ବନ୍ୟାର ବିଭୀଷିକା: କ୍ୟାମେରାରେ କଏଦ ହୋଇଛି ଭୟଙ୍କର ଚିତ୍ର, କେଉଁଠି ଘରେ ପଶିଲାଣି ପାଣି ତ କେଉଁଠି ଜଳମଗ୍ନ ରାସ୍ତାଘାଟ
କନକ ବ୍ୟୁରୋ: ବନ୍ୟାର ବିଭିଷିକାର ଆସୁଛି ଭୟଙ୍କର ଚିତ୍ର । କେଉଁଠି ଘରେ ଘରେ ପାଣି ପଶିଛି ତ ଆଉ କେଉଁଠି ରାସ୍ତା ଜଳମଗ୍ନ ହୋଇଛି । ଶହ ଶହ ଗାଁ ଏବେ ବନ୍ୟା ପାଣି ଘେରରେ । ବନ୍ୟା ପାଇଁ କେଉଁଠି ଛାତ ଉପରେ ଆଶ୍ରୟ ନେଉଛନ୍ତି ଲୋକେ, ତ ପୁଣି କେଉଁଠୁ ଆସିଛି ଘାଇ ଭାଙ୍ଗି ଗାଁ ଭିତରେ ପଶିଛି ବନ୍ୟା ପାଣି । ବନ୍ୟାର ଏହି ପରିସ୍ଥିତି ଭିତରେ ଲଗାତାର ଭାବେ ଓଡ୍ରାଫ, ଏନଡିଆରଏଫ ଓ ଅଗ୍ନିଶନ ବିଭାଗ ତରଫରୁ ଜାରି ରହିଛି ଉଦ୍ଧାର କାମ । ଖୋର୍ଦ୍ଧାର ରାଜୁଆ ନଦୀରେ ଶହେ ଫୁଟର ଘାଇ ସୃଷ୍ଟି ହୋଇଛି । ତିରିମଲ ନିକଟରେ ଏହି ବଡ ଘାଇ ସୃଷ୍ଟି ହୋଇଛି । ଏବେ ଘାଇରେ ପ୍ରବଳ ବେଗରେ ବନ୍ୟା ଜଳ ପ୍ରବାହିତ ହେଉଛି । ଏହି ଘାଇ ଦେଇ ପ୍ରଚୁର ମାତ୍ରାରେ ବନ୍ୟା ଜଳ ପ୍ରବାହିତ ହେଉଥିବାରୁ ଖୋର୍ଦ୍ଧା ଜିଲ୍ଲାର ଶରଧାପୁର, ଅଣ୍ଡା, ଅଁଳାଯୋଡି, ଧବଳପୁର ଗାଁ ପ୍ରଭାବିତ ହେବା ସମ୍ଭାବନା ରହିଛି । ପ୍ରଶାସନ ପକ୍ଷରୁ ଗାଁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି । ସେପଟେ ନଦୀର ଅନ୍ୟ ସ୍ଥାନରେ ଦୁର୍ବଳ ନଦୀ ବନ୍ଦରେ ବାଲିବସ୍ତା ପକାଇ ସ୍ଥାନୀୟ ଲୋକେ ଜଗି ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୋପ ବ୍ଲକରେ କୁଶଭଦ୍ରା ନଦୀରେ ଘାଇ ହେବା ପରେ ୧୦ଟି ପଂଚାୟତର ହଜାର ହଜାର ଲୋକ ଜଳବନ୍ଦୀ ହୋଇଛନ୍ତି । ପାଣି ଘେରରେ ଥିବା ଲୋକଙ୍କ ଉଦ୍ଧାର ପାଇଁ ପୁରୀ ଜ୍ଲିଲା ପ୍ରଶାସନ ପକ୍ଷରୁ ପ୍ରକ୍ରିୟା ଜାରି ରହିଛି । ଆଜି ଅସ୍ତରଙ୍ଗ ବ୍ଲକରୁ ଯନ୍ତ୍ର ଚାଳିକ ବୋଟ୍ ଗୋପକୁ ପଠାଯାଇଛି । ୨୦ରୁ ଅଧିକ ଟ୍ରକରେ ଡଙ୍ଗା ଗୁଡିକୁ ଲଦି ପ୍ରଭାବିତ ଅଂଚଳକୁ ପଠାଇଛି ପ୍ରଶାସନ ।