ପ୍ରଜ୍ୱଳ ରେବନ୍ନା ସେକ୍ସ ସ୍କାଣ୍ଡାଲ ନେଇ ମୁହଁ ଖୋଲିଲେ ଦେବେଗୌଡା । କହିଲେ, ମୋ ନାତି ଯଦି ଦୋଷ କରିଛି ତେବେ …
କନକ ବ୍ୟୁରୋ : ଜେଡିଏସ ସାଂସଦ ପ୍ରବଳ ରେବନ୍ନାଙ୍କ ବିରୋଧରେ ଆସିଥିବା ସେକ୍ସ ସ୍କାଣ୍ଡାଲ ମାମଲାରେ ପ୍ରଥମଥର ପାଇଁ ମୁହଁ ଖୋଲିଛନ୍ତି ତାଙ୍କ ଜେଜେବାପା ତଥା ଦେଶର ପୂର୍ବତନ ମୁଖ୍ୟମନ୍ତ୍ରୀ ଏଚଡି ଦେବେଗୌଡା । ଶନିବାର ଦିନ ସେ କହିଛନ୍ତି କି ଯଦି ମୋ ନାତି ଦୋଷୀ ସାବ୍ୟସ୍ତ ହୁଏ ତେବେ ତା ଉପରେ ଯେଉଁ କାର୍ଯ୍ୟାନୁଷ୍ଠାନ ହେବ ସେ ନେଇ ତାଙ୍କର କୌଣସି ଅଭିଯୋଗ ନାହିଁ । ଏହାସହ ପ୍ରଜ୍ୱଳ ରେବନ୍ନାଙ୍କ ପିତା ତଥା ବିଧାୟକ ଏଚଡି ରେବନ୍ନାଙ୍କ ବିରୋଧରେ ଜଣେ ମହିଳାଙ୍କୁ ଯୌନ ଶୋଷଣ ଓ ଅପହରଣ ମାମଲା କୋର୍ଟରେ ବିଚାରଧିନ ଥିବାରୁ ଏନେଇ କିଛି କହିନାହାଁନ୍ତି ଦେବେଗୌଡା ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମକୁ ସମ୍ବୋଧିତ କରି ଏଚଡି ଦେବେଗୌଡା କହିଛନ୍ତି କି, ମୁଁ ସେହି ସବୁ ମାମଲା ଉପରେ ଟିପ୍ପଣୀ କରିବାକୁ ଚାହୁଁନାହିଁ ଯେଉଁ ମାମଲା ବିଚାରଧୀନ ରହିଛି । ପ୍ରଜ୍ୱଳ ରେବନ୍ନା ବିଦେଶ ଫେରାର ହୋଇଯିବା ଉପରେ କୁମାର ସ୍ୱାମୀ କହିଛନ୍ତି କି, ଆଇନ ମୁତାବକ କାର୍ଯ୍ୟାନୁଷ୍ଠାନ ନେବା ସରକାରଙ୍କ କର୍ତ୍ତବ୍ୟ । ଏହାସହ ଏହି ମାମଲାରେ ଯେଉଁମାନେ ଜଡିତ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଓ ପୀଡିତାଙ୍କୁ ନ୍ୟାୟ ଦେବାକୁ କୁମାର ସ୍ୱାମୀ କହିଛନ୍ତି ।