟୁଣ୍ଣାମେଂଟ ଜିତିନାହିଁ । ତେଣୁ ଦଳର କଣ ଅସୁବିଧା ରହିଛି ତାର ପରିବର୍ତନ କରିବାର ଆବଶ୍ୟକତା ରହିଛି । ତେବେ ଜାଡେଜା ଏଭଳି ମନ୍ତବ୍ୟ ସେତେବେଳେ ଆସିଛି ଯେତେବେଳେ ତାଙ୍କର ବିକଳ୍ପ କୁହାଯାଉଥିବା ଅକ୍ସର ପଟେଲ ଫର୍ମରେ ଅଛନ୍ତି । ଗୁରୁବାର ଖେଳାଯାଇଥିବା ଶ୍ରୀଲଙ୍କା ବିପକ୍ଷ ଟି-୨୦ ମ୍ୟାଚରେ ଅକ୍ସର ପଟେଲ ଶେଷ ଆଡକୁ ଆସିଥିଲେ ବି ଦଳ ପକ୍ଷରୁ ସର୍ବାଧିକ ୬୫ ରନ କରିଥିଲେ । ଆଉ ତାହା ପୁଣି ୩୦ଟି ବଲରେ । ହାର୍ଦିକ ପାଣ୍ଡ୍ୟା ଟି-୨୦ ଦଳର ଅଧିନାୟକ ହେବା ପରେ ଦଳରେ କିଛିଟା ଏକ୍ସପେରିମେଂଟ କରିଥିବା ଦେଖିବାକୁ ମିଳିଛି । ସ୍ପିନର ଅକ୍ସର ପଟେଲଙ୍କୁ ଶେଷ ଓଭରରେ ବୋଲିଂ ଦେବା । ଏବଂ ଗୋଟିଏ ମ୍ୟାଚରେ ଖରାପ ପଦର୍ଶନ ଯୋଗୁ ହର୍ଷଲ ପଟେଲଙ୍କ ସ୍ଥାନରେ ଅଶଦୀପ ସିଂଙ୍କୁ ଦଳରେ ସାମିଲ କରିବା ଦେଖିବାକୁ ମିଳିଛି ।