ପଞ୍ଜାବ ପରେ ପ୍ରଧାନମନ୍ତ୍ରୀ ମୋଦିଙ୍କୁ ଝଟକା ଦେଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ : କ୍ୟାନସର ହସ୍ପିଟାଲ ଉଦଘାଟନ ବେଳେ କହିଲେ, ପୂର୍ବରୁ କରି ସାରିଛି ଉଦଘାଟନ୍
ଭିଡିଓ କନଫରେନସିଂରେ ସାମିଲ ହୋଇଥିଲେ ମୋଦି
କନକ ବ୍ୟୁରୋ : ପଞ୍ଜାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହଟ୍ଟହଟ୍ଟା ହେବା ପରେ ଆଉ ଏକ ଝଟକା ଦେଇଛନ୍ତି ପଶ୍ଚିମବଂଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଗତକାଲି କୋଲକାତା ସ୍ଥିତ ଚିତରଞ୍ଜନ କ୍ୟାନସର ହସ୍ପିଟାଲର ଦ୍ୱିତୀୟ ପରିସରର ଉଦଘାଟନ କାର୍ଯ୍ୟକ୍ରମ ରହିଥିଲା । ଭର୍ଚୁଆଲ ମୋଡରେ ସାମିଲ ହୋଇ ଏହାର ଉଦଘାଟନ କରିଥିଲେ ପ୍ରଧାନମନ୍ତ୍ରୀ । ମୋଦି କହିଥିଲେ ଏହା ଦେଶର ୧୩୦ କୋଟି ଦେଶବାସୀଙ୍କ ସାମର୍ଥ୍ୟର ପ୍ରତୀକ । ଭର୍ଚୁଆଲ ମୋଡରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବି କାର୍ଯ୍ୟକ୍ରମରେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମୋଦି ଉଦଘାଟନ କରି ବକ୍ତବ୍ୟ ରଖିବା ପରେ ମମତା କହିଥିଲେ ଆଜି ପ୍ରଧାନମନ୍ତ୍ରୀ ଯେଉଁ ଯୋଜନାର ଉଦଘାଟନ କରିଛନ୍ତି ବହୁ ପୂର୍ବରୁ ରାଜ୍ୟ ସରକାର ତାର ଉଦଘାଟନ କରି ସାରିଛନ୍ତି । କିନ୍ତୁ ପ୍ରଧାନମନ୍ତ୍ରୀ ଯେହେତୁ କାର୍ଯ୍ୟକ୍ରମରେ ଯୋଗ ଦେଇଥିଲେ ସେ ସେଥିପାଇଁ ସାମିଲ ହୋଇଛନ୍ତି । କୋଭିଡ୍ ସମୟରେ ଆବଶ୍ୟକତା ପଡିବାରୁ ସେ ଏହାର ଉଦଘାଟନ କରିବା ସହ କାର୍ଯ୍ୟରେ ଲଗାଇ ଦେଇଥିଲେ । ଏହା କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ସହଯୋଗରେ ନିର୍ମାଣ କରାଯାଇଛି । ରାଜ୍ୟ ୭୧ ପ୍ରତିଶତ ଯୋଗଦାନ ରହିଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଦୁଇ ଥର ଫୋନ କରିବାରୁ ଯୋଗ ଦେଇଥିଲେ ।